ശബരിമല പ്രക്ഷോഭത്തില്‍ ഏറ്റവുമധികം ശ്രദ്ധിക്കപ്പെട്ട വ്യക്തികളില്‍ ഒരാളാണ് രാഹുല്‍ ഈശ്വര്‍. രാഹുലിന്റെ അയ്യപ്പസ്വാമിയെ സാക്ഷി നിര്‍ത്തിയുള്ള പരാമര്‍ശം ഏറെ ശ്രദ്ധിക്കപ്പെട്ടു. ഗാന്ധിയന്‍ മാര്‍ഗത്തിലൂടെ മല കയറുന്ന സ്ത്രീകളെ തടുക്കാന്‍ ഒരുങ്ങുകയാണ് രാഹുല്‍. പതിനായിരക്കണക്കിന് ഭക്തര്‍ അയ്യപ്പന് കാവല്‍ നിര്‍ക്കുമെന്നാണ് പറയുന്നത്. ഫേസ് ബുക്കിലൂടെയാണ് രാഹുല്‍ ശബരിമല കാക്കുന്നത് വിവരിക്കുന്നത്. 

രാഹുലിന്റെ പോസ്റ്റ് ഇങ്ങനെ... 

ശബരി മലയിലേക്ക് എല്ലാ ഭക്തര്‍ക്കും സ്വാഗതം. എന്നാല്‍ ഈ വഴിയിലൂടെ അതിക്രമിച്ച് കയറിയാല്‍ ആര്‍ക്കും ഈ വഴിക്കപ്പുറം പോകാന്‍ പറ്റില്ല... ഞങ്ങള്‍ ശബരിമലയില്‍ എത്തിയിട്ടുണ്ട്. ഭക്തരുടെ ശക്തമായ പ്രാര്‍ത്ഥനയും പ്രതിരോധവുമുണ്ടാകും.ഞങ്ങള്‍ ശബരി മലയില്‍ എത്തിയിട്ടുണ്ട് 17 മുതല്‍ 22 വരെ 5 ദിവസങ്ങള്‍ ശക്തമായ പ്രാര്‍ത്ഥനാ പ്രക്ഷോഭങ്ങള്‍ നടത്തും. നിരാഹാര സമരം ഉള്‍പ്പെടെയുള്ളവ അവലംബിച്ച് ഗാന്ധിയന്‍ മാര്‍ഗമായിരിക്കും അബലംബിക്കുന്നത്. അയ്യപ്പ സ്വാമിയാണെ അതിക്രമിച്ച് കയറുന്നഒരു വ്യക്തികളേയും ഇതിനപ്പുറം പോകാന്‍ കഴിയില്ല.

ഗണപതിയ്ക്ക് വച്ച് തുടങ്ങണമെന്നാണ് പറയുന്നത് അതുകൊണ്ട് പമ്പാ ഗണപതി സ്വാമിയുടെ സന്നിധിയില്‍ നിന്നും തുടങ്ങുന്നു. അയ്യപ്പ ധര്‍മ്മ സേന പ്രാര്‍ത്ഥിച്ച് തുടങ്ങുന്നു. ഗണപതി സാക്ഷി...

ഇതാണ് ലക്ഷ്മണ രേഖ. ഇതിനപ്പുറം കടക്കുന്ന ഒരു മഹിഷിയേയും ഒരു ഫെമനിച്ചിയേയും കടത്തി വിടില്ല. ഇവിടം മുതലാണ് ശബരിമല യാത്ര ശരിക്കും ആരംഭിക്കുന്നത്. പതിനെട്ടാം പടി തുടങ്ങുന്നത് ഇതിന് മുന്നോടിയായിട്ടാണ്. അമ്പലവും പള്ളിയുമൊക്കെ തകര്‍ക്കാന്‍ ശ്രമിക്കുന്നവര്‍ക്കെതിരെയുള്ള ശക്തമായ പോരാട്ടമാണിത്... ഒരു കാരണവശാലും വിശ്വാസത്തെ നശിപ്പിക്കാന്‍ കഴിയില്ല. ജെല്ലിക്കെട്ട് മാതൃകയില്‍ പ്രക്ഷോപമുണ്ടാകും. തീര്‍ച്ചയായും അതിക്രമിച്ച് കയറയരുത്. മലയ സമൂഹവും എല്ലാ ഹിന്ദുക്കളും ഉണ്ടാകും. പതിനായര കണക്കിന് പേര്‍ ഇവിടെയുണ്ടാകും. ശബരിമലയ്ക്ക് കാവല്‍ നില്‍ക്കും അതിനാല്‍ ആരും അതിക്രമിച്ച് കയറരുത്. അയ്യപ്പ സ്വാമിയാണെ അതിക്രമിച്ച് കയറുന്നഒരു വ്യക്തികളേയും ഇതിനപ്പുറം പോകാന്‍ കഴിയില്ല.