ശബരിമല യുവതീ പ്രവേശന വിഷയത്തില് ബി.ജെ.പി കേന്ദ്ര നേതൃത്വത്തിന്റെ അഭിപ്രായമെന്ത്? നിലപാടെന്ത്?; അമിത് ഷായുടെ ഫേസ്ബുക്ക് പേജില് മലയാളികളുടെ പൊങ്കാല
ശബരിമല യുവതീ പ്രവേശന വിഷയത്തില് ബി.ജെ.പി കേന്ദ്ര നേതൃത്വത്തിന്റെ അഭിപ്രായമെന്ത്? നിലപാടെന്ത്? അമിത് ഷായുടെ ഫേസ്ബുക്ക് പേജില് മലയാളികളുടെ കമന്റ്സ് നിറയുകയാണ്.ബി.ജെ.പി കേരള നേതൃത്വം ശബരിമല യുവതീ പ്രവേശന കാര്യത്തില് ശക്തമായ നിലപാടു സ്വീകരിച്ചവരാണ്. പ്രസിഡന്റ് പി.എസ്. ശ്രീധരന്പിള്ളയും, കെ. സുരേന്ദ്രനും, പ്രകാശ് ബാബുവുമൊക്കെ ശക്തമായി സമരരംഗത്തുണ്ട്. എന്നാല് ബി.ജെ.പി കേന്ദ്ര നേതൃത്വം വ്യക്തമായി അഭിപ്രായം പറയാത്തതും ഓര്ഡിനന്സ് പോലുള്ള നയപരമായ കാര്യങ്ങളില് നിലപാടെടുക്കാത്തതും സംസ്ഥാന ബി.ജെ.പിയെ കുഴയ്ക്കുന്നു.
സി.പി.എമ്മിന്റെയും, മുഖ്യമന്ത്രിയുടെയും പ്രധാന ആയുധവും ഇതു തന്നെ. ബി.ജെ.പി ദേശീയ നേതൃത്വം കരുതലോടെയാണ് നീങ്ങുന്നത്. ശബരിമല വിഷയത്തില് സ്ത്രീവിരുദ്ധ നിലപാട് എടുത്താല് അതു ദേശീയ തലത്തില് തിരിച്ചടിയാകുമോ എന്ന ഭയം അവര്ക്കുണ്ട്.
എന്നാല് തന്ത്രപരമായി സംസ്ഥാന സര്ക്കാരിനെ കുടുക്കുകയും ചെയ്തു. ഇപ്പോള് ശക്തമായ നിലപാടുമായി പിണറായി വിജയന് രംഗത്തെത്തിയതോടെയാണ് ബി.ജെ.പി പരുങ്ങലിലായത്. ബി.ജെ.പി കേന്ദ്ര നേതൃത്വം ഇതേക്കുറിച്ചഭിപ്രായം പറയണമെന്ന് പിണറായി ആവര്ത്തിക്കുന്നതും ഇതുകൊണ്ടുതന്നെ.
ശബരിമല സമരത്തില് ഭക്തര് വിജയിച്ചപ്പോള് ഏറെ പ്രവര്ത്തകര് അറസ്റ്റിലായ ബി.ജെ.പി കുഴങ്ങുന്ന കാഴ്ചയാണ് കാണുന്നത്. കേരളത്തിലെ ചില ബി.ജെ.പി നേതാക്കള് ഭിന്നാഭിപ്രായമുള്ളവരാണ്. ഗ്രൂപ്പ് വഴക്കുകള് ഇപ്പോഴും സജീവം. വിശ്വാസികളെ കയ്യിലെടുത്ത് പാര്ട്ടിക്ക് വേരോട്ടമുണ്ടാക്കുന്ന ഏറ്റവും നല്ല അവസരമാണിത്. എന്നാല് കൃത്യമായ ഏകോപനമില്ല. സമര പരിപാടികള്ക്ക് ആര്ജ്ജവവുമില്ല എന്ന് ഒരു കൂട്ടര് പറയുന്നു.
https://www.facebook.com/Malayalivartha
