പുലിയും വന്യമൃഗങ്ങളും നിറഞ്ഞ കാനന പാതയിലൂടെയുള്ള ശബരിമലയാത്ര ഒരുകാലത്ത് കഠിനം തന്നെയായിരുന്നു. അന്നൊക്കെ ശബരിമലയില്‍ പോയി വന്നാല്‍ വന്നു എന്നായിരുന്നു. പുലിയും കാട്ടാനയുമെല്ലാമിറങ്ങും. ആകെ ആശ്രയം ശരണം വിളി മാത്രം. എന്നാല്‍ കാലം മാറിയപ്പോള്‍ പേടിയും മാറി. കാടും മേടും നിറഞ്ഞ ശബരിമല പാതയില്‍ ഇപ്പോള്‍ പാതിരാത്രിയിലും പകല്‍വെളിച്ചമുണ്ട്. ശബരിമല യാത്ര ഇപ്പോള്‍ സുഗമമായി.

അടുത്തിടെയുണ്ടായ യുവതീ പ്രവേശ വിവാദം ശബരിമല എല്ലാവരിലും ഭയുമുണ്ടാക്കി. പ്രളയത്തില്‍ നിന്നും കരകയറുന്നതിന് മുമ്പേ ഒറ്റക്കെട്ടായി നിന്നവര്‍ ചിതറിമാറി പോരിന് വിളിച്ചു. അപ്പോഴും യഥാര്‍ത്ഥ ഭക്തര്‍ നാമജപവുമായി അയ്യപ്പനില്‍ എല്ലാം അര്‍പ്പിച്ചു. അയ്യപ്പന്‍ പല രൂപത്തില്‍ രക്ഷിക്കുമെന്നാണ് എല്ലാവരും കരുതിയത്. 

പലപ്പോഴായി വിശ്വാസികള്‍ക്ക് അത് കാട്ടിയും കൊടുത്തു. ശബരിമല പ്രക്ഷോഭം ശക്തി പ്രാപിക്കുന്ന സമയത്ത് നേരത്തെ പുലിയിറങ്ങിയിരുന്നു. യുവതികളെ അയ്യപ്പന്‍ തടഞ്ഞോളും എന്ന മട്ടില്‍ പ്രചാരണവും വന്നു. ഇതിനിടയ്ക്ക് വിശ്വാസികളല്ലാത്തവര്‍ പോലീസിന്റെ വന്‍ പടയോടെ സന്നിധാനത്ത് വന്നെങ്കിലും അയ്യപ്പന്‍ പല രൂപത്തില്‍ വന്ന് കാത്തു. അവസാനം 31 കേസില്‍ പ്രതിയായ ബിന്ദുവിനെ തടഞ്ഞത് കോരിച്ചൊരിഞ്ഞ മഴയിലൂടെയാണ്. 

എല്ലാ വിവാദങ്ങളും കഴിഞ്ഞ് ഭക്തര്‍ നടയിറങ്ങി കഴഞ്ഞു കൊണ്ടിരുന്നപ്പോള്‍ അയ്യപ്പന്റെ കാവലാളായി പുലിയെത്തി. സന്നിധാനത്തിലേക്കുള്ള പാതയിലാണ് പുലി ഇറങ്ങിയത്. ഒറ്റയ്ക്കു മുന്നില്‍പ്പെട്ട അയ്യപ്പനാണ് ഇത് കണ്ടത്. രാത്രി 7.40 ന് ദര്‍ശനം കഴിഞ്ഞ് ഏകനായി മടങ്ങിയ ആളിന് മുന്നിലൂടെയാണ് നീലിമല ഭാഗത്തു വച്ചു പുലി പാത മുറിച്ചു കടന്നത്.

വൈകിട്ട് അഞ്ചു മുതല്‍ സന്നിധാനത്തേക്കുള്ള യാത്ര പോലീസ് തടഞ്ഞിരുന്നു. ഇതോടെ പാത ഏറെക്കുറെ വിജനമായിരുന്നു. അതുകഴിഞ്ഞ് ഭക്തര്‍ മലയിറങ്ങുന്ന സമയത്താണ് പുലിയിറങ്ങിയത്. അതോടെ അയാള്‍ ഭയന്നോടി. പിന്നീട് ശരണം വിളികളോടെയാണ് എല്ലാവരും മലയിറങ്ങിയത്. അയ്യപ്പന്‍ കാവലുണ്ടെന്ന ആശ്വാസത്തോടെ...