ഇത്രയും കാലം പെണ്ണിനെ അടക്കി വെച്ചിരുന്നു, ഇനി അത് ചെയ്യാന് കഴിയില്ല, അങ്ങനെ ചെയ്യാന് ശ്രമിച്ചാല് നിങ്ങള് പരാജയപ്പെടും; ശബരിമല യുവതിപ്രവേശനത്തിൽ അനുകൂല നിലപാടുമായി നടന് സൂര്യയുടെ അച്ഛന് ശിവകുമാര്
ശബരിമല യുവതിപ്രവേശന വിഷയത്തിൽ കേരളമൊട്ടാകെ പ്രതിഷേധങ്ങളും പ്രക്ഷോഭങ്ങളും ഇരമ്പുമ്പോൾ താരങ്ങളുൾപ്പടെ നിരവധി പേർ സുപ്രീംകോടതി വിധിയെ അനുകൂലിച്ചു എതിർത്തും രംഗത്തെത്തിയിരുന്നു. അതേസമയം രാഷ്ട്രീയ സാംസ്കാരിക സാഹിത്യ മേഖലകളിലെ പലരും ഇപ്പോഴും പ്രതികരിച്ചിട്ടു കൂടിയില്ല.
ശബരിമല വിഷയത്തിൽ തന്റെ നിലപാട് വ്യക്തമാക്കിയിരിക്കുകയാണ് നടന് സൂര്യയുടെ അച്ഛന് ശിവകുമാര്. സ്ത്രീപ്രവേശനം സംബന്ധിച്ച ചോദ്യത്തിന് ശിവകുമാര് നല്കിയ മറുപടി സോഷ്യല് മീഡിയയില് വൈറലാകുകയാണ്.
ശിവകുമാറിന്റെ വാക്കുകള്.....
ഈ ലോകം തന്നെ പടച്ചത് ദൈവമാണ്. ദൈവം സര്വ്വ വ്യാപിയാണ്. ദൈവത്തിന് ആണ് എന്നോ പെണ് എന്നോ വ്യത്യാസമില്ല.സ്ത്രീയാണ് ഈ ലോകത്തെ തന്നെ ഉണ്ടാക്കിയിരിക്കുന്നത്. നിങ്ങളെ ഈ ലോകത്തില് പിറവി നല്കുന്നത് ഒരു സ്ത്രീയാണ്.
നിങ്ങളുടെ മക്കളെ പ്രസവിക്കുന്നതും വളര്ത്തി വലുതാക്കുന്നതും സ്ത്രീയാണ്. നിങ്ങളുടെ പ്രീയപ്പെട്ട മകളും സ്ത്രീയാണ്. എന്നിരിക്കെ ഇവരെ ഒഴിവാക്കി കൊണ്ടുള്ള ഒരു ലോകം അത് അസാധ്യമാണ്.
പെണ്ണിനെ അടക്കിവെക്കുന്ന കാലം എല്ലാം കഴിഞ്ഞു.ഇപ്പോള് എവിടെ നോക്കിയാലും അവര് മുന്നേറുകയാണ്. എയര്പോര്ട്ടില്, റെയില്വേ സ്റ്റേഷനില്, അധ്യാപികമാരായി, വൈമാനികരായി, എല്ലാം അവര് മുന്നേറുകയാണ്. ബഹിരാകശത്ത് യാത്ര ചെയ്ത് സുനിതാ വില്യംസ് ഒരു സ്ത്രീയാണ്. അവര് ഇന്ത്യക്കാരിയാണ്.
ഇത്രയും കാലം പെണ്ണിനെ അടക്കി വെച്ചിരുന്നു. ഇനി അത് ചെയ്യാന് കഴിയില്ല. അങ്ങനെ ചെയ്യാന് ശ്രമിച്ചാല് നിങ്ങള് പരാജയപ്പെടും. ഇപ്പോള് ശബരിമലയയിലെ സ്ത്രീപ്രവേശനം സംബന്ധിച്ച തന്റെ നിലപാട് ഇതാണ്. മകരവിളക്ക് സമയത്ത് മാത്രം പെണ്ണിനെ ശബരിമലയിലേക്ക് വിടരുത്.
കാരണം അത്രമാത്രം തിരക്കനുഭവപ്പെടുന്ന ഒരു കാലമാണത്. ആ സമയം പുരുഷന്മാര്ക്ക് തന്നെ ബുദ്ധിമുട്ടാണ്. എന്നാല് ബാക്കിയുള്ള ദിവസങ്ങള് ശബരിമല പെണ്ണിനും അവകാശപ്പെട്ടതാണ്. ആര്ത്തവത്തിന്റെ പേരില് ഇനി സ്ത്രീയെ മാറ്റി നിര്ത്താന് സാധിക്കില്ല. വരുന്ന അഞ്ച് വര്ഷത്തിനുള്ളില് സ്ത്രീകള് സാധാരണപോലെ മലകയറുമെന്നും ശിവകുമാര് പറഞ്ഞു, എന്തായാലും തന്റെ നിലപാട് വ്യക്തമാക്കിയ ശിവകുമാറിനെ അഭിനന്ദിച്ച് നിരവധി പേരാണ് എത്തിയത്.
https://www.facebook.com/Malayalivartha
