ഇടുക്കി അണക്കെട്ടിന്റെ പദ്ധതി പ്രദേശത്ത് ജലനിരപ്പ് താഴുന്ന സാഹചര്യത്തില്‍ ചെറുതോണി അണക്കെട്ടില്‍നിന്ന് തുറന്നു വിടുന്ന വെള്ളത്തിന്റെ അളവ് വീണ്ടും കുറക്കാന്‍ തീരുമാനം. നിലവില്‍ മൂന്നു ഷട്ടറുകളിലൂടെ 450 ഘനമീറ്റര്‍ വെള്ളമാണ് തുറന്നുവിടുന്നത്. ഇത് 300 ഘനമീറ്ററായി കുറയ്ക്കുമെന്ന് അധികൃതര്‍ അറിയിച്ചു. ചൊവ്വാഴ്ച രാവിലെ 2,396 അടിയായി ഇടുക്കിയിലെ ജലനിരപ്പ് കുറഞ്ഞിട്ടുണ്ട്.

അണക്കെട്ടിന്റെ അഞ്ചു ഷട്ടറുകളില്‍ രണ്ടു ഷട്ടറുകള്‍ തിങ്കളാഴ്ച അടച്ചിരുന്നു. സംഭരണശേഷിയുടെ 95 ശതമാനത്തോളം ജലമാണ് അണക്കെട്ടിലുള്ളത്. ശനിയാഴ്ച മുതല്‍ മഴ കുറഞ്ഞതോടെയാണ് ജലനിരപ്പിലും മാറ്റമുണ്ടായത്.