ബഹുഭാഷാ പണ്ഡിതനും എഴുത്തുകാരനും ഇസ്ലാമിക് പബ്ലിഷിങ് ഹൗസ്(ഐ.പി.എച്ച്) മുന് എഡിറ്ററുമായിരുന്ന റഹ്മാന് മുന്നൂര് എന്ന പി.ടി. അബദുറഹ്മാന് അന്തരിച്ചു
ബഹുഭാഷാ പണ്ഡിതനും എഴുത്തുകാരനും ഇസ്ലാമിക് പബ്ലിഷിങ് ഹൗസ്(ഐ.പി.എച്ച്) മുന് എഡിറ്ററുമായിരുന്ന റഹ്മാന് മുന്നൂര് എന്ന പി.ടി. അബദുറഹ്മാന് (61) അന്തരിച്ചു. ഒരേസമയം അറബി, ഇംഗ്ലീഷ്, ഉര്ദു ഭാഷകളില്നിന്ന് മലയാളത്തിലേക്ക് വിവര്ത്തനംചെയ്യാന് കഴിയുന്ന മലയാളത്തിലെ എണ്ണംപറഞ്ഞ വിവര്ത്തകരില് ഒരാളായിരുന്നു. കോഴിക്കോട് ചാത്തമംഗലം മുന്നൂരില് പാറക്കാന്തൊടി തെക്കേക്കാരന് മുഹമ്മദിന്റെയും ആമിനയുടെയും മകനായി 1956 ഡിസംബര് 22ന് ജനിച്ചു.
ശാന്തപുരം ഇസ്ലാമിയ കോളജില്നിന്ന് ബിരുദവും കാലിക്കറ്റ് സര്വകലാശാലയില്നിന്ന് അറബി സാഹിത്യത്തില് എം.എയും കരസ്ഥമാക്കി. മലയാളത്തിലെ പ്രമുഖ പുസ്തക പ്രസാധകരായ ഐ.പി.എച്ച് എഡിറ്ററായി 2017ല് വിരമിച്ച അദ്ദേഹം നേരത്തേ ഇസ്ലാമിക വിജ്ഞാന കോശം അസോ.എഡിറ്റര്, ആരാമം ചീഫ് എഡിറ്റര്, പ്രബോധനം വാരിക സബ് എഡിറ്റര്, ബോധനം െ്രെതമാസിക എഡിറ്റര് എന്നീ സ്ഥാനങ്ങള് വഹിച്ചു. ഇടക്കാലത്ത് സൗത്ത് വിഷന്, ധര്മധാര തുടങ്ങിയ ദൃശ്യ മാധ്യമങ്ങളുടെ ചുമതലയും അദ്ദേഹം വഹിക്കുകയുണ്ടായി. നിരവധി ഓഡിയോ കാസറ്റുകള്ക്ക് ഗാനരചന നടത്തുകയും ടെലിവിഷന് പരിപാടികള്ക്ക് തിരക്കഥ എഴുതുകയും ചെയ്തിട്ടുണ്ട്.
പരിഭാഷകള് അനായാസം കൈകാര്യം ചെയ്യുന്ന പരിചയക്കാര് പി.ടിയെന്ന് വിളിക്കുന്ന റഹ്മാന് മുന്നൂരിന്റെ വിയോഗത്തോടെ മലയാളത്തിലെതന്നെ അറബി, ഉര്ദു, ഇംഗ്ലീഷ് ഭാഷകള് അനായാസം കൈകാര്യം ചെയ്യാന്കഴിയുന്ന അപൂര്വ പ്രതിഭകളില് ഒരാളെയാണ് നഷ്ടമാകുന്നത്. അദ്ദേഹത്തിന്റെ പരിഭാഷകള് മൂലകൃതിയുടെ ഭാഷയോടും ആശയത്തോടും അങ്ങേയറ്റം നീതി പുലര്ത്തിയിരുന്നു. കൂടാതെ, അവയില് പലതും കാലത്തെ അതിജീവിക്കുന്ന മികച്ച രചനകളാണെന്ന സവിശേഷത കൂടിയുണ്ട്. റഹ്മാന് മുന്നൂര് വിവര്ത്തകനോ ഗ്രന്ഥകാരനോ മാത്രമല്ല പത്രപ്രവത്തകന്,ഗാന രചയിതാവ്, നാടകകൃത്ത്, ഗവേഷകന് എന്നീ നിലകളിലും വ്യക്തിമുദ്ര പതിപ്പിച്ച പണ്ഡിതനായിരുന്നു.
