അമിത്ഷാ കൊണ്ടുവന്ന കോടികള് വെള്ളമാക്കി വെള്ളാപ്പള്ളി... ശബരിമല സമരത്തില് കൂടെ നില്ക്കാമെന്ന് അമിത്ഷായുടെ മുമ്പില് ആണയിട്ട വെള്ളാപ്പള്ളി ഷാ പോയതോടെ പുതിയ വ്യാഖ്യാനം നല്കി; അമിത് ഷാ ഉദ്ദേശിച്ചത് എസ്എന്ഡിപിയെ അല്ലെന്നും ബിജെഡിഎസിനെയാണെന്ന് വെള്ളാപ്പള്ളി
നിന്ന നില്പ്പില് മലക്കം മറിയുന്നത് യോഗം ജനറല്സെക്രട്ടറി വെള്ളാപ്പള്ളി നടേശന്റെ സ്ഥിരം സ്വഭാവമാണ്. ശബരിമല സമരത്തില് കൂടെ നില്ക്കാമെന്ന് അമിത്ഷായുടെ മുമ്പില് സമ്മതിച്ച വെള്ളാപ്പള്ളി ഷാ പോയതോടെ പുതിയ വ്യാഖ്യാനം നല്കുകയാണ്.
ശബരിമല യുവതീപ്രവേശന വിധിയുമായി ബന്ധപ്പെട്ട് സര്ക്കാര് വിശ്വാസികള്ക്കെതിരായി നടത്തുന്ന നീക്കങ്ങള്ക്കെതിരെ ബി.ജെ.പിയും എസ്.എന്.ഡി.പി യോഗവും ഒരുമിച്ച് പോരാടുമെന്നാണ് ബി. ജെ. പി ദേശീയ അദ്ധ്യക്ഷന് അമിത് ഷാ പറഞ്ഞത്. ശിവഗിരിയില് ഗുരുദേവ മഹാസമാധി നവതിയുടെ ഭാഗമായി ഇന്നലെ നടന്ന മഹാമണ്ഡലപൂജാ സമ്മേളനം ഉല്ഘാടനം ചെയ്യുകയായിരുന്നു അദ്ദേഹം.
ശിവഗിരിയെ സുഖിപ്പിക്കാന് കേന്ദ്രസര്ക്കാരിന്റെ കോടികളുമായാണ് അമിത് ഷാ എത്തിയത്. ശിവഗിരി തീര്ത്ഥാടകര് ഏറെ ആശ്രയിക്കുന്ന വര്ക്കല ശിവഗിരി റെയില്വേ സ്റ്റേഷന്റെ വികസനത്തിനായി 20 കോടി അനുവദിക്കാന് കേന്ദ്രം തീരുമാനിച്ചെന്ന് അമിത്ഷാ അറിയിച്ചു. ശിവഗിരിമഠം, അരുവിപ്പുറം, ചെമ്പഴന്തി, കുന്നുംപാറ എന്നീ കേന്ദ്രങ്ങളെ ബന്ധിപ്പിച്ചുള്ള 70 കോടി രൂപയുടെ ഗുരുദേവ തീര്ത്ഥാടന സര്ക്യൂട്ട് പദ്ധതി കേന്ദ്രം അംഗീകരിച്ചതിന്റെ രേഖ ചടങ്ങില് കേന്ദ്രമന്ത്രി അല്ഫോണ്സ് കണ്ണന്താനം സ്വാമി വിശുദ്ധാനന്ദയ്ക്ക് കൈമാറി.
എന്നാല് അതെല്ലാം കൈ നീട്ടി വാങ്ങി പോയ ശേഷം കാലുമാറി. അമിത് ഷാ ഉദ്ദേശിച്ചത് എസ്എന്ഡിപിയെ അല്ലെന്നും ബിജെഡിഎസിനെയാണെന്നുമാണ്. എസ്എന്ഡിപി ശബരിമല സമരത്തില് പങ്കെടുക്കില്ലെന്നാണ് വെള്ളാപ്പള്ളി പറയുന്നത്. അതേ സമയം റിവ്യൂ ഹര്ജി നല്കുകയുമില്ല.
ശ്രീനാരായണ ധര്മ്മസംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ അദ്ധ്യക്ഷത വഹിച്ചു. യോഗം ജനറല്സെക്രട്ടറി വെള്ളാപ്പള്ളി നടേശന് മുഖ്യപ്രഭാഷണം നടത്തി. കേന്ദ്ര ടൂറിസം സഹമന്ത്രി അല്ഫോണ്സ് കണ്ണന്താനം മുഖ്യാതിഥിയായി. യോഗം വൈസ് പ്രസിഡന്റും നവതി ആചരണ കമ്മിറ്റി ജനറല് കണ്വീനറുമായ തുഷാര് വെള്ളാപ്പള്ളി സ്വാഗതവും നവതി ആചരണ കമ്മിറ്റി സെക്രട്ടറി സ്വാമി ശിവസ്വരൂപാനന്ദ നന്ദിയും പറഞ്ഞു. അമിത്ഷായുടെ പ്രസംഗം ബി.ജെ.പി നേതാവ് വി. മുരളീധരന് എം.പി മലയാളത്തിലേക്ക് പരിഭാഷപ്പെടുത്തി.
https://www.facebook.com/Malayalivartha
