ഗാന്ധിജയന്തി ദിനത്തിൽ രാഷ്ട്ര പിതാവ് മഹാത്മാ ഗാന്ധിയെ അപമാനിച്ച് സിപിഐ ബ്രാഞ്ച് സെക്രട്ടറി. രാഷ്ട്ര പിതാവ് മഹാത്മാ ഗാന്ധിയെ അപമാനിച്ചു മൂവാറ്റുപുഴ എം എൽ എ എൽദോ എബ്രഹാമിന്റെ ഉറ്റ അനുയായിയും സോഷ്യൽ മീഡിയ വക്താവും സിപിഐ ബ്രാഞ്ച് സെക്രട്ടറിയുമായ അഫ്സൽ തൊങ്ങനാലിന്റെ ഫേസ്ബുക്ക് പോസ്റ്റാണ് വിവാദമായിരിക്കുന്നത്. " പകൽ സമയത്ത് ഇന്ത്യക്ക് സ്വാതന്ത്ര്യം വേണമെന്ന് പറയും, രാത്രി ബ്രിട്ടീഷുകാരുടെ അടിവസ്ത്രം അലക്കി കൊടുക്കുന്ന ഗാന്ധിയാണ് രാഷ്ട്രപിതാവ് " എന്നാണ് അഫ്സൽ ഫേസ്ബുക്കിൽ കുറിച്ചത്.

തുടർന്ന് ഫേസ്ബുക്‌പോസ്റ്റ് വിവാദമാകുകയായിരുന്നു. വളരെയധികം കമന്റുകളാണ് തുടർന്ന് പോസ്റ്റിനു മറുപടിയായി വന്നത്. കൂടുതൽ കമന്റുകളും അസഭ്യവര്ഷങ്ങളാണ്. അതേസമയം മുൻകാലങ്ങളിലും രാഷ്ട്രപിതാവിനെയും രാഷ്ട്രീയ എതിരാളികളെയും അങ്ങേയറ്റം മ്ലേച്ഛമായ ഭാഷയിൽ ആക്ഷേപിക്കുന്നത് ഇദ്ദേഹത്തിന്റെ പരിപാടിയാണെന്ന് മുൻകാല ഫേസ്ബുക്ക് പോസ്റ്റുകൾ തെളിയിക്കുന്നു എന്ന് കോൺഗ്രസ്സ് പ്രവർത്തകർ ആരോപിക്കുന്നു. സംഭാവം വിവാദമായതോടെ ഫേസ്ബുക്ക് പോസ്റ്റിനടിയിൽ കടുത്ത പ്രതിഷേധമാണ് അരങ്ങേറുന്നത്. സംസ്ഥാനത്തിന്റെ പല മേഖലകളിൽ നിന്നും പോലീസിൽ പരാതികൾ എത്തിച്ചേരുന്നതോടൊപ്പം വിവിധ രാഷ്ട്രീയ സംഘടനകൾ ഉന്നത പൊലീസ് ഉദ്യോഗസ്ഥർക്ക് പരാതി നൽകുമെന്നും അറിയിച്ചിരിക്കുകയാണ്. യൂത്ത് കോൺഗ്രസ്സ് നിയോജകമണ്ഡലം വൈസ് പ്രസിഡന്റ് ഷാൻ മുഹമ്മദ്, പ്രസിഡന്റ് ഷമീർ കോണിക്കൽ തുടങ്ങിയവർ മൂവാറ്റുപുഴ ഡിവൈഎസ്പിക്ക് കേസ് നൽകി. പോലീസ് ഇതിന്മേൽ കേസെടുത്തിട്ടുണ്ട്.