അഞ്ചല്‍ സൊസൈറ്റി ജംഗ്ഷനിലായിരുന്നു സംഭവം. കഴിഞ്ഞ ദിവസം മന്ത്രി കടകംപള്ളി സുരേന്ദ്രന്റെ വാഹനവുമായി ഇടിച്ചശേഷം കടന്നുകളഞ്ഞ ബൈക്ക് യാത്രികരെ പോലീസ് പിടികൂടി. അഞ്ചലിലും പരിസരപ്രദേശങ്ങളിലുമുള്ള നൂറോളം സിസിടിവി കാമറകള്‍ പരിശോധിച്ചതിന്റെ അടിസ്ഥാനത്തില്‍ നടന്ന അന്വേഷണത്തിലാണ് ബൈക്ക് പിടികൂടിയതെന്ന് സി.ഐ. ടി.സതികുമാര്‍ പറഞ്ഞു.

സ്‌പ്രേ പെയിന്റ് ഉപയോഗിച്ച്‌ ബൈക്കിന്റെ കളര്‍ മാറ്റുന്നതിനിടെയാണ് അഞ്ചല്‍ പുത്തയം അഗസ്ത്യക്കോട് സ്വദേശികളായ പ്രായപൂര്‍ത്തിയാകാത്ത രണ്ടുപേര്‍ പിടിയിലായത്. മന്ത്രിയുടെ വാഹനത്തിനു കേടുപാടുകള്‍ സംഭവിച്ചിരുന്നു.