ക്ഷേത്രമടയ്ക്കാനും തുറക്കാനും തന്ത്രിക്കവകാശമില്ല ശബരിമല ക്ഷേത്രം ദേവസ്വം ബോര്ഡിന്റേതു തന്നെ; പന്തളം കൊട്ടാരത്തിനെതിരെ ആഞ്ഞടിച്ച് പിണറായി വിജയന്
ശബരിമല ക്ഷേത്രം, ദേവസ്വം ബോര്ഡിന്റെ സ്വത്തുതന്നെയാണെന്ന് മുഖ്യമന്ത്രി. അതിന് വേറൊരാള്ക്കും അവകാശമില്ല പന്തളം കൊട്ടാരത്തിനെതിരെ ആഞ്ഞടിച്ച് പിണറായി വിജയന്. തന്ത്രിക്ക് തുറന്നുവച്ചിരിക്കുന്ന ക്ഷേത്രത്തിലെ പൂജകള് ചെയ്യാന് മാത്രമാണവകാശം. തുറന്ന ക്ഷേത്രത്തില് ഏതുരീതിയില് പ്രവര്ത്തിക്കണം എന്നതിന്റെ അവകാശം തന്ത്രിക്കാണ്.
ക്ഷേത്രം തുറക്കുന്നതിന്റെയും അടയ്ക്കുന്നതിന്റെയും അവകാശം ദേവസ്വം ബോര്ഡിനു തന്നെയാണ്. തന്ത്രി ഒരു ജീവനക്കാരന് മാത്രമെന്ന് മുഖ്യമന്ത്രി പറയാതെ പറഞ്ഞു. 1949 ലെ കവനന്റ് അനുസരിച്ച് കൊച്ചി ദേവസ്വം ബോര്ഡിനും തിരുവിതാംകൂര് ദേവസ്വം ബോര്ഡിനുമായി അവകാശം ലഭിക്കുന്നു. ശബരിമല ക്ഷേത്രത്തിലെ നടവരവുള്പ്പെടെ അതില് തിരുവിതാംകൂര് ദേവസ്വത്തിന് വിട്ടുകൊടുത്തിരുന്നു. ശബരിമല ക്ഷേത്രത്തിന്റെ നിയമപരമായ അവകാശി തിരുവിതാംകൂര് ദേവസ്വം ബോര്ഡ് മാത്രമാണ്. എന്നാല് തന്ത്രിക്ക് ഉത്സവകാലത്ത് ചില ഉത്തരവാദിത്വങ്ങള് നല്കിയിട്ടുണ്ട്. അത് ഇല്ലാതാക്കുക സര്ക്കാരിന്റെ നയമല്ല.
പരികര്മ്മികള് പൂജകള് നിര്ത്തിവെച്ച് പടിക്കെട്ടിനു താഴെ നിരാഹാര സമരത്തിന് എത്തിയത് തികച്ചും, തെറ്റാണ്. സുപ്രീംകോടതി വിധിയെ അട്ടിമറിക്കാനാണ് അവര് ശ്രമിച്ചത്. പന്തളം കൊട്ടാരത്തെയും, തന്ത്രിയെയും പരികര്മ്മികളുടെയും നിലപാടുകള്ക്കെതിരെ ശക്തമായ താക്കീതും മുഖ്യമന്ത്രി നല്കി.
പണ്ട് മലബാറിലെ ഒരു ക്ഷേത്രത്തില് കടത്തനാട് രാജാവ് പട്ടികജാതിക്കാര്ക്കും പട്ടികവര്ഗക്കാര്ക്കും, പിന്നോക്കക്കാര്ക്കും പ്രവേശനാനുമതി നല്കി. ഇതില് പ്രതിഷേധിച്ച് തന്ത്രി ക്ഷേത്രം പൂട്ടി സ്ഥലം വിട്ടു. എന്നാല് രാജാവ് മറ്റൊരു തന്ത്രിയെക്കൊണ്ടുവന്ന് ആചാരങ്ങള് സംരക്ഷിച്ച ചരിത്രമാണ് നമുക്കുള്ളത്. ശബരിമല യുവതീപ്രവേശനം പോലെയുള്ള നവോത്ഥാന മുന്നേറ്റങ്ങളെ അംഗീകരിക്കാന് എല്ലാവര്ക്കും കഴിയില്ല. പക്ഷേ നവോത്ഥാനത്തിലേക്ക് നടന്നു കയറാന് ഇത് കൂടിയേ തീരൂ.
ഉല്സവകാലത്ത് ഉത്തരവാദിത്തമുണ്ട്, അത് സര്ക്കാര് ഇല്ലാതാക്കില്ല. പുതിയ തീരുമാനങ്ങള് വരുമ്പോള് എതിര്പ്പുകള് ഉണ്ടാകുന്നത് സ്വാഭാവികമാണ്. ഗുരുവായൂര് പപ്രക്ഷോഭം ശക്തിപ്പെട്ടപ്പോള് 1932 ജനുവരി ഒന്ന് മുതല് 28 വരെ അടഞ്ഞു. ബഹുജന സമരത്തെ തുടര്ന്നാണ് തുറന്നത്. എന്നിട്ടും അവര്ണര്ക്ക് പ്രവേശനം അനുവദിച്ചില്ല. ലോകനാര്ക്കാവില് പിന്നോട്ട, പട്ടിക ജാതിക്കാര്ക്ക് കൊടുക്കാന് രാജാവ് തീരുമാനിച്ചു. എന്നാല് ബന്ധപ്പെട്ടവര് ക്ഷേത്രം പൂട്ടി. തുടര്ന്ന് മറ്റൊരാളെ കൊണ്ടുവന്നത് ക്ഷേത്രം തുറന്നു. ശബരിമലയെ മുന്നിര്ത്തി രാഷ്ട്രീയം കളിച്ച് നേട്ടം കൊയ്യാന് പലരും ശ്രമിക്കുന്നു. ബി.ജെ.പിയും കോണ്ഗ്രസും അതിന് ശ്രമിച്ചെന്നും മുഖ്യമന്ത്രി ചൂണ്ടിക്കാട്ടി. വിധി നടപ്പാക്കാന് ആവശ്യമായ നിരോധനനിയമം, സോഷ്യല് മീഡിയയെ നിയന്ത്രിക്കണം എന്നീ ആവശ്യങ്ങള് സംസ്ഥാന സര്ക്കാരിനോട് ആവശ്യപ്പെട്ടു.
https://www.facebook.com/Malayalivartha
