താന് വിശ്വാസിയാണെന്ന് രഹന ഫാത്തിമ; ഇക്കാര്യം വേറെ ആരും പറയേണ്ട ആവശ്യമില്ല... രഹന മനസ് തുറക്കുന്നു
ശബരിമല കയറാന് എത്തിയ രഹന ഫാത്തിമയും കവിതയും പ്രതിഷേധത്തെ തുടര്ന്ന് തിരിച്ചിറങ്ങി. അതേസമയം താന് വിശ്വാസിയാണെന്നും ഇക്കാര്യം വേറെ ആരും പറയേണ്ട ആവശ്യമില്ലെന്നും രഹന പറഞ്ഞു. ഇരുവരും പമ്ബയില് എത്തി. താന് വിശ്വാസിയാണെന്നും ഇക്കാര്യം വേറെ ആരും പറയേണ്ടെന്നും തനിക്കും തന്റെ കുടുംബത്തിനും പൊലീസ് സുരക്ഷ ഒരുക്കണമെന്നും രഹന ഫാത്തിമ മാധ്യമങ്ങളോട് പറഞ്ഞു. രഹന ഫാത്തിമയുടെ വീടിന് നേര്ക്ക് ആക്രമണം ഉണ്ടായിരുന്നു.
അതേസമയം, ശബരിമലയില് പ്രവേശനത്തിന് എത്തിയ ഇവര്ക്ക് യൂണിഫോമും ഹെല്മറ്റും നല്കിയ സംഭവത്തില് ഐജി ശ്രീജിത്തിനെതിരെ കേസ് എടുക്കണമെന്ന് പ്രതിപക്ഷനേതാവ് രമേശ് ചെന്നിത്തല പറഞ്ഞിരുന്നു.
എന്നാല് ശബരിമലയില് പൊലീസ് യൂണിഫോം ആര്ക്കും നല്കിയിട്ടില്ലെന്ന് ഐജി ശ്രീജിത്ത് വ്യക്തമാക്കിയിരുന്നു. ശബരിമല കയറാന് എത്തിയ യുവതികള്ക്ക് പൊലീസ് യൂണിഫോം നല്കിയ നടപടിയെ ബിജെപി ജനറല് സെക്രട്ടറി കെ സുരേന്ദ്രനും വിമര്ശിച്ചിരുന്നു. യുവതികള്ക്ക് ഹെല്മറ്റും യൂണിഫോമും നല്കിയത് നിയമ ലംഘനമാണെന്നും കെ.സുരേന്ദ്രന് പറഞ്ഞിരുന്നു.
ഐജി ശ്രീജിത്തിന് രഹന ഫാത്തിമയെ അറിയില്ലേ, അങ്ങനെ വരാന് വഴിയില്ലല്ലോ? എന്ന് അനില് അക്കരെ എംഎല്എ ഫെയ്സ്ബുക്ക് പോസ്റ്റിലൂടെ ചോദിച്ചു. ഇന്നലെ പത്തനം തിട്ട എസ്പിയോട് രഹന ഫാത്തിമ ശബരിമലയില് പോകാന് അനുമതി ചോദിച്ചിരുന്നു. അവര്ക്ക് പൊലീസ് അനുമതി നല്കുകയും ചെയ്തു. എന്നാല്, ആക്ടിവിസം കാണിക്കാനുള്ള സ്ഥലമല്ല ശബരിമല എന്നാണ് ദേവസ്വം മന്ത്രി കടകംപള്ളി സുരേന്ദ്രന് പ്രതികരിച്ചത്.
https://www.facebook.com/Malayalivartha
