ശബരിമല വിധിയുടെ പേരില് സംസ്ഥാന സര്ക്കാര് കേരളത്തില് അടിയന്തരാവസ്ഥ നടപ്പിലാക്കുകയാണെന്ന് ബി.ജെ.പി അദ്ധ്യക്ഷന് അമിത് ഷാ
ശബരിമല വിധിയുടെ പേരില് സംസ്ഥാന സര്ക്കാര് കേരളത്തില് അടിയന്തരാവസ്ഥ നടപ്പിലാക്കുകയാണെന്ന് ബി.ജെ.പി അദ്ധ്യക്ഷന് അമിത് ഷാ ആരോപിച്ചു. ഡി.വൈ.എഫ്.ഐ, സി.പി.എം പ്രവര്ത്തകരെ ഉപയോഗിച്ച് ശബരിമലയില് ഭക്തരെ അടിച്ചമര്ത്താന് ശ്രമിച്ചാല് പിണറായി സര്ക്കാരിനെ വലിച്ച് താഴെയിടാന് ബി.ജെ.പി മടിക്കില്ല. ബി.ജെ.പിയുടെ ദേശീയ ശക്തി മുഴുവന് ഭക്തര്ക്കൊപ്പം നിലകൊള്ളും.
ശബരിമലയില് പ്രതിഷേധം നടത്തിയ രണ്ടായിരത്തോളം ബി.ജെ.പി, ബി.ഡി.ജെ.എസ് പ്രവര്ത്തകരെ പൊലീസ് പിടികൂടിയത് എന്തിനാണെന്ന് സര്ക്കാര് വ്യക്തമാക്കണം. അയ്യപ്പഭക്തരുടെ അവകാശങ്ങള് സര്ക്കാര് അടിച്ചമര്ത്തുകയാണെന്നും അദ്ദേഹം ആരോപിച്ചു. കണ്ണൂരില് ബി.ജെ.പി ജില്ലാ കമ്മിറ്റി ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അയ്യപ്പഭക്തരുടെ ആചാരാനുഷ്ടാനങ്ങള് സംരക്ഷിക്കാന് ഈ മാസം 30 മുതല് ബി.ജെ.പി വിവിധ പ്രതിഷേധ സമരങ്ങള് സംഘടിപ്പിക്കുമെന്നും അദ്ദേഹം വ്യക്തമാക്കി.
https://www.facebook.com/Malayalivartha
