മുല്ലപ്പെരിയാർ അണക്കെട്ട് വിദഗ്ധ സമിതിയിൽ നിന്ന് കേരളത്തിന്റെ പ്രതിനിധിയെ നീക്കി
22 JUNE 2026 07:59 AM IST
മലയാളി വാര്ത്ത
മുല്ലപ്പെരിയാർ അണക്കെട്ട് വിദഗ്ധ സമിതിയിൽ നിന്ന് കേരളത്തിന്റെ പ്രതിനിധിയെ നീക്കി ഉത്തർപ്രദേശ് സ്വദേശിയായ എം എൽ ശർമയെ നിയമിച്ചു.
അണക്കെട്ടിന്റെ സമഗ്ര സുരക്ഷാവിലയിരുത്തലിനായി രൂപീകരിച്ച വിദഗ്ധരുടെ സമിതിയിൽ നിന്നാണ് സിഡബ്ലിയുസി മുൻ ചീഫ് എൻജിനിയറായ ടി കെ ശിവരാജനെ നീക്കിയത്. റൂർക്കി ഐഐടിയിലെ പ്രൊഫ. എം എൽ ശർമയെയാണ് നിയമിച്ചത്.
വ്യക്തിപരമായ കാരണങ്ങളാൽ ശിവരാജൻ ഒഴിഞ്ഞെന്നാണ് കേന്ദ്രത്തിന്റെ വിശദീകരണമുള്ളത്. 2021ലെ ഡാം സുരക്ഷാ നിയമപ്രകാരം ജൂൺ ആറിനാണ് ദേശീയ ഡാം സുരക്ഷാ അതോറിറ്റി സ്വതന്ത്ര വിദഗ്ധ സമിതി രൂപീകരിച്ചത്.
നാഷണൽ ഹൈഡ്രോ ഇലക്ട്രിക് പവർ കോർപറേഷൻ (എൻഎച്ച്പിസി) മുൻ സിഎംഡി ബൽരാജ് ജോഷിയാണ് ചെയർമാൻ. നിർണായക സമിതിയിൽ നിന്ന് പ്രതിനിധി ഒഴിവാക്കപ്പെട്ടത് കേരളത്തിന് തിരിച്ചടിയാകുകയും ചെയ്യും.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