പത്രപ്രവര്ത്തന രംഗത്ത് മൂന്നു പതിറ്റാണ്ട് നീണ്ടുനിന്ന ഔദ്യോഗിക ജീവിതത്തിനിടയില് കേരള ജമാഅത്തെ ഇസ്ലാമിയുടെ മിക്ക പ്രസിദ്ധീകരണങ്ങളിലും എഡിറ്റോറിയല് വിഭാഗത്തില് ഉന്നത സ്ഥാനങ്ങള് വഹിച്ചു. ഇടക്കാലത്ത് സൗത്ത് വിഷന്, ധര്മധാര തുടങ്ങിയ ദൃശ്യമാധ്യമങ്ങളുടെ ചുമതലയും അദ്ദേഹം വഹിക്കുകയുണ്ടായി. പി.ടി നടത്തിയിരുന്ന ബോധനം െ്രെതമാസിക മലയാളത്തിലെ കിടയറ്റ ഗവേഷണ ജേണലായിരുന്നു. യശഃശരീരനായ പ്രമുഖ എഴുത്തുകാരന് എന്.പി. മുഹമ്മദ് അതിനെ അഭിനന്ദിക്കുകയുണ്ടായി.
ഐ.പി.എച്ച് എഡിറ്ററായിരിക്കെ ഔദ്യോഗികമായി ജോലിയില്നിന്ന് പിരിഞ്ഞതിനുശേഷം കേരള ജമാഅത്തെ ഇസ്ലാമിയുടെ ചരിത്ര രചനയില് ഏര്പ്പെട്ടുകൊണ്ടിരിക്കുന്നതിനിടയില് അസുഖബാധിതനായത് കാരണം അത് തുടരാനായില്ല. തസവ്വുഫിനെ കുറിച്ചടക്കം ഇസ്ലാമിക വിജ്ഞാന കോശത്തില് എഴുതിയ നിരവധി ലേഖനങ്ങളും പ്രബോധനത്തില് ഖുര്ആനിലെ 19 എന്ന സംഖ്യയെ കുറിച്ച് മുട്ടാണിശ്ശേരില് കോയാക്കുട്ടി മൗലവിയുമായി നടത്തിയ ദീര്ഘമായ സംവാദവും പി.ടിയിലെ ഗവേഷകനെ അടയാളപ്പെടുത്തുന്നതാണ്.
ഗാന രചയിതാവെന്ന നിലയില് യു.കെ.അബൂസഹ്ലയുടെ യഥാര്ഥ പിന്ഗാമിയാണ് റഹ് മാന് മൂന്നൂര്. 'ഈ തമസ്സിന്നപ്പുറത്തൊരു വെളിച്ചമുണ്ടോ', 'പൂജാ പാട്ടുകളല്ല...' തുടങ്ങിയവ അദ്ദേഹത്തിന്റെ ഹിറ്റുകളാണ്. മീഡിയ വണ് പതിനാലാം രാവ് റിയാലിറ്റി ഷോയില് പി.ടിയുടെ പല പാട്ടുകളും മത്സരാര്ഥികള് ആലപിച്ചിരുന്നു. നാടകരചന രംഗത്ത് അബു വളയങ്കുളം സംവിധാനം ചെയ്ത് അവതരിപ്പിച്ച 'മൗദൂദി' ശ്രദ്ധേയമായിരുന്നു. പി.ടിയുടെ നാടകമോ സംഗീത ശില്പമോ ഇല്ലാത്ത ഇസ്ലാമിയകോളജ്, മദ്റസ പരിപാടികളൊന്നും ഒരു കാലത്തുണ്ടായിരുന്നില്ല.ചില ടെലിവിഷന് പരിപാടികളുടെ തിരക്കഥയും പി.ടി തയാറാക്കിയിരുന്നു.
"
https://www.facebook.com/Malayalivartha
