സിനിമയില്‍ വില്ലന്‍ കഥാപാത്രങ്ങളെ അവതരിപ്പിച്ച് ഏറെ ശ്രദ്ധ നേടിയയാളാണ്. കൊല്ലം തുളസിയുടെ പല സിനിമാ ഡയലോഗുകളും രക്തം മരവിപ്പിപ്പിക്കുന്നതാണ്. ആ സിനിമാ ഡയലോഗുകള്‍ ജീവിതത്തിലേക്കും പകര്‍ത്തിയപ്പോള്‍ തുളസി ഊരാക്കുടുക്കിലേക്ക് പോയി. 

ശബരിമലയില്‍ വരുന്ന സ്ത്രീകളെ രണ്ടായി വലിച്ചുകീറണമെന്നാണ് കൊല്ലം തുളസി പറഞ്ഞത്. ഇതില്‍ ഒരു ഭാഗം ദില്ലിയിലേക്കും ഒരു ഭാഗം മുഖ്യമന്ത്രി പിണറായി വിജയന്റെ ഓഫീസിലേക്കും അയച്ചുകൊടുക്കണം. സ്ത്രീകള്‍ക്ക് പ്രവേശനം അനുവദിച്ച് കൊണ്ട് ഉത്തരവിറക്കിയ ജഡ്ജിമാര്‍ ശുംഭന്‍മാര്‍ ആണെന്നും അദ്ദേഹം പറഞ്ഞിരുന്നു. ബിജെപിയുടെ മുതിര്‍ന്ന നേതാക്കള്‍ വേദിയിലിരിക്കെയായിരുന്നു കൊല്ലം തുളസിയുടെ കൊലവിളി. വിവരവും വിദ്യാഭ്യാസവുമുള്ള ആരും ശബരിമലയില്‍ പോകില്ലെന്നും അദ്ദേഹം പറഞ്ഞിരുന്നു. 

ഇതിനെതിരെ ശക്തമായ പ്രതിഷേധമാണ് ഉയരുന്നത്. സിപിഎം വനിതാ നേതാക്കള്‍ കൊല്ലം തുളസിയ്‌ക്കെതിരെ രംഗത്തെത്തി. കൊല്ലം തുളസിയെ വലിച്ച് കീറണമെന്ന് വനിതാ നേതാക്കള്‍ വിളിച്ച് പറയുന്നത്. 

അതേസമയം കൊല്ലം തുളസിയ്‌ക്കെതിരെ വനിതാ കമ്മീഷന്‍ കേസെടുത്തിട്ടുണ്ട്. സംഭവത്തില്‍ അദ്ദേഹം മാപ്പു പറഞ്ഞിട്ടുണ്ട്. ഒരു ആവേശത്തില്‍ പറഞ്ഞു പോയതാണെന്നാണ് അദ്ദേഹത്തിന്റെ വാദം. എന്തായാലും പറഞ്ഞ ചില കാര്യങ്ങള്‍ തീര്‍ത്തും വസ്തുതാപരമല്ലെന്നും അദ്ദേഹം പറയുന്നു.

സോഷ്യല്‍ മീഡിയയില്‍ അടക്കം വലിയ വിവാദമായിരുന്ന സംഭവമായിരുന്നു കൊല്ലം തുളസിയുടേത്. ഇതിനെതിരെ കേസെടുക്കാത്തത് എന്തുകൊണ്ടാണെന്ന് ചോദ്യമുയര്‍ന്നിരുന്നു. വൈകാതെ തന്നെയാണ് അദ്ദേഹത്തിനെതിരെ കേസ് വന്നിരിക്കുന്നത്.

കൊല്ലം തുളസിയുടെ പരാമര്‍ശത്തില്‍ വനിതാ കമ്മീഷനാണ് സ്വമേധയാ കേസെടുത്തത്. എന്‍ഡിഎ സംഘടിപ്പിച്ച ശബരിമല വിശ്വാസ സംരക്ഷണ ജാഥയിലായിരുന്നു വിവാദ പരാമര്‍ശം. അതേസമയം കേസെടുത്തതോടെ നടന്‍ ശരിക്കും വെട്ടിലായിരിക്കുകയാണ്. ശബരിമല സ്ത്രീപ്രവേശന വിധി പുറപ്പെടുവിച്ച ജഡ്ജിമാര്‍ ശുംഭന്‍മാരാണെന്നും അദ്ദേഹം പറഞ്ഞിരുന്നു. ഇതിന് വേറെ കേസും വരാന്‍ സാധ്യതയുണ്ട്. ഈ പരാമര്‍ശവും കൂടി കണക്കിലെടുത്താണ് വനിതാ കമ്മീഷന്‍ കേസെടുത്തത്.

കേസെടുത്തതിന് പിന്നാലെ മാപ്പു പറഞ്ഞ് കൊല്ലം തുളസി രംഗത്തെത്തിയിട്ടുണ്ട്. പറയാന്‍ പാടില്ലാത്തതാണ് പറഞ്ഞത്. പ്രസംഗത്തിന്റെ ആവേശത്തില്‍ അബദ്ധത്തില്‍ പറഞ്ഞുപോയതാണ്. താന്‍ ജഡ്ജിമാരെ ശുംഭന്‍മാരെന്ന് വിളിച്ചിട്ടില്ലെന്നും അദ്ദേഹം പറയുന്നു. സത്യത്തില്‍ പറഞ്ഞ കാര്യങ്ങള്‍ പാടേ വിഴുങ്ങുകയാണ് അദ്ദേഹം ചെയ്തിട്ടുള്ളത്. സ്ത്രീകളെ കുറിച്ച് താന്‍ പറഞ്ഞത് അബദ്ധ പ്രയോഗമാണെന്നും നടന്‍ പറഞ്ഞു. പക്ഷെ മാപ്പ് കൊണ്ട് തീരുന്നതല്ലെന്ന് പിന്നാലെ മനസിലാകും.