ആദ്യം നിലയ്ക്കലിലും പിന്നീട് പമ്പയിലും സന്നിധാനത്തും ആക്രമികള്‍ എത്തിയെന്നും നട അടയ്ക്കുന്ന ദിവസത്തോട് അടുത്തപ്പോള്‍ അവര്‍ സന്നിധാനത്തെത്തി, അവര്‍ക്ക് അഴിഞ്ഞാടാനുള്ള കേന്ദ്രമാക്കി സന്നിധാനത്തെ മാറ്റില്ലെന്ന് മുഖ്യമന്ത്രി വ്യക്തമാക്കി. അതിന് ആവശ്യമായ നടപടി സ്വീകരിക്കും. പരിപാവനമായ സ്ഥലമാണ് സന്നിധാനമാണ്. അവിടെ ശാന്തിയും സമാധാനവും നിലനില്‍ക്കണമെന്നും മുഖ്യമന്ത്രി പറഞ്ഞു. ക്രമസമാധാനനില ഭദ്രമാക്കണം. അതിന് ആവശ്യമായ ഒരുക്കങ്ങള്‍ സന്നിധാനത്ത് ഒരുക്കണം. ഒരു ഘട്ടത്തില്‍ എത്രയാളുകള്‍ക്ക് കടന്ന് പോകാം എന്ന് പരിശോധിക്കും. അതിനനുസരിച്ച് ഓണ്‍ലൈന്‍ സംവിധാനം ഒരുക്കും. ആരെയും സന്നിധാനത്ത് അനാവശ്യമായി ക്യാമ്പ് ചെയ്യാന്‍ അനുവദിക്കില്ല. അതിന് ഭക്തരുടെ പിന്തുണ വേണമെന്നും മുഖ്യമന്ത്രി ആവശ്യപ്പെട്ടു. 

സുപ്രീംകോടതി വിധി നടപ്പാക്കാന്‍ ആരോടും ചോദിക്കേണ്ട കാര്യമില്ല. സര്‍ക്കാര്‍ ബാധ്യതയാണ്. അതിന് നിയമസഭാ സമ്മേളനവും സര്‍വകക്ഷിയോഗവും വിളിക്കേണ്ട. സമരക്കാര്‍ മുഴുവന്‍ അയ്യഭക്തരല്ല. അയ്യപ്പനെ എതിര്‍ക്കുന്നവരെ തടയാം. അല്ലാത്തവര്‍ ഭക്തരാണോ അല്ലയോ എന്ന് നോക്കാനാവില്ല. കോണ്‍ഗ്രസും ബി.ജെ.പിയും രാഷ്ട്രീയലാഭം കൊയ്യാന്‍ നോക്കുന്നു. ശബരിമലയില്‍ രഹസ്യാന്വേഷണ പരാജയം സംഭവിച്ചിട്ടില്ല. ശബരിമല കലാപഭൂമിയാക്കേണ്ടകാര്യമില്ല. അക്കാര്യത്തില്‍ മാധ്യമപ്രവര്‍ത്തകരും സഹകരിച്ചു. ചിലര്‍ ബോധപൂര്‍വം കലാപത്തിന് ശ്രമിച്ചു. വന്ന സ്ത്രീകള്‍ തന്നെ പൊലീസ് നല്ല നിലപാട് സ്വീകരിച്ചതെന്ന് അറിയിച്ചിട്ടുണ്ട്. എല്ലാം നല്ല രീതിയില്‍ അവസാനിക്കുമെന്നും മുഖ്യമന്ത്രി വ്യക്തമാക്കി. 

നട അടയ്ക്കുന്നതിന്റെ അന്ന് രാത്രി സന്നിധാനത്തെ സ്ഥിതി എന്താണെന്ന് മാധ്യമപ്രവര്‍ത്തകര്‍ക്ക് നന്നായി അറിയാം. പൊലീസ് സംയമനമായി ഇടപെട്ടു. മികവുറ്റ പൊലീസ് ഉദ്യോഗസ്ഥരെ പോലും ഒറ്റതിരിഞ്ഞ് ആക്രമിച്ചു. തങ്ങള്‍ പറയുന്നത് പോലെ റിപ്പോര്‍ട്ട് ചെയ്തില്ലെങ്കില്‍ മാധ്യമ പ്രവര്‍ത്തകര്‍ ആക്രമിക്കുമെന്ന സ്ഥിതിയുണ്ടായി.