ശബരിമലയില് അവലോകനയോഗത്തിനെത്തിയ വനിതാ ജീവനക്കാരെ തടഞ്ഞ ദേവസ്വം ബോര്ഡ് ജീവനക്കാര്ക്കെതിരെ നടപടിയുണ്ടാകുമെന്ന് മുഖ്യമന്ത്രി സൂചിപ്പിച്ചു, സംഭവം ശ്രദ്ധയില് പെട്ടിട്ടുണ്ടെന്നും നടപടിയെടുക്കുമെന്നാണ് കരുതുന്നതെന്നും അദ്ദേഹം പറഞ്ഞു
ശബരിമലയില് അവലോകനത്തിനെത്തിയ ആരോഗ്യവകുപ്പ് ജീവനക്കാരികളെ ഉള്പ്പെടെ ദേവസ്വംബോര്ഡ് ജീവനക്കാര് തടഞ്ഞ സംഭവം ശ്രദ്ധയില് പെട്ടിട്ടുണ്ടെന്നും ബോര്ഡ് അതില് ഇടപെടും എന്നാണ് വിശ്വസിക്കുന്നതെന്നും മുഖ്യമന്ത്രി പിണറായി വിജയന് പറഞ്ഞു. അവലോകന യോഗത്തിനെത്തിയ ആരോഗ്യവകുപ്പിലെ ഉദ്യോഗസ്ഥരെ ബോര്ഡ് ജീവനക്കാര് പരിശോധിച്ചത് വിവാദമായിരുന്നു. ഉദ്യോഗസ്ഥരായ വനിതകളോട് പ്രായം ചോദിക്കുകയും തിരിച്ചറിയില് കാര്ഡ് കാണിക്കാന് ആവശ്യപ്പെടുകയും ചെയ്തു.
ജാതിയും മതവും നോക്കി പൊലീസിനെ വിടുക എന്നത് സാധ്യമല്ല എന്നത് എല്ലാവര്ക്കും അറിയാം. ഉത്തരവാദിത്തപ്പെട്ട പ്രതിപക്ഷനേതാവിനെ പോലുള്ളവര് ഇക്കാര്യത്തിലെ നിലപാട് വ്യക്തമാക്കണം. ഇത്തരം ശ്രമങ്ങളെ സമൂഹം എതിര്ക്കണമെന്നും മുഖ്യമന്ത്രി വ്യക്തമാക്കി. മതനിരപേക്ഷ മൂല്യം സംരക്ഷിക്കണം. ശബരിമല വിധി നടപ്പാക്കുമ്പോള് വിശ്വാസികളുടെ വിശ്വാസത്തെ മാനിക്കും. നട തുറക്കും മുമ്പേ ശബരിമലയെ കലാപഭൂമിയാക്കാന് നീക്കം നടത്തിയിരുന്നെന്നും മുഖ്യമന്ത്രി ആരോപിച്ചിരുന്നു.
https://www.facebook.com/Malayalivartha
