സാ​ല​റി ച​ല​ഞ്ച് വിഷയത്തിൽ സംസ്ഥാന സർക്കാറിന് സുപ്രീം കോടതി വിധി തിരിച്ചടി എന്ന് ധനമന്ത്രി ഡോ തോമസ് ഐസക്ക്. കോടതി വിധിയെ മാനിക്കുന്നു. സുപ്രീംകോടതി പറഞ്ഞു കഴിഞ്ഞാൽ പിന്നെ അതിലപ്പുറം ഇല്ല. എന്തുകൊണ്ട്‌ ​ ഇങ്ങനെ ഒരു വിധിയെന്ന്​ അറിയില്ലെന്നും തോമസ്​ ഐസക്ക് പറഞ്ഞു. ​വിശദാംശങ്ങൾ അറിഞ്ഞതിനു ശേഷം തുടർനടപടികൾ സ്വീകരിക്കുമെന്ന് തോമസ് ഐസക്ക് അറിയിച്ചു .വിധിയുടെ പശ്ചാത്തലത്തിൽ ഇന്ന്​ തന്നെ സർക്കാർ പുതിയ ഉത്തരവ്​ പുറത്തിറക്കുo .കൂടാതെ ​ ഭൂരിഭാഗം ജീവവനക്കാരും സമ്മതപത്രം നൽകിയിട്ടുണ്ടെന്നും അവരിൽ നിന്ന് മാത്രമേ പണം ഈടാക്കുവെന്നും അദ്ദേഹം കൂട്ടിച്ചേർത്തു .

​ഇതുവരെ 1874 കോടി രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക്​ വന്നിട്ടുണ്ട്​. 454 കോടി രൂപ പണമായിട്ട​ും 1200 കോടി രൂപ സ്​ഥലവും മറ്റ്​ സഹായങ്ങളുമായി ലഭിച്ചിട്ടുണ്ടെന്നും ധനമന്ത്രി പറഞ്ഞു.

ഒാൺലൈൻ വഴിയാണ്​ പണമിടപാടുകളും മറ്റും കൈകാര്യo ചെയ്യുന്നത് ​. അതിനാൽ തന്നെ എല്ലാ നടപടികളും സുതാര്യമാണെന്നും ധനമന്ത്രി വ്യക്​തമാക്കി.

സാ​ല​റി ച​ല​ഞ്ചി​ല്‍ ശ​മ്പ​ളം ന​ല്‍കാ​ന്‍ ത​യാ​റ​ല്ലാ​ത്ത​വ​ര്‍ വി​സ​മ്മ​ത​പ​ത്രം ന​ല്‍കേ​ണ്ടെ​ന്ന ഹൈ​കോ​ട​തി വി​ധി​ക്കെ​തി​രെ സ​ര്‍ക്കാ​ര്‍ ന​ല്‍കി​യ അ​പ്പീ​ല്‍ ഹരജി സുപ്രീം കോടതി തള്ളിയിരുന്നു.