ട്രോമ റിസ്ക്യൂ ഇന്ഷ്യേറ്റീവ് ഹെല്പ് ലൈന് നമ്പർ 9188100100 അപകട രക്ഷയ്ക്ക് പര്യാപ്തം
ട്രോമ റിസ്ക്യൂ ഇന്ഷ്യേറ്റീവ്(ടി.ആര്.ഐ.) ഹെല്പ് ലൈന് നമ്പരായ 9188100100 അപകട രക്ഷയ്ക്ക് ഏറെ ഗുണം ചെയ്യുമെന്നും പൊതുജനങ്ങള് ഇത് വേണ്ടവിധം പ്രയോജനപ്പെടുത്തണമെന്നും ലോക ട്രോമാ ദിനത്തോടനുബന്ധിച്ച് സംഘടിപ്പിച്ച സെമിനാറില് വിദഗ്ധര് അഭിപ്രായപ്പെട്ടു. നിലവില് കേരളത്തിലെ എല്ലാ ജില്ലകളിലുമുള്ള ആംബുലന്സുകള് ഈ ശൃംഖലയുമായി ബന്ധിപ്പിച്ചിട്ടുണ്ട്.
ചെറുപ്പക്കാരും മധ്യവയസ്കരും ഏറ്റവുമധികം മരിക്കുന്നതുന്നതിന് പ്രധാന കാരണം റോഡപകടങ്ങളാണെന്ന് ഐ.എം.എ. തിരുവനന്തപുരം പ്രസിഡന്റ് ഡോ. ജോണ് പണിക്കര് പറഞ്ഞു. നല്ലരീതിയില് ഉണങ്ങാതെയുള്ള ദീര്ഘദൂര ഡ്രൈവിംഗും സുരക്ഷിത മാര്ഗം അബലംബിക്കാതും ട്രാഫിക് നിയമങ്ങള് ലംഘിക്കുന്നതുമാണ് അപകടങ്ങള്ക്ക് പ്രധാന കാരണം. അതേസമയം റോഡപകടങ്ങള് പൂര്ണമായും തടയാവുന്നതുമാണ്. സെമിനാറില് പങ്കെടുത്ത വിദഗ്ധരുടെ അഭിപ്രായം ക്രോഡീകരിച്ച് സര്ക്കാരിന് റിപ്പോര്ട്ട് സമര്പ്പിക്കുന്നതാണെന്നും ഡോ. ജോണ് പണിക്കര് അറിയിച്ചു
അപകടം നടക്കുന്ന സ്ഥലത്തിന് തൊട്ടടുത്തുള്ള ആംബുലന്സിനെ വീക്ഷിക്കുവാനും വിന്യസിക്കുവാനും ടി.ആര്.ഐ. നെറ്റുവര്ക്ക് വഴി സാധിക്കുമെന്ന് സെക്രട്ടറി ഡോ. ശ്രീജിത്ത് എന്. കുമാര് വിശദീകരിച്ചു. സര്ക്കാര് ഇത്തരത്തിലൊരു നെറ്റുവര്ക്കിന്റെ പണിപ്പുരയിലാണെന്നും നിലവില് ഇത്തരം ശൃംഖലകള് അനിവാര്യമാണെന്ന് ആരോഗ്യ വകുപ്പ് അഡീഷണല് ചീഫ് സെക്രട്ടറി രാജീവ് സദാനന്ദന് ഐ.എ.എസ്. അഭിപ്രായപ്പെട്ടു.
അടിയന്തര രക്ഷാപ്രവര്ത്തനങ്ങള് നടത്തുവാന് ആംബുലന്സുകള്ക്ക് മികച്ച പരിശീലനം നല്കിവരുന്നുണ്ടെന്ന് ടി.ആര്.ഐ. ചെയര്മാന് ജേക്കബ് പുന്നൂസ് പറഞ്ഞു. ഇതിന് പുറമേ നാട്ടുകാര്ക്കും സന്നദ്ധ പ്രവര്ത്തകര്ക്കും പരിശീലനം നല്കണമെന്നും അതിന് ഐ.എം.എ. മുന്കൈയെടുക്കുമെന്നും ഡോ. മാര്ത്താണ്ഡപ്പിള്ള അഭിപ്രായപ്പെട്ടു. ഐ.എം.എ.യുടെ ടി.ആര്.ഐ. സേവനത്തിന് സര്ക്കാരിന്റെ പൂര്ണ പിന്തുണയുണ്ടാകുമെന്ന് ചെറിയാന് ഫിലിപ്പ് പറഞ്ഞു.
മുന് മന്ത്രി പന്തളം സുധാകരന്, ആര്.എസ്.പി. ജനറല് സെക്രട്ടറി ടി.ജെ. ചന്ദ്രചൂഡന്, ജോണ് മുണ്ടക്കയം, ജോര്ജ് ഓണക്കൂര്, ഡോക്ടര്മാരായ എം.ഐ. സഹദുള്ള, ആര്.സി. ശ്രീകുമാര്, ആര്. ഉണ്ണികൃഷ്ണന്, വാസുദേവന്, ഡാനിഷ് സലിം, ഷിജു സ്റ്റാന്ലി, പരമേശ്വരന്, മുന് ഡിജിപി ചന്ദ്രശേഖര്, ഇ.എം. നജീബ്, രഘുചന്ദ്രന് നായര്, ശശികുമാര്, പ്രൊഫ. ചെറിയാന് പണിക്കര്, ആംബുലന്സ് ഓണേഴ്സ് ഡ്രൈവേഴ്സ് അസോ, കേരള ആംബുലന്സ് ഡ്രൈവേഴ്സ് ആന്റ് ടെക്നീഷ്യന് അസോ. ഭാരാവാഹികള് എന്നിവരും സെമിനാറില് പങ്കെടുത്തു.
ലോക ട്രോമ കെയര് ദിനത്തോടനുബന്ധിച്ച് ഐ.എംഎയാണ് മാസ്കറ്റ് ഹോട്ടലില് സെമിനാര് സംഘടിപ്പിച്ചത്.
https://www.facebook.com/Malayalivartha
