എല്ലാം ചെറിയ ചെറിയ കാര്യങ്ങളല്ലേ? എല്ലാ പ്രശ്നങ്ങളും ശരിയാവും, ശരിയാവണമല്ലോ: 'അമ്മ' വിവാദങ്ങളില് മമ്മൂട്ടിയുടെ മറുപടി
താരസംഘടനയായ 'അമ്മ'യില് ഉയര്ന്നുവന്ന ആഭ്യന്തര തര്ക്കങ്ങളെയും വിവാദങ്ങളെയും കുറിച്ച് ആദ്യമായി തന്റെ നിലപാട് വ്യക്തമാക്കി മെഗാസ്റ്റാര് മമ്മൂട്ടി. സംഘടനയിലെ പ്രശ്നങ്ങള് വലിയ കാര്യങ്ങളല്ലെന്നും എല്ലാം കാത്തിരുന്ന് കാണാമെന്നും മമ്മൂട്ടി പറഞ്ഞു.
പത്മഭൂഷണ് പുരസ്കാരം ലഭിച്ചതില് താന് അതീവ സന്തുഷ്ടനാണെന്നും 'ഇരട്ടി സന്തോഷം' ഉണ്ടെന്നും താരം മാധ്യമങ്ങളോട് പങ്കുവെച്ചു. പുരസ്കാരം സ്വീകരിച്ച് മടങ്ങവേ 'അമ്മ' സംഘടനയിലെ വിവാദങ്ങളെക്കുറിച്ച് മാധ്യമപ്രവര്ത്തകര് ചോദിച്ചപ്പോള് വളരെ ശാന്തനായാണ് അദ്ദേഹം മറുപടി നല്കിയത്.
'നടക്കട്ടെ, തീരുമാനം ആയിക്കോളും, കുഴപ്പമില്ല. എല്ലാം കാത്തിരുന്നല്ലേ കാണാന് പറ്റുള്ളൂ? അടുത്ത നിമിഷം നമ്മുടെ കയ്യില് അല്ലല്ലോ. എല്ലാ പ്രശ്നങ്ങളും ശരിയാവും. ശരിയാവണമല്ലോ, ശരിയായിക്കോളും. എല്ലാം ചെറിയ ചെറിയ കാര്യങ്ങളല്ലേ?' മമ്മൂട്ടി പറഞ്ഞു.
'അമ്മ' സംഘടനയിലെ തര്ക്കങ്ങളില് മമ്മൂട്ടി കൂടുതല് ആഴത്തിലുള്ള പ്രതികരണങ്ങള്ക്ക് മുതിര്ന്നില്ലെങ്കിലും, മുതിര്ന്ന താരം എന്ന നിലയില് പ്രശ്നങ്ങള് ഉടന് പരിഹരിക്കപ്പെടുമെന്ന അദ്ദേഹത്തിന്റെ വാക്കുകള് സിനിമാ മേഖലയ്ക്ക് വലിയ ആശ്വാസമാണ് നല്കുന്നത്.
https://www.facebook.com/Malayalivartha
