മേരിയെന്നാണ് പേര്, 46 വയസ്സുണ്ട്! മനസ്സിൽ ഭക്തിയുണ്ട്; നാലഞ്ച് വർഷമായി മലയാറ്റൂരും തെക്കൻകുരിശുമലയും കയറുന്നു: നിങ്ങളാരും ആക്രമിക്കാതിരുന്നാൽ മതി, ഞാൻ പോയി കണ്ടോളാം- മലകയറാനെത്തിയ കഴക്കൂട്ടം സ്വദേശിനി മേരിയുടെ വാക്കുകൾ ഇങ്ങനെ...
ശബരിമല കയറാനൊരുങ്ങി അടിവാരത്തെത്തിയ മേരി സ്വീറ്റി അയ്യപ്പനെ കാണാൻ നിരത്തിയ വാദങ്ങൾ സോഷ്യൽ മീഡിയയിൽ വൈറലാകുന്നു. വിദ്യാരംഭദിനമായതിനാൽ ഇന്നുതന്നെ അയ്യപ്പനെ കാണണമെന്ന് ആഗ്രഹമുണ്ടെന്നും മുൻപ് മലയാറ്റൂർ മലയുൾപ്പെടെ കയറിയ അനുഭവസമ്പത്തിലാണ് ഒറ്റയ്ക്ക് മല കയറാനെത്തിയത് എന്നും മേരി പറയുന്നു.
''മേരിയെന്നാണ് പേര്. 46 വയസ്സുണ്ട്. മനസ്സിൽ ഭക്തിയുണ്ട്. വിശ്വാസമുള്ളതുകൊണ്ടാണ് അയ്യപ്പനെ കാണാനെത്തിയത്. നാലഞ്ച് വർഷമായി മലയാറ്റൂരും തെക്കൻകുരിശുമലയും കയറുന്നുണ്ട്. നിങ്ങളാരും ആക്രമിക്കാതിരുന്നാൽ മതി, ഞാൻ പോയി കണ്ടോളും.
ആറുമാസം മുൻപ് വന്നിരുന്നു. അന്ന് പമ്പയിലെത്തി ഗണപതി കോവിലിലെത്തി തൊഴുതുമടങ്ങി. അന്നെനിക്ക് അനുവാദമില്ലായിരുന്നു. ഒരു പ്രതിഷേധത്തിന്റെയും ഭാഗമല്ല. ഒരു ബാഹ്യശക്തിയെന്നെ നിയന്ത്രിക്കുന്നുണ്ട്. ആ ശക്തിയാണ് എന്റെ ശരീരത്തെ നിയന്ത്രിക്കുന്നത്. ടെലിപ്പതിയിലും ആ ശക്തിയിലും അയ്യപ്പന്റെ അനുഗ്രഹത്തിലും വിശ്വാസമുണ്ട്. 46 വയസ്സിൽ തന്നെ മുട്ടുവേദന തുടങ്ങി. ഇനിയെപ്പോ കയറാനാണ്? തിരിച്ചുവന്നാലും ഇല്ലെങ്കിലും ഒരു മരണമല്ലേ ഉള്ളൂ? അന്തസ്സായി മരിക്കാം. പിന്നെ അയ്യപ്പനെ ഇന്ന് കാണണമെന്ന് എനിക്കുണ്ട്. വിദ്യാരംഭമാണ്. ഒരു പുതിയ കാര്യം.
ഇതിനിടെ സുരക്ഷ നല്കാന് തയാറവല്ലെന്ന് പൊലീസ് അറിയിച്ചു. മേരി സ്വീറ്റിയെ സുരക്ഷാപ്രശ്നം ധരിപ്പിക്കാന് പൊലീസ് ശ്രമിക്കുന്നു. സുരക്ഷ നല്കാനാവില്ലെന്ന് പൊലീസ് ഉദ്യോഗസ്ഥര് ആവര്ത്തിച്ചു. യാത്ര ഒഴിവാക്കണമെന്ന് അഭ്യര്ഥന. തനിച്ചുവേണമെങ്കില് പോകാമെന്നും പൊലീസ് പറഞ്ഞു.
https://www.facebook.com/Malayalivartha