സാ​ല​റി ച​ല​ഞ്ച് വിഷയത്തിൽ സംസ്ഥാന സർക്കാർ നൽകിയ അ​പ്പീ​ല്‍ ഹർജി സുപ്രീംകോടതി തള്ളി. സർക്കാറിന് ആവശ്യമെങ്കിൽ പുതിയ വിജ്ഞാപനം ഇറക്കാമെന്നും കോടതി ചൂണ്ടിക്കാട്ടി. സാ​ല​റി ച​ല​ഞ്ചി​ല്‍ ശ​മ്പ​ളം ന​ല്‍കാ​ന്‍ ത​യാ​റ​ല്ലാ​ത്ത​വ​ര്‍ വി​സ​മ്മ​ത​പ​ത്രം ന​ല്‍കേ​ണ്ടെ​ന്ന ഹൈ​കോ​ട​തി വിധിയെ ശരിവെച്ചുകൊണ്ടാണ് അ​പ്പീ​ല്‍ ഹർജി സു​പ്രീം​കോ​ട​തി തള്ളിയത്.

ഹൈക്കോടതിയുടെ ഇടക്കാല ഉത്തരവ് ശരിയാണ്. അതില്‍ ഇടപെടാനാകില്ലെന്ന് ജസ്റ്റിസ് അരുണ്‍ കുമാര്‍ മിശ്ര അധ്യക്ഷനായ സുപ്രീം കോടതി ബെഞ്ച് വ്യക്തമാക്കി.കേരളത്തിലെ പ്രളയ ദുരിതാശ്വാസ പ്രവര്‍ത്തനങ്ങള്‍ക്കായി തങ്ങളടക്കമുള്ളവര്‍ ധനസഹായം നല്‍കിയിട്ടുണ്ട്. സാലറി ചലഞ്ചിലേക്ക് പണം നൽകാത്തവർ സ്വയം അപമാനിതരാകുന്നത് എന്തിനാണെന്നും സുപ്രീംകോടതി ചോദിച്ചു.പല കാരണം കൊണ്ടും പണം നല്‍കാന്‍ കഴിയാത്തവരുണ്ടാകും. അവരെ ഒരു വിസമ്മത പത്രത്തിലൂടെ അപമാനിതരാക്കുന്നത് ശരിയല്ലെന്നും കോടതി നിരീക്ഷിച്ചു.

മറ്റൊരു പ്രധാന നിരീക്ഷണം കൂടി കോടതിയുടെ ഭാഗത്തുനിന്നുണ്ടായി. തങ്ങളുള്‍പ്പെടെയുള്ളവര്‍ ദുരിതാശ്വാസ പ്രവര്‍ത്തനങ്ങള്‍ക്കായി നല്‍കിയ തുക പ്രളയ ദുരിതാശ്വാസ പ്രവര്‍ത്തനങ്ങള്‍ക്കാണ് ഉപയോഗിക്കുന്നതെന്നതിന് യാതൊരു ഉറപ്പും നിലവിലെ സാഹചര്യത്തില്‍ ഇല്ല.

ജനങ്ങളുടെ വിശ്വാസം നേടേണ്ടത് സര്‍ക്കാരിന്റെ ഉത്തരവാദിത്തമാണ്.ദുരിതാശ്വാസ പ്രവര്‍ത്തനങ്ങളുമായി മുന്നോട്ടുപോകാനുള്ള നടപടി സര്‍ക്കാറിന്റെ ഭാഗത്തുനിന്നും ഉണ്ടാവണമെന്നും കോടതി വ്യക്തമാക്കി.

ജീ​വ​ന​ക്കാ​ര്‍ക്ക് ത​ങ്ങ​ളു​ടെ സാ​മ്പ​ത്തി​ക​ശേ​ഷി അ​നു​സ​രി​ച്ച് ഇ​ഷ്​​ട​മു​ള്ള സം​ഭാ​വ​ന ന​ല്‍കാ​മെ​ന്ന്​ വി​ധി​ച്ച ഹൈ​കോ​ട​തി ന​ല്‍കാ​ത്ത​വ​ര്‍ വി​സ​മ്മ​ത പ​ത്രം സ​മ​ര്‍പ്പി​ക്ക​ണ​മെ​ന്ന സ​ര്‍ക്കാ​ര്‍ ഉ​ത്ത​ര​വി​ലെ നി​ബ​ന്ധ​ന റ​ദ്ദാ​ക്കി​യി​രു​ന്നു. എന്നാൽ, സു​പ്രീം​കോ​ട​തി പ്ര​ള​യ​ത്തി​ന​് പ​ണം​ ന​ല്‍കാ​ന്‍ ജീ​വ​ന​ക്കാ​രോ​ട് അ​ഭ്യ​ർ​ഥി​ച്ച് ഇ​റ​ക്കി​യ ഉ​ത്ത​ര​വി​ന്​ സ​മാ​ന​മാ​ണ് സംസ്ഥാന​ സ​ര്‍ക്കാ​ര്‍ ഉ​ത്ത​ര​വെ​ന്ന്​ അപ്പീൽ ഹ​ര​ജിയിൽ വ്യ​ക്ത​മാ​ക്കിയിരുന്നു.