നിരാമയ ഇന്ഷുറന്സ് പദ്ധതി: തുക അടയ്ക്കേണ്ടതില്ല, പ്രീമിയം ഈടാക്കാന് ഒരു സംഘടനയെയും ചുമതലപ്പെടുത്തിയിട്ടില്ലെന്ന് സാമൂഹികനീതി വകുപ്പ്
'നിരാമയ' ഇന്ഷുറന്സ് പദ്ധതിയിലേക്ക് ഗുണഭോക്താക്കള് യാതൊരു തുകയും അടയ്ക്കേണ്ടതില്ലെന്നും പ്രീമിയം ഈടാക്കാന് ഒരു സംഘടനയെയും ചുമതലപ്പെടുത്തിയിട്ടില്ലെന്നും സാമൂഹികനീതി വകുപ്പ് അറിയിച്ചു.
നിരാമയ ഇന്ഷുറന്സ് പ്രീമിയത്തിന്റെ എല്ലാ ചെലവുകളും സംസ്ഥാന സര്ക്കാരാണ് വഹിക്കുന്നത്. നാഷണല് ട്രസ്റ്റ് ആക്ടിന്റെ പരിധിയില് വരുന്ന വൈകല്യങ്ങളായ ഓട്ടിസം, സെറിബ്രല് പാള്സി, മെന്റല് റിട്ടാര്ഡേഷന്, മള്ട്ടിപ്പിള് ഡിസെബിലിറ്റി എന്നിവ ബാധിച്ചവര്ക്ക് ആരോഗ്യ പരിരക്ഷ നല്കുന്നതിനായി സംസ്ഥാന സര്ക്കാരിന്റെ ധനസഹായത്തോടെ നാഷണല് ട്രസ്റ്റ് മുഖേനയാണ് പദ്ധതി നടപ്പാക്കുന്നത്.
നിലവില് നാഷണല് ട്രസ്റ്റിന്റെ പ്രവര്ത്തനങ്ങള് നടപ്പാക്കുന്നതിനായി 14 ജില്ലകളിലും ജില്ലാ കളക്ടര് ചെയര്മാനായി ലോക്കല് കമ്മിറ്റികളും ഇവ ഏകോപിപ്പിക്കുന്നതിന് സ്റ്റേറ്റ് നോഡല് ഏജന്സി സെന്ററും പ്രവര്ത്തിക്കുന്നുണ്ടെന്നും വകുപ്പ് ഡയറക്ടര് അറിയിച്ചു.
https://www.facebook.com/Malayalivartha
