ശബരിമലയില് ഹൈന്ദവ വിശ്വാസികളെ മാത്രം പ്രവേശിപ്പിച്ചാല് മതി എന്നാവശ്യപ്പെട്ട് ടി.ജി മോഹന്ദാസ് നല്കിയ ഹര്ജി മതേതരത്വത്തെ തകര്ക്കുന്നതെന്ന് ഹൈക്കോടതി, ശബരിമല എല്ലാവരുടേതും, ഹര്ജിയില് സര്ക്കാരിന്റെയും ദേവസ്വം ബോര്ഡിന്റെയും റിപ്പോര്ട്ട് തേടി
ശബരിമലയില് ഹൈന്ദവ വിശ്വാസികളെ മാത്രം പ്രവേശിപ്പിച്ചാല് മതി എന്നാവശ്യപ്പെട്ട് ആര്.എസ്.എസ് ബൗദ്ധിക വിഭാഗം നേതാവ് ടി. ജി മോഹന്ദാസ് നല്കിയ ഹര്ജി മതേതര സങ്കല്പ്പം തകര്ക്കുന്നതാണെന്ന് ഹൈക്കോടതി ദേവസ്വം ബെഞ്ച്. ഹര്ജിയില് സര്ക്കാരില് നിന്നും ദേവസ്വം ബോര്ഡില് നിന്നും കോടതി റിപ്പോര്ട്ട് തേടി. എല്ലാ മതവിഭാഗങ്ങള്ക്കും പ്രവേശനം അനുവദിച്ചിട്ടുള്ള സ്ഥലമാണ് ശബരിമല. അതിനാല് അഹിന്ദുക്കള്ക്കും ശബരിമല ദര്ശനം നടത്താമെന്നും ഹൈക്കോടതി. ഹര്ജി സംസ്ഥാനത്തിന്റെ മതസൗഹാര്ദത്തെ തകര്ക്കുമെന്ന് ചൂണ്ടിക്കാട്ടിയ കോടതി, ഇക്കാര്യത്തിലുള്ള അതൃപ്തി ഹരജിക്കാരനെ അറിയിക്കുകയും ചെയ്തു. ഹര്ജി രണ്ടാഴ്ചയ്ക്ക് ശേഷം വീണ്ടും പരിഗണിക്കും. അപ്പോള് സര്ക്കാരും ബോര്ഡും റിപ്പോര്ട്ട് സമര്പ്പിക്കണം.
വാവരുസ്വാമിയുടെ സാന്നിധ്യമുള്ള സ്ഥലമാണ് ശബരിമല. അതുകൊണ്ട് അഹിന്ദുക്കള് ശബരിമലയില് ദര്ശനം നടത്തി മടങ്ങാറുണ്ട്. അതിനാല് അഹിന്ദുക്കള് പ്രവേശിക്കരുതെന്ന് പറയാന് സാധിക്കില്ലെന്നും കോടതി വ്യക്തമാക്കി. ശബരിമലയുടെ പാരമ്പര്യം കേരളത്തിലെ എല്ലാവര്ക്കും അവകാശപ്പെട്ടതാണ്. ഇരുമുടിക്കെട്ടില്ലാതെ ശബരിമല ദര്ശനത്തിന് പോകാന് സാധിക്കും. പതിനെട്ടാംപടി കയറുന്നതിന് മാത്രമാണ് ഇരുമുടിക്കെട്ട് നിര്ബന്ധമുള്ളതെന്നും ഹൈകോടതി ചൂണ്ടിക്കാട്ടി.
സുപ്രീംകോടതിയുടെ വിധിയുടെ അടിസ്ഥാനത്തില് ശബരിമലയില് യുവതികള്ക്ക് ആരാധനാ സ്വാതന്ത്ര്യമാണ് നല്കിയിട്ടുള്ളത്. അതിനാല് അഹിന്ദുക്കളെ പ്രവേശിപ്പിച്ചു കൊണ്ട് സുപ്രീംകോടതി വിധി നടപ്പാക്കാനുള്ള ശ്രമമാണ് സംസ്ഥാന സര്ക്കാര് നടത്തുന്നതെന്നും ഹരജിയില് ടി.ജി മോഹന്ദാസ് പറയുന്നു. ഇതാണ് കോടതിയെ ചൊടിപ്പിച്ചത്. ഇത്തരം ആവശ്യം മുമ്പും ആരും ഉന്നയിച്ചിട്ടില്ലെന്നും കോടതി ചൂണ്ടിക്കാട്ടി.
ഹിന്ദുമതത്തില് വിശ്വാസമുണ്ടെന്ന് എഴുതിവാങ്ങിയ ശേഷമേ അഹിന്ദുക്കളെ ക്ഷേത്രത്തില് പ്രവേശിക്കാവൂ എന്നായിരുന്നു ഹര്ജിലെ ആവശ്യം.ശബരിമലയുടെ പാരമ്പര്യം എല്ലാ മതസ്ഥര്ക്കും അവകാശപ്പെട്ടതാണെന്നും ഇരുമുടി കെട്ടില്ലാതെ മല കയറാമെന്നും കോടതി വ്യക്തമാക്കി.
പതിനെട്ടാം പടി കയറുന്നതിന് മാത്രമാണ് ഇരുമുടിക്കെട്ടെന്ന നിബന്ധന. പതിനെട്ടാംപടിയിലൂടെ അല്ലാതെ ദര്ശനം നടത്തുന്നതിന് ഇരുമുടിക്കെട്ട് നിര്ബന്ധമല്ലെന്നും സ്ത്രീയായാലും പുരുഷനായാലും സംരക്ഷണം നല്കണമെന്നും കോടതി പറഞ്ഞു.
ഹിന്ദുമതത്തില് വിശ്വാസമുണ്ടെന്ന് എഴുതിവാങ്ങിയ ശേഷമേ അഹിന്ദുക്കളെ ക്ഷേത്രത്തില് പ്രവേശിക്കാവൂ എന്നായിരുന്നു ഹര്ജിലെ ആവശ്യം. സോമനാഥ്, തിരുപ്പതി, ക്ഷേത്രങ്ങളില് ഈ രീതിയാണുളളത്. ഹിന്ദു പൊതു ആരാധനാലയ പ്രവേശന നിയമത്തിലെ വ്യവസ്ഥ പാലിക്കണം. ശബരിമലയില് അഹിന്ദുക്കളെയും വിശ്വാസികളെയും പ്രവേശിപ്പിക്കാന് പൊലീസ് നടത്തിയ ശ്രമത്തെ പറ്റി പൊലീസ് അന്വേഷിക്കണമെന്നും ഹര്ജിയില് ആവശ്യമുണ്ടായിരുന്നു.
സ്ത്രീപ്രവേശനം അനുവദിച്ച സുപ്രീം കോടതി ഉത്തരവ് മറയാക്കി വിഗ്രഹാരാധനയെ എതിര്ക്കുന്നവരും ഇരുമുടിക്കെട്ടില്ലാത്തവരുമായ സ്ത്രീകളെ പൊലീസ് സംരക്ഷണത്തോടെ ശബരിമലയില് പ്രവേശിപ്പിക്കാന് ശ്രമിച്ചത് ഭക്തര്ക്ക് വേദനയുണ്ടാക്കിയെന്നും ഹര്ജിയില് പറഞ്ഞിരുന്നു. സര്ക്കാരും കോടതിയില് നിലപാട് അറിയിച്ചിരുന്നു.
https://www.facebook.com/Malayalivartha
