അമ്മയിലെ പ്രശ്നങ്ങള് തന്നിലേക്ക് തിരിയുന്നതില് കടുത്ത അതൃപ്തിയെന്ന് പ്രസിഡന്റ് മോഹന്ലാല്, ഇംഗ്ലീഷ്, ഹിന്ദി ചാനലുകളില് ദിലീപ് വിഷയത്തില് എനിക്കെതിരെ ആരോപണം ഉയരുന്നു, പരിചയമില്ലാത്തവര് പോലും തനിക്കെതിരെ സംസാരിക്കുന്നെന്നും മോഹന്ലാല്
അമ്മയിലെ പ്രശ്നങ്ങള് തന്നിലേക്ക് തിരിയുന്നതില് കടുത്ത അതൃപ്തിയുണ്ടെന്ന് അമ്മ പ്രസിഡന്റ് മോഹന്ലാല്. പ്രസിഡന്റ് എന്ന നിലയിലുള്ള പ്രവര്ത്തനത്തിലും സംതൃപ്തനല്ല. രേവതി, പാര്വതി, പത്മപ്രീയ എന്നിരുമായി സൗഹാര്ദ്ദമായ അന്തരീക്ഷമാണ് എനിക്കുള്ളത്. അവരെ നടിമാര് എന്ന് വിളിച്ചത് തെറ്റായി കാണുന്നില്ല. എന്നെ അങ്ങേര് എന്ന് വിളിച്ചതിലും തെറ്റില്ല. അമ്മയിലുളളവര് മറ്റ് സംഘടനയിലുളളവര് പുറത്ത് പോയി ആരോപണം ഉന്നയിക്കുന്നവര് ശരിയല്ല. അക്കാര്യം അടുത്ത എക്സിക്യൂട്ടീവ് കമ്മിറ്റി തീരുമാനിക്കും. അവരുടെ പ്രധാന ആവശ്യം ദിലീപിനെ പുറത്താക്കുക എന്നതായിരുന്നു അത് നടപ്പാക്കിയെന്നും മോഹന്ലാല് വ്യക്തമാക്കി.
നടിമാരെന്ന് വിളിച്ചത് അധിക്ഷേപിക്കാനല്ല. രാജിവെച്ച നടിമാരെ തിരിച്ചെടുക്കുമോ എന്ന് ചോദിച്ചപ്പോള് അവര് അപേക്ഷ നല്കട്ടേ അപ്പോള് തീരുമാനിക്കുമെന്നും മോഹന്ലാല് പറഞ്ഞു. അമ്മയ്ക്ക് വക്താവിനെ തീരുമാനിക്കും. അപ്പോള് തന്റെ ജോലി കുറയും. 10ന് രാജികിട്ടിയെങ്കിലും എല്ലാവരുമായി കൂടിയാലോചിച്ച ശേഷമേ അക്കാര്യം പറയാനാകൂ. അല്ലാതെ സ്വന്തമായി തീരുമാനം എടുക്കാനാവില്ല. ഗുണ്ടായിസം എന്ന് ജഗദീഷ് സിദ്ധിഖിനെ കുറിച്ച് പറഞ്ഞത് അവര് തമ്മിലുള്ള പ്രശ്നമാണെന്ന് മോഹന്ലാല്.
അമ്മയുടെ ബൈലോ ഭേദഗതി വരും. അത് സംബന്ധിച്ച് അംഗങ്ങള്ക്ക് സര്ക്കുലര് അയച്ചിട്ടുണ്ട്. ദിലീപിന്റെ രാജിയോടെ പ്രശ്നങ്ങള് അവസാനിച്ചു. ദയവ് ചെയ്ത് ഇത് കുത്തിപ്പൊക്കി കൊണ്ട് വരല്ലേ. അമ്മയിലുള്ളവര് പുറത്ത് പോയി പ്രശ്നങ്ങള് ഉണ്ടാക്കുന്നത് ശരിയല്ല. അവര് ഉന്നയിക്കുന്ന കാര്യങ്ങള് പരിഹരിക്കാന് സമയം വേണം. പൊതുജനഹിതത്തിനനുസരിച്ച് അമ്മ പ്രവര്ത്തിക്കാന് ശ്രമിക്കുമെന്നും മോഹന്ലാല് വ്യക്തമാക്കി.
https://www.facebook.com/Malayalivartha