കു​റ്റ​പ​ത്രം സ​മ​ര്‍​പ്പി​ക്കു​ന്ന​തി​നു പോ​ലീ​സ് വ​രു​ത്തി​യ വീ​ഴ്ച​യെ​ത്തു​ട​ര്‍​ന്നു എടപ്പാള്‍ തീയറ്റര്‍ പീഡനക്കേസിലെ പ്രതികള്‍ക്ക് ജാമ്യം ലഭിച്ചു. മ​ഞ്ചേ​രി പോ​ക്സോ സ്പെ​ഷ​ല്‍ കോ​ട​തി ചു​മ​ത​ല​യു​ള്ള അ​ഡീ​ഷ​ണ​ല്‍ ജി​ല്ലാ സെ​ഷ​ന്‍​സ് കോ​ട​തി(ര​ണ്ട്)യാണ് പ്രതികള്‍ക്ക് ജാ​മ്യം അ​നു​വ​ദി​ച്ച​ത്. ഒ​ന്നാം ​പ്ര​തി തൃ​ത്താ​ല കാ​ങ്കു​ന്ന​ത്ത് മൊ​യ്തീ​ന്‍​കു​ട്ടി (60), ര​ണ്ടാം ​പ്ര​തി കു​ട്ടി​യു​ടെ മാ​താ​വ് എ​ന്നി​വ​ര്‍​ക്കാ​ണ് ജ​ഡ്ജി എ.​വി.​നാ​രാ​യ​ണ​ന്‍ ഉ​പാ​ധി​ക​ളോ​ടെ ജാ​മ്യം അ​നു​വ​ദി​ച്ച​ത്.

2018 ഏ​പ്രി​ല്‍ 18-നാ​ണ് കേ​സി​നാ​സ്പ​ദ​മാ​യ സം​ഭ​വം. തന്‍റെ ഉ​ട​മ​സ്ഥ​ത​യി​ലു​ള്ള വാ​ട​ക ക്വാ​ര്‍​ട്ടേ​ഴ്സി​ല്‍ താ​മ​സി​ക്കു​ന്ന യു​വ​തി​യും മ​ക​ളു​മൊ​ന്നി​ച്ച്‌ എ​ട​പ്പാ​ളിലെ തി​യ​റ്റ​റി​ല്‍ സി​നി​മ കാ​ണാ​നെ​ത്തി​യ​താ​യി​രു​ന്നു മൊ​യ്തീ​ന്‍. ഇ​രു​വ​ശ​ങ്ങ​ളി​ലാ​യി ഇ​രു​ന്ന മാ​താ​വി​നെ​യും കു​ഞ്ഞി​നെ​യും പ്ര​തി ലൈംഗിക പീഡനത്തിനിരയാക്കുന്ന ദൃശ്യങ്ങള്‍ തീയറ്ററിലെ സിസിടിവിയില്‍ പതിഞ്ഞു. തി​യേ​റ്റ​ര്‍ ഉ​ട​മ ന​ല്‍​കി​യ സി​സി​ടി​വി ദൃ​ശ്യ​ത്തെ​ത്തു​ട​ര്‍​ന്നു ചൈ​ല്‍​ഡ് ലൈ​ന്‍ അ​ധി​കൃ​ത​ര്‍ ച​ങ്ങ​രം​കു​ളം പോ​ലീ​സി​ല്‍ പ​രാ​തി ന​ല്‍​കു​ക​യാ​യി​രു​ന്നു.

കു​ട്ടി​യെ പീ​ഡി​പ്പി​ക്കു​ന്ന​തി​ന് പ്ര​തി​ക്ക് ഒ​ത്താ​ശ ന​ല്‍​കി എ​ന്ന കേ​സി​ലാ​ണ് മാ​താ​വി​നെ മേ​യ് 13ന് ​പോ​ക്സോ വ​കു​പ്പ് അ​നു​സ​രി​ച്ച്‌ അ​റ​സ്റ്റ് ചെ​യ്ത​ത്. അ​റ​സ്റ്റ് ന​ട​ന്നു 90 ദി​വ​സ​ത്തി​ന​കം കു​റ്റ​പ​ത്രം സ​മ​ര്‍​പ്പി​ക്ക​ണ​മെ​ന്നാ​ണ് ച​ട്ടം. ഇ​തു പാ​ലി​ക്കാ​ത്ത​പ​ക്ഷം സ്വാ​ഭാ​വി​ക ജാ​മ്യ​ത്തി​ന് പ്ര​തി അ​ര്‍​ഹ​യാ​ണെ​ന്ന അ​ഭി​ഭാ​ഷ​ന്‍ കെ.​വി.​സാ​ബു​വി​ന്‍റെ വാ​ദം കോ​ട​തി അം​ഗീ​ക​രി​ക്കു​ക​യാ​യി​രു​ന്നു.

