അയ്യോ അയ്യോ അയ്യപ്പാ... സ്വാമി ശരണം അയ്യപ്പാ... വന് സുരക്ഷയൊരുക്കി രഹ്ന ഫാത്തിമയെ പരിപാവനമായ പൂങ്കാവനത്തിലെത്തിയ പോലീസ് ചെകുത്താനും കടലിനും ഇടയിലായി; പ്രതിഷേധം കത്തിയപ്പോള് മന്ത്രി കടകംപള്ളി നേരിട്ട് ഇടപെട്ടു; ശബരിമലയെ യുദ്ധക്കളമാക്കാന് പോലീസ് രഹ്നാ ഫാത്തിമയെ ഇറക്കിയതായി ബിജെപി
ശബരിമലയില് സ്ത്രീ പ്രവേശനം അസാധ്യമാക്കി വിശ്വാസികളുടെ ശക്തമായ പ്രതിഷേധം. കിസ് ഓഫ് ലൗ പ്രവര്ത്തക രഹ്നാ ഫാത്തിമയേയും മാധ്യമ പ്രവര്ത്തക കവിതയേയും കൊണ്ട് പൊലീസ് ഇനി മലയിറങ്ങേണ്ട അവസ്ഥയിലായി. വന് സുരക്ഷയൊരുക്കി രഹ്ന ഫാത്തിമയെ പരിവാപാവനമായ പൂങ്കാവനത്തിലെത്തിയ പോലീസ് ചെകുത്താനും കടലിനും ഇടയിലായി. അക്ഷരാര്ത്ഥില് കേരളം മരവിപ്പിക്കുന്ന അവസ്ഥയാണ് കണ്ടത്. ഇതോടെ സര്ക്കാര് ഇടപെട്ടു. പ്രതിഷേധം കത്തിയപ്പോള് മന്ത്രി കടകംപള്ളി നേരിട്ട് ഇടപെട്ടു. ശബരിമലയെ യുദ്ധക്കളമാക്കാന് പോലീസ് രഹ്നാ ഫാത്തിമയെ ഇറക്കിയതായി ബിജെപി അധ്യക്ഷനും രംഗത്തെത്തി.
വിശ്വാസികള്ക്കൊപ്പമാണ് സര്ക്കാരെന്ന് ദേവസ്വം മന്ത്രി കടകംപള്ളി സുരേന്ദ്രനും അറിയിച്ചു. പ്രശ്നങ്ങളുണ്ടാക്കാനാണ് അക്ടിവിസ്റ്റുകള് മലയിലെത്തുന്നതെന്നും മന്ത്രി പറഞ്ഞു. ഇത്തരം പ്രശ്നക്കാരെ അംഗീകരിക്കില്ലെന്നും അവര്ക്ക് പിന്തുണ നല്കില്ലെന്നും മന്ത്രി കടകംപള്ളി സുരേന്ദ്രന് തിരുവനന്തപുരത്ത് പറഞ്ഞു. ശബരിമലയില് ഉയര്ന്ന ശരണം വിളികളാണ് കടകംപള്ളി സുരേന്ദ്രനെ കൊണ്ട് ഇത് പറഞ്ഞത്.
ഭരണഘടനാ ബാധ്യത സര്ക്കാരിനുണ്ട്. എന്നാല് ആക്ടിവിസ്റ്റുകള്ക്ക് കയറി ഇടപെടാന് ശബരിമലയെ അനുവദിക്കില്ലെന്നും മന്ത്രി കടകംപള്ളി സുരേന്ദ്രന് പറഞ്ഞു. ഇതോടെയാണ് രഹ്നാ ഫാത്തിമയ്ക്കും മാധ്യമ പ്രവര്ത്തകയായ കവിതയ്ക്കും തിരിച്ചു മടങ്ങേണ്ട അവസ്ഥ വന്നത്. മരക്കൂട്ടം വരെ പൊലീസ് ഇരുവരേയും എത്തിച്ചു. ഇതോടെ അയ്യപ്പ ഭക്തര് ഒരുമിച്ച് കൂടി. നടപന്തലില് അഞ്ഞൂറോളം ഭക്തര് നിരന്ന് കിടന്നു. അയ്യപ്പ ശരണമന്ത്രങ്ങള് ഉയര്ന്നു. ഇതോടെ ഐജി ശ്രീജിത്ത് എത്തി ഭക്തരോട് കാര്യങ്ങള് വിശദീകരിച്ചു. വിശ്വാസികളെ മറികടന്ന് മുന്നോട്ട് പോകില്ലെന്നും അറിയിച്ചു. ഇതിന് പിന്നാലെയാണ് സര്ക്കാര് നയപരമായ തീരുമാനം മന്ത്രി തിരുവനന്തപുരത്ത് പ്രഖ്യാപിച്ചത്. ഇതോടെ ആക്ടിവിസ്റ്റുകളാണ് എത്തിയതെന്ന് പൊലീസും സര്ക്കാരും സമ്മതിക്കുന്ന അവസ്ഥയും വന്നു.
അങ്ങനെ സ്ത്രീ പ്രവേശനത്തിന്റെ മറവില് ശബരിമലയില് എത്തുന്നവര് ആക്ടിവിസ്റ്റുകളാണെന്ന് സര്ക്കാരും പ്രഖ്യാപിക്കുന്ന അവസ്ഥയാണ്. കാര്യങ്ങള് കൈവിട്ടുപോകുമെന്ന് സര്ക്കാര് തിരിച്ചറിഞ്ഞതാണ് ഇതിന് കാരണം. ആക്ടിവിസ്റ്റുകളെ കയറ്റിയാല് അത് സര്ക്കാരിന് വലിയ തിരിച്ചടിയാകും. അതുകൊണ്ടാണ് അടിയന്തര ഇടപെടല് വരുന്നത്. ദേവസ്വം ബോര്ഡ് റിവ്യൂ ഹര്ജി നല്കും. ഇത് സര്ക്കാര് അംഗീകരിക്കുമെന്നും മന്ത്രി അറിയിച്ചു. സോഷ്യല് മീഡിയയിലെ വിവാദ നായിക രഹ്നാ ഫാത്തിമ സന്നിധാനത്തേക്ക് ഇരുമുടിയുമായെത്തിയാണ് സര്ക്കാരിനേയും വെട്ടിലാക്കിയത്. ഇതാണ് നയപരമായ തീരുമാനം എടുക്കാന് കാരണം. മുഖ്യമന്ത്രി പിണറായി വിജയനുമായി സംസാരിച്ചാണ് കടകംപള്ളി തീരുമാനം എടുത്തത്.
https://www.facebook.com/Malayalivartha
