നിരന്തരം മണ്ടത്തരങ്ങൾ വിളമ്പുന്നതിൽ ബിജെപി പ്രവർത്തകർ ഒന്നാമതാണ്. പ്രധാനമന്ത്രി നരേന്ദ്രമോദിയെ പുകഴ്ത്താനുള്ള ഒരവസരം പോലും അവർ പാഴാക്കാറില്ല. ത്രിപുര മുഖ്യമന്ത്രി ബിപ്ലബി കുമാറിന് പിന്നാലെ വിവാദ പ്രസ്താവനയുമായി മറ്റൊരു ബിജെപി നേതാവുകൂടി രംഗത്ത്. നരേന്ദ്രമോദി മഹാവിഷ്ണുവിന്‍റെ പതിനൊന്നാമത്തെ അവതാരമാണെന്ന പ്രസ്താവനയുമായി ബിജെപി നേതാവ്. മഹാരാഷ്‌ട്ര ബിജെപി വക്താവ് അവദൂത് വാഗാണ് ട്വിറ്ററിലൂടെ ഇക്കാര്യമറിയിച്ചത്. ദൈവത്തെപ്പോലെയുള്ള ഒരു നേതാവിനെ ലഭിച്ചത് ഇന്ത്യയുടെ ഭാഗ്യമാണെന്ന് അവദൂത് പറഞ്ഞു.

അവദൂതിന്റെ ഈ പരമാര്‍ശത്തിനെതിരെ കോണ്‍ഗ്രസ് രംഗത്തെത്തിയിട്ടുണ്ട്. ദൈവത്തെ അപമാനിക്കാനുള്ള ശ്രമമാണ് ബിജെപി നടത്തുന്നതെന്നാണ് കോണ്‍ഗ്രസ് വക്താവ് അതുല്‍ ലോന്തെ പറഞ്ഞത്. നഷ്ടപ്പെട്ട രാഷ്ട്രീയ സ്വാധീനം വീണ്ടെടുക്കുന്നതിനുള്ള അവദൂതിന്റെ ശ്രമമാണ് ഇതെന്നും ഇതിന് കൂടുല്‍ പ്രാധാന്യം നല്‍കേണ്ടതില്ലെന്നും അതുല്‍ വ്യക്തമാക്കി.