ശബരിമലയില് ദര്ശനത്തിനെത്തിയ യുവതികളെ തടഞ്ഞ സംഭവത്തില് തന്ത്രി കണ്ഠര് രാജീവര്, രാമവര്മ രാജ, പി.എസ് ശ്രീധരന് പിള്ള തുടങ്ങിയവര്ക്കെതിരെ കോടതിയലക്ഷ്യ ഹര്ജി, മലയാളികളായ വനിതാ അഭിഭാഷകരാണ് ഹര്ജി നല്കിയത്
24 OCTOBER 2018 03:02 PM IST
മലയാളി വാര്ത്ത
സുപ്രീംകോടതി വിധിപ്രകാരം ശബരിമല ദര്ശനത്തിനെത്തിയ യുവതികളെ തടഞ്ഞതിന് തന്ത്രി അടക്കമുള്ളവര്ക്കെതിരെ കോടതി അലക്ഷ്യ ഹര്ജി. മലയാളികളായ രണ്ട് അഭിഭാഷകരാണ് സുപ്രീംകോടതിയില് കോടതി അലക്ഷ്യ ഹര്ജി നല്കിയത്. തന്ത്രി കണ്ഠര് രാജീവര്, രാമവര്മ രാജ, ബി.ജെ.പി സംസ്ഥാന പ്രസിഡന്റ് പി.എസ് ശ്രീധരന്പിള്ള, നടന് കൊല്ലം തുളസി, മുരളീധരന്, ഉണ്ണിത്താന് ന്നിവര്ക്കെതിരെയാണ് കോടതി അലക്ഷ്യ ഹര്ജി നല്കിയത്.
കോടതി വിധി നടപ്പാക്കാന് ഇവര് തടസം നിന്നെന്നാണ് പരാതി. ചട്ടപ്രകാരം അറ്റോണി ജനറല് ഹര്ജികള് പരിശോധിക്കും. കോടതി വിധിക്കെതിരായ പരാമര്ശങ്ങളില് നടപടിവേണമെന്നും ഇവര് ആവശ്യപ്പെട്ടു. തന്ത്രി കണ്ഠര് രാജീവര്ക്കെതിരെ നടപടി വേണമെന്നും ഹര്ജിക്കാര് ആവശ്യപ്പെട്ടു. അറ്റോണി ജനറലിന്റെ അനുമതിയോടെ മാത്രമേ തുടര്നടപടികള് സ്വീകരിക്കാനാവൂ.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
