ശബരിമല വിഷയവുമായി ബന്ധപ്പെട്ട് റിമാന്‍ഡിലായ രാഹുല്‍ ഈശ്വരിന്റെ ഭാര്യ ദീപ കൊട്ടരക്കര ജയിലിന് മുന്നില്‍ നിന്നും പൊട്ടിക്കരഞ്ഞ് ഫേസ്ബുക്ക് ലൈവില്‍. രാഹുലിനെ അറസ്റ്റ് ചെയ്തത് പമ്പയില്‍ നടന്ന അക്രമങ്ങളുടെ പേരിലാണ്. എന്നാല്‍ സന്നിധാനത്ത് ഉണ്ടായിരുന്ന രാഹുല്‍ എങ്ങനെയാണ് പമ്പയില്‍ നടന്ന അക്രമത്തിന് ഉത്തരവാദിയാവുകയെന്ന് ദീപ ചോദിക്കുന്നു. ജയിലില്‍ അനിശ്ചിത കാല നിരാഹാരത്തിലാണ് രാഹുല്‍ ഉള്ളത്.

ദീപയുടെ വാക്കുകളിലൂടെ...

ഞങ്ങളിപ്പോൾ കൊട്ടാരക്കര ജയിലിന് മുന്നിലാണ്. ഞാന് ബന്ധുക്കളുമൊക്കെ രാഹുലിനെ കാണാൻ എത്തിയതാണ്. എന്തിനാണ് 14 ദിവസത്തേയ്ക്ക് രാഹുലിനെ അറസ്റ്റ് ചെയ്തിരിക്കുന്നതെന്ന് പലർക്കും അറിയില്ല. സന്നിധാനത്തിൽ നിന്നാണ് രാഹുലിനെ അറസ്റ്റ് ചെയ്തിരിക്കുന്നത്. അറസ്റ്റ് ചെയ്ത രീതിയിലാണ് ഞങ്ങൾക്ക് വലിയ സങ്കടമുള്ളത്. ട്രാക്കർ വണ്ടിയിൽ ടാർപോളിൻ വച്ച് പൊതിഞ്ഞിട്ടാണ് അവർ കൊണ്ട് വന്നത്. വകുപ്പുകൾ ഒന്നുമില്ലാതെയാണ് രാഹുലിനെ അവർ അറസ്റ്റ് ചെയ്ത കൊണ്ട് വന്നത്. അതുകൊണ്ട് തന്നെ രണ്ടുദിവസമായി രാഹുൽ ജയിലിൽ നിരാഹാരത്തിലാണ്. രാഹുലിനൊപ്പം മുപ്പതോളം പേരുണ്ട്. രാഹുലിനെ അറസ്റ്റ് ചെയ്ത നീക്കിയതിന് ശേഷമാണ് അവിടെ പ്രശ്നങ്ങൾ കൂടിയത് . രാഹുലിന്റെ ഫേസ്ബുക് പേജിലാണ് ദീപ ലൈവിലെത്തിയത്.