മലകയറാന്‍ ഒരുങ്ങിയ കഴക്കൂട്ടം സ്വദേശിയായ മേരി സ്വീറ്റി പ്രതിഷേധത്തെ തുടര്‍ന്ന് മടങ്ങി. 46 വയസ്സുള്ള സ്ത്രീയാണ് മേരി. വിദ്യാരംഭമായതിനാല്‍ ഇന്നുതന്നെ ദര്‍ശനം നടത്തണമെന്നാണ് മേരി സ്വീറ്റി പറഞ്ഞത്. തന്നെ അക്രമിക്കരുതെന്നും താന്‍ പ്രപഞ്ച ശക്തിയെ കണ്ടുകൊള്ളട്ടെ എന്നും അവര്‍ ആവശ്യപ്പെട്ടു. എന്നാല്‍ ഇവര്‍ക്ക് പോലീസ് സുരക്ഷ നല്കനാവില്ല എന്ന് മേരിയുമായി ഉള്ള ചര്‍ച്ചയില്‍ അറിയിച്ചു. എന്നാല്‍ തനിക്ക് അയ്യപ്പനെ കാണണമെന്ന് മേരി പറഞ്ഞു.സംരക്ഷണം നല്‍കി കൊണ്ടുപോകേണ്ടത് പോലീസിന്റെ ഉത്തരവാദിത്വമാണെന്നും ഇവര്‍ പറഞ്ഞു.

പക്ഷെ തനിച്ചുവേണമെങ്കില്‍ പോകാമെന്നും . പൊലീസ് സംരക്ഷണം നല്‍കാന്‍ കഴിയില്ലെന്നും എസ്‌ഐ വ്യക്തമാക്കുകയായിരുന്നു . കൂടാതെ പ്രതിഷേധക്കാര്‍ ശരണം വിളികളോടെ മേരിയെ വളഞ്ഞതോടെ പൊലീസ് ഇടപെട്ട് ഇവരെ കണ്‍ട്രോള്‍ റൂമിലേക്ക് മാറ്റുകയും ചെയ്തു.