ഇടതും വലതും വെട്ടിലായി.. നിയമസഭ വിളിച്ചാല് നിയമ ഭേദഗതിക്ക് തയ്യാറെന്ന് ബി ജെ പി
ഇടതിനെയും വലതിനെയും വെട്ടിലാക്കി ബി ജെ പി. സംസ്ഥാന ലിസ്റ്റിലുള്ള തീര്ത്ഥാടനത്തില് നിയമഭേഭഗതി കൊണ്ടു വരാന് കേന്ദ്ര സര്ക്കാര് തയ്യാറാണെന്നും അതിനായി സംസ്ഥാന നിയമസഭ വിളിച്ചു ചേര്ത്ത് പ്രമേയം പാസാക്കണമെന്നുമാണ് പി എസ് ശ്രീധരന് പിള്ള പറഞ്ഞത്.
ശ്രീധരന് പിള്ള പറയുന്നത് ചെയ്തില്ലെങ്കില് ഹിന്ദു സമൂഹം ഒന്നടങ്കം സര്ക്കാരിന് എതിരാകും. അങ്ങനെ ചെയ്താല് ഇടത് സര്ക്കാരിന്റെ നിലപാടും പുരോഗമന കാഴ്ചപ്പാടും ഇല്ലാതാകും. ചുരുക്കം പറഞ്ഞാല് പിണറായി വെട്ടിലായി.
കോണ്ഗ്രസ് നേതാവ് സുധീരന് നിയമഭേദഗതി കൊണ്ടുവരണമെന്ന് ആവശ്യപ്പെട്ടതിനു പിന്നാലെയാണ് ശ്രീധരന് പിള്ള മാധ്യമങ്ങളെ കണ്ടത്. കോണ്ഗ്രസിനെതിരെ ശക്തമായ വിമര്ശനം ഉന്നയിക്കുകയും ചെയ്തു. സമരത്തില് നിന്നും പിന്മാറിയ രാഹുല് ഗാന്ധിയെ നപുംസകമെന്നും വിളിച്ചു.
കേരളം നിയമസഭ കൂടി പ്രമേയം കൊണ്ടു വന്നാല് ജല്ലിക്കെട്ട് മാതൃകയില് ശബരി മലയില് യുവതി പ്രവേശനം നിഷേധിച്ച് കേന്ദ്രം നിയമനിര്മ്മാണം നടത്തും. നരേന്ദ്രമോദിയുടെ അറിവോടെയാണ് ശ്രീധരന് പിള്ളയുടെ പ്രസ്താവന. കേന്ദ്രം നിയമനിര്മ്മാണം നടത്തിയാല് കേരളത്തിലെ ഹിന്ദു വോട്ടര്മാര് ബി ജെ പിക്ക് പിന്നില് അണി നിരക്കും. എന് എസ് എസിന് ബിജെപിയെ പിന്തുണക്കേണ്ടിയും വരും.
ഹിന്ദുവോട്ടുകള് മാറിയാല് കേരളത്തില് കോണ്ഗ്രസ് ഇല്ലാതാകും. ഇടതുപക്ഷത്തിനും അവരുടെ വോട്ടുബാങ്കില് കാര്യമായ കുറവ് സംഭവിക്കും. കടുത്ത വെട്ടിലാണ് ഇടതു വലത് മുന്നണികള് അകപ്പെട്ടിരിക്കുന്നത്. ഇക്കാര്യത്തില് കേന്ദ്രനേത്യത്വത്തിന്റെ പൂര്ണ പിന്തുണ ബി ജെ പി സംസ്ഥാന ഘടകത്തിനുണ്ട്. കേരളത്തില് ബി ജെ പിക്ക് ശക്തമായ അടിത്തറയാണ് ഇടതുപക്ഷം നിര്മ്മിച്ചു നല്കിയിരിക്കുന്നത്.
"
https://www.facebook.com/Malayalivartha
