ശബരിമല ക്ഷേത്രം ഭക്തരുടേതാണെന്ന് പന്തളം കൊട്ടാരം നിര്‍വാഹകസമിതി പ്രസിഡന്റ് ശശികുമാരി വര്‍മ വ്യക്തമാക്കി. 1949ലെ കവനന്റില്‍ പറയുന്നത് ആചാരഅനുഷ്ഠാനങ്ങള്‍ തെറ്റിക്കാതെ നടത്താമെന്ന് പറഞ്ഞിട്ടുണ്ട്. അത് പാലിക്കണമെന്നേ പറഞ്ഞിട്ടൂള്ളൂ. കൊട്ടാരത്തിന് ക്ഷേത്രവുമായുള്ള ബന്ധം അഞ്ച് വര്‍ഷം കൂടുമ്പോള്‍ മറുന്നതല്ല. ശബരിമലയുമായുള്ള അഭേദ്യമായ ബന്ധം നിലനിര്‍ത്തണം അതിനാല്‍ ഞങ്ങള്‍ സാമ്പത്തികമായി ഒന്നും ദേവസ്വം ബോര്‍ഡിനോട് ആവശ്യപ്പെട്ടിട്ടില്ല. ആചാരപരമായ കാര്യങ്ങളില്‍ വിട്ട് വീഴ്ചയ്ക്ക് തയ്യാറല്ല, ശബരിമലയിലെ വരുമാനം കണ്ണ് നട്ടിരിക്കുന്നവരല്ലെന്നും അദ്ദേഹം പറഞ്ഞു. അത് കണ്ണ് നട്ട് ചിലര്‍ ഇരിക്കുന്നുണ്ട്. അത് മാധ്യമങ്ങള്‍ കണ്ട് പിടിക്കണമെന്നും അദ്ദേഹം ആവശ്യപ്പെട്ടു.

കഴിഞ്ഞ ആറ് ദിവസം ശബരിമലയില്‍ നടന്നത് തീര്‍ത്ഥാടനമല്ല, വര്‍ണ, വര്‍ഗം അനുസരിച്ച് ആളുകളെ തിരിപ്പിക്കുന്നവര്‍ ഓര്‍ക്കണം. നിലയ്ക്കലില്‍ ആദ്യം പൊലീസ് മര്‍ദ്ദിച്ചത് മലവേട വിഭാഗത്തില്‍ പെട്ടവരാണ്. അവര്‍ക്കായി ആരും കണ്ണീര്‍ ഒഴുക്കിയില്ല. ജാതി,മത, സവര്‍ണ, അവര്‍ണ ഭേദമാക്കി തിരിച്ച് രക്തം ഇറ്റിറ്റ് വീഴുന്നത് നോക്കിയിരിക്കുന്നവരിടെ ഇടയില്‍ ഭക്തര്‍ വീഴില്ല. ആറ് വനിതകള്‍ കഴിഞ്ഞ ദിവസം ശബരിമലയില്‍ വന്നു. അവര്‍ ഭക്തരല്ല. അവരെ നിങ്ങള്‍ കണ്ടെത്തണം. ആരോ എഴുതിയ തിരക്കഥയ്ക്ക് അനുസരിച്ച്് വേഷം കെട്ടിയവരാണ്. ഭക്തരെ മണ്ടന്‍മാരാക്കുന്ന പരിപാടി. ഭക്തരുടെ അസൗകര്യം നന്നാക്കുന്നില്ല. ഒരാള്‍ക്ക് 22 പൊലീസ് സെക്യൂരിറ്റി. 18 മല കടന്ന് വരുന്നവര്‍ക്ക് മലവേടന്‍മാരും അയ്യപ്പന്‍മാരുമാണ് സെക്യൂരിറ്റിയെന്നും അദ്ദേഹം പറഞ്ഞു.

മേല്‍ക്കോയ്മ അധികാരമാണ് ദേവസ്വം ബോര്‍ഡിന് ശബരിമലയില്‍ ഉള്ളതെന്നും അദ്ദേഹം പറഞ്ഞു. സുപ്രീംകോടതിക്കും അപ്പുറം അസാധാരണമായ കോടതിയുണ്ട്. അവിടെ നിന്ന് നല്ല വിധിയുണ്ടാകും. അതുകൊണ്ട് വേദനകള്‍ ഉള്ളിലൊതുക്കി , ആരെയും വിഷമിപ്പിക്കാതെ ഞങ്ങള്‍ കഴിയുകയാണെന്നും അദ്ദേഹം പറഞ്ഞു. പന്തളം കൊട്ടാരം രണ്ട ലക്ഷം ഇരുപത്തീരായിരം രൂപ പണ്ട് കടമെടുത്തത്. ടിപ്പുവിന്റെ ആക്രമണത്തില്‍ നിന്ന് രാജ്യത്തെ രക്ഷിക്കാനുള്ള പടച്ചെലവിനായിരുന്നു. കടം ഞങ്ങള്‍ വീട്ടിയിരുന്നു. 1812ല്‍ ബ്രിട്ടീഷ് റസിഡന്റ് കേണല്‍ മണ്‍ട്രോ ഉപദേശം നല്‍കി തിരുവിതാംകൂറിന് ക്ഷേത്ര ഭൂസ്വത്തുകള്‍ ഏറ്റെടുക്കണമെന്ന്. പക്ഷെ, പന്തളം കൊട്ടാരത്തിന്റെ ഭൂമി ഏറ്റെടുത്തില്ലെന്നും അധിരകൃതര്‍ പറഞ്ഞു.