ഓഗസ്റ്റ് പ​ത്തി​നാ​ണ് പ്രതികളെ അ​റ​സ്റ്റ് ചെ​യ്ത് 90 ദി​വ​സം പൂ​ര്‍​ത്തി​യായത്. എ​ന്നാ​ല്‍ കു​റ്റ​പ​ത്രം സ​മ​ര്‍​പ്പി​ക്കേ​ണ്ട പ​ത്താം തീ​യ​തി പ്രോ​സി​ക്യൂ​ഷ​ന്‍ കോ​ട​തി​യോ​ടു കൂ​ടു​ത​ല്‍ സ​മ​യം ആ​വ​ശ്യ​പ്പെ​ടു​ക​യാ​യി​രു​ന്നു. പോ​ക്സോ കേ​സി​ന്‍റെ അ​ന്വേ​ഷ​ണം പൂ​ര്‍​ത്തി​യാ​യി​ല്ലെ​ന്ന കാ​ര​ണം ചൂ​ണ്ടി​ക്കാ​ട്ടി​യാ​യി​രു​ന്നു പ്രോ​സി​ക്യൂ​ഷ​ന്‍ ആ​വ​ശ്യം.

എ​ന്നാ​ല്‍ കോ​ട​തി ഇ​തു അം​ഗീ​ക​രി​ച്ചി​ല്ല. പോ​ക്സോ നി​യ​മ പ്ര​കാ​രം കു​റ്റ​പ​ത്രം സ​മ​ര്‍​പ്പി​ക്കു​ന്ന​ത് നീ​ട്ടാ​ന്‍ കോ​ട​തി​ക്ക് അ​ധി​കാ​ര​മി​ല്ലെ​ന്ന് ജ​ഡ്ജി ചൂ​ണ്ടി​ക്കാ​ട്ടി. യു​എ​പി​എ, മക്കോക നി​യ​മ പ്ര​കാ​രം രജിസ്റ്റര്‍ ചെയ്യുന്ന കേസുകളില്‍ മാ​ത്ര​മേ ഇ​ത്ത​ര​ത്തി​ല്‍ സ​മ​യം നീ​ട്ടാ​ന്‍ അ​ധി​കാ​ര​മു​ള്ളൂവെന്നും കോടതി വ്യക്തമാക്കിയിരുന്നു.

11-ാം തീയതി ര​ണ്ടാം​ ശ​നി​യും 12-ാം തീ​യ​തി ഞാ​യ​റുമായതിനാല്‍ തിങ്കളാഴ്ചയാണ് തൃ​ശൂ​ര്‍ സ്പെ​ഷ​ല്‍ ബ്രാ​ഞ്ച് ഡി​വൈ​എ​സ്പി ഉ​ല്ലാ​സ് മ​ഞ്ചേ​രി കോ​ട​തി​യി​ല്‍ 450 പേ​ജു​ള്ള കു​റ്റ​പ​ത്രം സ​മ​ര്‍​പ്പി​ച്ച​ത്. ഒ​ന്നാം​പ്ര​തി മൊ​യ്തീ​ന്‍​കു​ട്ടി​ക്കെ​തി​രെ ഐപിസി 376-ാം വകുപ്പ് പ്രകാരം ബ​ലാ​ത്സം​ഗം, പോ​ക്സോ വ​കു​പ്പി​ലെ അ​ഞ്ച്, ആ​റ്, ഒ​ന്പ​ത്, പ​ത്ത് വ​കു​പ്പു​ക​ളും ചു​മ​ത്തി​യി​ട്ടു​ണ്ട്.

പെ​ണ്‍​കു​ട്ടി​യു​ടെ മാ​താ​വി​ന്‍റെ പേ​രി​ല്‍ പോ​ക്സോ വ​കു​പ്പി​ലെ 16, 17, ജു​വ​നൈ​ല്‍ വ​കു​പ്പ് 75 എ​ന്നി​വ​യാണ് ചുമത്തിയിരിക്കുന്നത്. ചൈ​ല്‍​ഡ് ലൈ​ന്‍ പ്ര​വ​ര്‍​ത്ത​ക​രും തി​യ​റ്റ​ര്‍ ജീ​വ​ന​ക്കാ​രു​മ​ട​ക്കം 55 സാ​ക്ഷി​ക​ളെയാണ് പോലീസ് കുറ്റപത്രത്തില്‍ ഉള്‍പ്പെടുത്തിയിരിക്കുന്നത്.

വ്യ​വ​സാ​യി​യാ​യ ഒ​ന്നാം പ്ര​തി​യു​ടെ സ്വാ​ധീ​നം മൂ​ലം കേ​സെ​ടു​ക്കാ​ന്‍ മ​ടി കാ​ണി​ച്ച എ​സ്‌ഐ കെ.ജി. ബേ​ബി​യെ നേ​ര​ത്തെ അ​ന്വേ​ഷ​ണ വി​ധേ​യ​മാ​യി സ​സ്പെ​ന്‍​ഡ് ചെ​യ്തി​രു​ന്നു. ഇ​പ്പോ​ള്‍ കു​റ്റ​പ​ത്രം സ​മ​ര്‍​പ്പി​ക്കു​ന്ന​തി​ല്‍ പോ​ലീ​സ് വ​രു​ത്തി​യ വീ​ഴ്ച​യും പ്ര​തി​ക​ള്‍​ക്ക് അ​നു​കൂ​ല​മാ​യി​രി​ക്ക​യാ​ണ്.