യുവതികള്ക്ക് ശബരിമല കയറാന് എല്ലാ സുരക്ഷയും ഒരുക്കണമെന്ന് ഹൈക്കോടതി സര്ക്കാരിന് നിര്ദ്ദേശം നല്കി, ശബരിമല എല്ലാവരുടേതുമാണ്, തുലാമാസ പൂജകള്ക്ക് നടതുറന്നപ്പോള് എത്തിയ യുവതികള് സംരക്ഷണം തേടി പൊലീസിനെ സമീപിച്ചിരുന്നില്ലെന്നും കോടതി
യുവതികള്ക്ക് ശബരിമലയില് പ്രവേശിക്കാനുള്ള എല്ലാ സുരക്ഷയും സര്ക്കാര് ഒരുക്കണമെന്ന് ഹൈക്കോടതി. സുരക്ഷ നല്കണമെന്ന് ആവശ്യപ്പെട്ട് നാല് വനിതകള് നല്കിയ ഹര്ജി തീര്പ്പാക്കിയാണ് കോടതിയുടെ നിര്ദ്ദേശം. ശബരിമല എല്ലാവരുടേതുമാണ്. യുവതികള് സുരക്ഷതേടി ആദ്യം പൊലീസിനെ സമീപിക്കണമായിരുന്നു. ഇവര് പൊലീസിനെ സമീപിച്ചതായി കണ്ടെത്താനായില്ല. ക്ഷേത്രത്തിന്റെ പവിത്രത സംരക്ഷിച്ച് മണ്ഡലകാലത്തെ ഒരുക്കങ്ങള് പൂര്ത്തിയാക്കണമെന്നും കോടതി നിര്ദ്ദേശിച്ചു. എല്ലാ വിശ്വാസികള്ക്കും ദര്ശനം നടത്താനാവണമെന്നും കോടതി പറഞ്ഞു. രണ്ട് അഭിഭാഷകര് ഉള്പ്പെടെ നാല് വനിതകളാണ് ഹര്ജി നല്കിയത്.
അതേസമയം സന്നിധാനത്തും ശബരിമലയിലും ക്രിമിനലുകള് എത്തിയതായി സര്ക്കാര് ഹൈക്കോടതിയെ അറിയിച്ചു. സര്ക്കാരിന്റെ ഈ വാദം ഹൈക്കോടതി മുഖവിലയ്ക്കെടുത്തു. നാമജപ യാത്രയില് ഉള്പ്പെടെ പങ്കെടുത്തവരെ അറസ്റ്റ് ചെയ്തതതിനെ തുടര്ന്ന് കഴിഞ്ഞ ആഴ്ച ഹൈക്കോടതിയില് നിന്ന് സര്്ക്കാരിന് വിമര്ശനം ഏല്ക്കേണ്ടി വന്നിരുന്നു. ക്രിമിനലുകളല്ലാതെ നിരപരാധികളെ അറസ്റ്റ് ചെയ്താല് വലിയ വില നല്കേണ്ടിവരുമെന്നും പറഞ്ഞിരുന്നു. തുടര്ന്ന് വനിതകളെ അറസ്റ്റ് ചെയ്യുന്നതില് നിന്നും സര്ക്കാര് പിന്മാറിയിരുന്നു. അക്രമികളെ മാത്രം അറസ്റ്റ് ചെയ്താല് മതിയെന്നും ഡി.ജി.പി നിര്ദ്ദേശിച്ചു.
നവംബര് അഞ്ചിന് നടതുറക്കുമ്പോള് യുവതികള് മലകയറാന് എത്തുമെന്ന് ഇതോടെ ഉറപ്പായി. യുവതീ പ്രവേശനം തടയാന് ബി.ജെ.പിയും എന്.എസ്.എസും മറ്റ് ഹൈന്ദവ സംഘടനകളും ശക്തമായ സമരവുമായി മുന്നോട്ട് പോകുമ്പോള് സര്ക്കാരിന് മുന്നില് വലിയ വെല്ലുവിളിയാണ് ഉയരുന്നത്. എന്ത് സംഭവിച്ചായാലും വിശ്വാസികള്ക്ക്് മലകയറാന് സംരക്ഷയൊരുക്കുമെന്ന് ദേവസ്വം മന്ത്രി കടകംപള്ളി സുരേന്ദ്രന് ഇന്നും വ്യക്തമാക്കിയിട്ടുണ്ട്.
https://www.facebook.com/Malayalivartha
