ഈ ലുക്ക് ഔട്ട് നോട്ടീസ് പൊളിച്ചു. ഇത് ജനങ്ങള്‍ ഇറക്കിയ ലുക്ക് ഔട്ട് നോട്ടീസ്. പൊതു മുതല്‍ നശിപ്പിച്ച ഈ സംഘത്തില്‍പ്പെട്ടവരെ വീട്ടില്‍ കേറി അറസ്റ്റ് ചെയ്യണമെന്ന് വിനീതമായി അഭ്യര്‍ത്ഥിക്കുന്നു.

പ്രതിഷേധം ആരു നടത്തിയാലുംചിലപ്പോള്‍ കൈവിട്ടുപോകും. നാമജപയാത്രകളും നിലയ്ക്കലുമൊക്കെ ഭക്തര്‍ പ്രതിഷേധത്തിനിറങ്ങിയപ്പോള്‍ അക്രമണങ്ങളുമുണ്ടായി. പോലീസ് അവരുടെ ചിത്രങ്ങള്‍ വച്ച് നോട്ടീസ് തയ്യാറായി കേരളം മുഴുവന്‍ പ്രദര്‍ശിപ്പിച്ചു. മൂവായിരത്തോളം ആളുകളെ കുട്ടത്തോടെ അറസ്റ്റു ചെയ്തു. ഒടുവില്‍ കോടതി ഇടപെട്ടാണ് ഈ അറസ്റ്റ് മാരത്തണിന് ഒരന്ത്യമുണ്ടാക്കിയത്.

വിശ്വാസി സമരത്തിലെ അക്രമികളെന്ന പേരിലിറങ്ങിയ ലുക്ക് ഔട്ട് നോട്ടീസിന് തൊട്ടുപിറകെ പോലീസിലെ അക്രമികളെ അക്കമിട്ടു നിരത്തി ബി ജെ പിയുടെ ലുക്ക് നോട്ടീസ്. വണ്ടി തല്ലിപ്പൊളിച്ചവരും ഹെല്‍മറ്റ് കട്ടവരും കട്ടത്തടിക്ക് കയ്യില്‍ കിട്ടിയവനെ അടിച്ചവരും ,കല്ലുപെറുക്കിയെറിഞ്ഞവരുമെക്കെ അതില്‍ കുടുങ്ങി. ഒടുവില്‍ സോഷ്യല്‍ മിഡിയയില്‍ നിയമ സഭാമന്ദിരത്തില്‍ പൊതുമുതല്‍ നശിപ്പിച്ച എംഎല്‍മ്മാരുടെ ഒരു പുതിയ ലുക്ക് ഔട്ട് നോട്ടീസ് കെ ,എം മാണിയുടെ വിവാദ ബജറ്റ് അവതരണമായിരുന്നു വേദി.

ബഡ്ജറ്റ് അവതരണം തടയാന്‍ അണിനിരന്ന തോമസ് ഐസക്ക് മുതല്‍ ശിവന്‍കുട്ടി വരെ നിയമസഭയില്‍ താണ്ഡവമാടി. ഇടതുപക്ഷത്തെ എം എല്‍ എ മാര്‍ക്കെതിരെ മികച്ച പ്രകടനമാണ് കാഴ്ച്ച വച്ചത്. സ്പീക്കറുടെ കസേരയും ചേമ്പറും കമ്പ്യുട്ടറും മൈക്കുമൊക്കെ അടിച്ചു തകര്‍ത്തു. വാച്ച് ആന്‍ഡ് വാര്‍ഡിനെ പിടിച്ചുതള്ളി. ഒടുവില്‍ കേസുമില്ല, അറസ്റ്റുമില്ല, ലുക്ക് ഔട്ട് നോട്ടീസുമില്ല. ഭരണപക്ഷവും പ്രതിപക്ഷവും ഒന്നിച്ചു ഈ കേസിന്റെ കാര്യത്തില്‍. പൊതു മുതല്‍ കേരളത്തിന്റേതല്ലേ ഇടതു പക്ഷ സര്‍ക്കാരിന്റേതല്ലല്ലോ. എന്നാലിപ്പോള്‍ സോഷ്യല്‍ മീഡിയയുടെ ലുക്ക് ഔട്ട് നോട്ടീസ് കുറ്റവാളികളെ അക്കമിട്ടുനിരത്തി കാണിക്കുന്നു. വിശ്വാസികളെ കുട്ടത്തോടെ അറസ്റ്റു ചെയ്യുന്ന പിണറായി സര്‍ക്കര്‍ ഇതിനെക്കുറിച്ചെന്തു പറയുന്നു എന്ന അടിക്കുറിപ്പും.