സാധാരണക്കാരന്റെ അടുക്കളബഡ്ജറ്റിന്റെ താളം തെറ്റിച്ച് മാര്‍ക്കറ്റില്‍ സാധനങ്ങളുടെ വില കുതിച്ചുയരുന്നു.ബാര്‍ വിഷയവും മറ്റും കത്തി നില്‍ക്കുന്നതിനാല്‍ സാധങ്ങളുടെ വിലക്കയറ്റം വാര്‍ത്ത പുറത്തു വരുന്നില്ലെന്ന മെച്ചവും സര്‍ക്കാരിനുണ്ട്. 55 രൂപയായിരുന്ന ചെറുപയറിന്റെ പുതിയ വില 77 രൂപ. ഉഴുന്ന് 42 ല്‍ നിന്നും 76 ആയിതീര്‍ന്നു. വന്‍പയര്‍ 35 ല്‍ നിന്നും 49 ആയി വര്‍ദ്ധിച്ചു. തവരപരിപ്പിന് 22 രൂപ കൂടി. 45 ആയിരുന്നു ഇതുവരെയുളള വില. ഇനി 67 രൂപ കൊടുക്കണം. അതേസമയം പൊതുവിപണിയിലെ വില 66 രൂപ മാത്രം. മല്ലിയുടെ വിലയാണ് കടുത്തത്. 52 രൂപയില്‍ നിന്ന് 112 രൂപയായി. വെളിച്ചെണ്ണ 125 രൂപയില്‍ നിന്നും 151 രൂപയായി. അതായത് സപ്ലൈകോയും പൊതുവിപണിയും തമ്മില്‍ വിലയില്‍ നേരിയ വ്യത്യാസംമാത്രം. സാധനങ്ങള്‍ക്ക് 20 മുത്‌ല 30 ശതമാനം വരെ മാത്രമേ സബ്‌സിഡി നല്‍കാന്‍ കഴിയുളളു എന്ന സര്‍ക്കാര്‍ ഉത്തരവാണ് വിലക്കയറ്റത്തിന് കാരണമായി തീര്‍ന്നത്.
കഴിഞ്ഞ ഓണക്കാലത്തും സബ്‌സിഡി സാധനങ്ങളുടെ വില സ്‌പ്ലൈകോ കുത്തനെ വര്‍ധിപ്പിച്ചിരികുന്നു. ഇതിനെതിരെ പ്രക്ഷോഭങ്ങളും നടന്നു. ഓഗസ്റ്റ് 25 ന് വരുത്തിയ വിലവര്‍ധനയില്‍ 55 രൂപയായിരുന്ന വറ്റല്‍മുളകിന്റെ വില 75 രൂപയായി വര്‍ധിപ്പിച്ചിരുന്നു. പായ്ക്കിംഗ് ചാര്‍ജ് എന്ന നിലയില്‍ ഓരോ സാധനത്തിനും ഒരു രൂപ അന്‍പതുപൈസ അധികം നല്‍കണം.ചുരുക്കിപറഞ്ഞാല്‍ ഉമ്മന്‍ചാണ്ട­ിസര്‍ക്കാരിന്റെ ഭരണനേട്ടങ്ങളുടെ ഭാഗമായി സാധനങ്ങള്‍ക്ക് നാലിരിട്ടി വിലവര്‍ദ്ധിച്ചു.
വിപണിയില്‍ സര്‍ക്കാര്‍ ഇടപെട്ടിരുന്നെങ്കില്‍ ദുസഹമായ വിലകയറ്റത്തില്‍ നിന്നും സാധാരണക്കാരന് ആശ്വാസം ലഭിക്കുമായിരുന്നു. സപ്ലൈക്കോയില്‍ വിലകൂടിയാല്‍ പൊതുവിപണിയിലും വിലകൂടുമെന്നതാണ് യാഥാര്‍ഥ്യം. സര്‍ക്കാരില്‍ നിന്നും സ്‌പ്ലൈക്കോയുടെ കടമാകട്ടെ അനുദിനം വര്‍ധിച്ചുകൊ­ിരിക്കുന്നു. ഇതിനിടയിലാണ് അഴിമതിയും. ടെന്റര്‍ നടപടികളില്‍ സുതാര്യതയില്ലെന്ന ആരോപണത്തിന് വര്‍ഷങ്ങളുടെ പഴക്കം ഉണ്ട്­്. ഉദ്യോഗസ്ഥരുടെ കെടുകാര്യസ്ഥത സ്ഥാപനത്തിന്റെ പ്രവര്‍ത്തനത്തെ അലങ്കോലപ്പെടുത്തിയിരിക്കുന്നു. ഭഷ്യമന്ത്രാലയത്തിന്റെ പിടിപ്പുകേടാണ് സപ്ലൈകോയുടെ തകര്‍ച്ചക്കുളള പ്രധാനകാരണം. അനൂപ് ജേക്കബ് ഭരണം തുടങ്ങിയ നാള്‍ മുതല്‍ ആരോപണങ്ങള്‍ അദ്ദേഹത്തെ വിടാതെ പിന്‍തുടരുകയായിരുന്നു. സ്വന്തം പാര്‍ട്ടി ചെയര്‍മാന്‍ ജോണി നെല്ലൂര്‍ തന്നെ അനൂപിനെതിരെ രംഗത്തുവന്നിരുന്നു.
എന്നാല്‍ മലയാളികള്‍ക്ക് ആശ്വസിക്കാം. പുതുതായി പത്തു ബാറുകള്‍ തുറക്കാന്‍ ഹൈക്കോടതി അനുമതി നല്‍കിയിട്ടു­്. ഇനി ചോറിന് പകരം ബ്രാന്റി കുടിക്കാം. കാരണം ബ്രാന്റിക്ക്ാണ് ഇവയെക്കാള്‍ വിലക്കുറവ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha