ശബരിമലയില് ശൈവ, വൈഷ്ണവ ആചാരമില്ല, അതിന്റെ പേരില് വേര്തിരിവുണ്ടാക്കാന് താഴമണ് തന്ത്രിമാര് ശ്രമിക്കുന്നെന്ന് പന്തളം കൊട്ടാരം പരാതി നല്കി, ക്ഷേത്രത്തില് തന്ത്രിയുടെ ആവശ്യമില്ലെന്നും മേല്ശാന്തിമാരുടെ ഇന്റര്വ്യൂവില് ഇവര് പക്ഷാപാതപരമായി പെരുമാറുന്നെന്നും പരാതിയില് ആരോപിച്ചു, എന്നിട്ട് ഇപ്പോഴത്തെ സാഹചര്യത്തില് രണ്ട് കൂട്ടരം ഹിന്ദുവികാരം ഇളക്കിവിട്ടത് ശരിയായില്ലെന്ന് മുന് ദേവസ്വം ബോര്ഡ് ചെയര്മാന് എം. രാജഗോപാലന് നായര്
ശബരിമലയില് തന്ത്രിക്ക് വലിയ പ്രാധാന്യമില്ലെന്നും അതിനാല് മാറ്റണമെന്നും പന്തളം കൊട്ടാരം അധികൃതര് ദേവസ്വം ബോര്ഡിന് കത്ത് നല്കിയിരുന്നെന്ന് മുന് ദേവസ്വംബോര്ഡ് പ്രസിഡന്റ് എം. രാജഗോപാലന് നായര്. പരാതിയുടെ പകര്പ്പും രാജഗോപാലന് നായര് കാണിച്ചു. ശബരിമല സധാരണ ക്ഷേത്രം പോലെയാണെന്നും തന്ത്രിക്ക് അവിടെ പ്രത്യേക കാര്യമില്ലെന്നും 2011 മെയ് 17ന് നല്കിയ കത്തില് വ്യക്തമാക്കുന്നു. ശബരിമലയില് ശൈവ, വൈഷ്ണവ ആചാരമില്ല. അതിന്റെ പേരില് വേര്തിരിവുണ്ടാക്കാന് താഴമണ് തന്ത്രിമാര് ശ്രമിക്കുന്നു. മേല്ശാന്തിമാരെയും മറ്റും തെരഞ്ഞെടുക്കുമ്പോഴുള്ള ഇന്റര്വ്യൂവില് താഴമണ് തന്ത്രിമാരുടെ പെര്ഫോമന്സ് വളരെ മോശമാണ്. നല്ല ചോദ്യങ്ങളൊന്നും ഇവര് ചോദിക്കുന്നില്ല. പക്ഷം ചേര്ന്ന് പ്രവര്ത്തിക്കുന്നു, തുടങ്ങിയ ആരോപണങ്ങളും പരാതിയില് പറയുന്നുണ്ട്. അതേസമയം താഴമണ് കുടുംബത്തിന് പന്തളം കൊട്ടാരത്തെ കുറിച്ചും നല്ല അഭിപ്രായമല്ല ഉള്ളത്. ഇങ്ങിനെ അഭിപ്രായഭിന്നതയുള്ളവര് ഇന്നത്തെ പ്രത്യേകസാഹചര്യത്തില് ഹൈന്ദവവികാരം ഇളക്കിവിടാന് യോജിച്ചത് ശരിയായില്ലെന്നും എം.രാജഗോപാലന് നായര് ചൂണ്ടിക്കാട്ടി.
യുവതികള് ദര്ശനത്തിനെത്തിയാല് ക്ഷേത്രം അടച്ച് പൂട്ടുമെന്ന തന്ത്രി രാജീവര് പറഞ്ഞത് നിരാശാജനകമാണ്. കാര്യങ്ങള് വിശാലമായി കാണുന്ന അദ്ദേഹം ഇങ്ങിനയൊരു വാക്ക് പറയാന് പാടില്ലായിരുന്നെന്നും എം. രാജഗോപാലന് നായര് പറഞ്ഞു. ശബരിമല ക്ഷേത്രം പൂട്ടി തോക്കാല് പന്തളം കൊട്ടാരത്തില് ഏല്പ്പിക്കുമെന്ന് പറയാന് രാജീവര്ക്ക് എന്താണ് അവകാശം? അത് ഏത് ശാസ്ത്രത്തിലാണ് പറഞ്ഞിരിക്കുന്നതെന്ന് കൂടെ രാജീവര് ഭക്തരോട് വിശദീകരിക്കണം. ഭഗവാനെ പ്രതിഷ്ഠിച്ച്, ആവാഹിച്ച് ചൈതന്യം പകര്ന്ന് ശക്തി ഭക്തര്ക്ക് നല്കാനേ തന്ത്രിക്ക് കഴിയൂ, അല്ലാതെ ശക്തി തിരിച്ചെടുക്കാന് കഴിയില്ല. എന്നാല് മരണം പോലുള്ള അശുഭമായ കാര്യങ്ങള് സംഭവിച്ചാല് ക്ഷേത്രം അടയ്ക്കുമെന്നും രാജഗോപാലന് നായര് ചൂണ്ടിക്കാട്ടി.
തന്ത്രിയുടെ ജോലിയെ കുറിച്ച് തിരുവിതാംകൂര് ദേവസ്വം ബോര്ഡ് മാനുവലിന്റെ നാലാം അധ്യായത്തില് ക്ളോസ് 14ല് വ്യക്തമായി പറയുന്നുണ്ട്. ദേവസ്വം ബോര്ഡിന് ഒരു പ്യൂണിനെ നിയന്ത്രിക്കുന്നത് പോലെ തന്ത്രിയേയും നിയന്ത്രിക്കാം എന്നതില് വ്യക്തമാക്കുന്നുണ്ട്. അതേസമയം പൂജാദികര്മങ്ങളില് തന്ത്രിക്കാണ് പരമാധികാരമെന്നും എം. രാജഗോപാലന് നായര് വ്യക്തമാക്കി. നട തുറക്കാനും അടയ്ക്കാനുമുള്ള അവകാശം ദേവസ്വം ബോര്ഡിനാണ്. ഞാന് ദേവസ്വം പ്രസിഡന്റായിരുന്ന കാലത്ത് മാസ പൂജകള്ക്ക് 10 ദിവസം നട തുറന്നിരുന്നു, അത് തന്ത്രിയുമായി ആലോചിക്കാതെയാണ്. അല്ലെങ്കില് അദ്ദേഹം പറയട്ടെ. 1922ലെ ദേവസ്വം പ്രഖ്യാപനത്തിലെ ക്ലാസ് 33ല് പറയുന്നത് ക്ഷേത്രം തന്ത്രിമാരെ നിയന്ത്രിക്കുന്നത് സര്ക്കാരാണെന്നാണെന്നും അദ്ദേഹം ചൂണ്ടിക്കാട്ടി.
https://www.facebook.com/Malayalivartha
