സോഷ്യല്‍ മീഡിയകളില്‍ പലപ്പോഴും തന്റെ നിലപാടുകള്‍കൊണ്ടും കുറിപ്പുകള്‍കൊണ്ടും ഏറെ ശ്രദ്ധ നേടിയ ചുരുക്കം ചില വ്യക്തികളിൽ ഒരാളാണ് വിടി ബല്‍റാം എംഎല്‍എ. ഇപ്പോഴിതാ തന്റെ പോസ്റ്റിന് താഴെ വന്ന കമന്റിന് അദ്ദേഹം നല്‍കിയ കമന്റുകളാണ് വൈറലാകുന്നത്.

ശബരിമലയിലെ യുവതീ പ്രവേശനത്തിനെതിരെ രാഹുല്‍ ഈശ്വര്‍ നടത്തിയ വിവാദ പ്രസ്ഥാവനയ്‌ക്കെതിരെ ഫേസ്ബുക്കില്‍ പോസ്റ്റ് ചെയ്ത കുറിപ്പിന് താഴെ ചിലരുടെ കമന്റിനാണ് ബല്‍റാം തകര്‍പ്പന്‍ മറുപടി നല്‍കിയത്.

'രക്തം വീഴ്ത്തിയും മൂത്രമൊഴിച്ചും പരിപാവനമായ സന്നിധാനത്ത് അശുദ്ധി വരുത്താനും കലാപം സൃഷ്ടിക്കാനും ഗൂഡാലോചന നടത്തിയ ആര്‍എസ്എസ് ക്രിമിനലുകളെ നിലക്കുനിര്‍ത്തേണ്ടത് സംസ്ഥാന ഭരണകൂടത്തിന്റെ ഉത്തരവാദിത്തമാണ്. ആരുടേയെങ്കിലും രോമത്തില്‍ തൊടരുത് എന്നതല്ല, ഇതുപോലുള്ള എല്ലാ രോമങ്ങളേയും പിടിച്ച് അകത്തിടണമെന്ന് തന്നെയാണ് യഥാര്‍ത്ഥ കോണ്‍ഗ്രസുകാരുടെയും യഥാര്‍ത്ഥ അയ്യപ്പഭക്തരുടേയും ആവശ്യം. കോണ്‍ഗ്രസ് വിശ്വാസികള്‍ക്കൊപ്പമാണ്, കലാപകാരികള്‍ക്കൊപ്പമല്ല.' ഇതായിരുന്നു ബല്‍റാം കുറിച്ചത്. എന്നാല്‍ ഈ പോസ്റ്റിനെ അനുകൂലിച്ചും വിമര്‍ശിച്ചും നിരവധി കമന്റുകളാണ് വന്നത്.

'ആര്‍.എസ്.എസ് ക്രിമിനലുകളോ.. വാക്കുകള്‍ സൂക്ഷിച്ച് ഉപയോഗിക്കണം വിടി' എന്നായിരുന്നു ഒരാള്‍ കമന്റിട്ടത്. ഇല്ലെങ്കില്‍ അമിത് ഷാ ജി വന്ന് മൂക്കില്‍ വലിക്കുമോ എന്നാണ ഇതിന് ബല്‍റാം നല്‍കിയ മറുപടി.
ഈ മറുപടിയാണ് ഇപ്പോൾ ട്രോളന്മാർ ഏറ്റെടുത്തിരിക്കുന്നത്.എന്തായാലും സംഭവം ഏറ്റെടുത്ത് ഹർഷാവരം പൊഴികിക്കുകയാണ് ട്രോളന്മാർ ഇപ്പോൾ .

ജി .രാമന്‍ നായരുടെ ബിജെപി പ്രവേശനം കൊണ്ട് വിടിയെ തളയ്ക്കാനെത്തിയ വ്യക്തിയെയും ബല്‍റാംഅതിമനോഹരമായി ട്രോളി. അല്‍ഫോണ്‍സ് കണ്ണന്താനത്തിന്റെയും വിശ്വനാഥമേനോന്റെയും വഴിയിലൂടെ പോകാനുള്ള അവരുടെ തീരുമാനത്തെ ഞാന്‍ മാനിക്കുന്നുവെന്നാണ് ബല്‍റാം മറുപടി നൽകിയത്.