യുവതികൾക്കായി അയ്യപ്പ ക്ഷേത്രം സ്ഥാപിക്കാനുള്ള ശ്രമത്തിലാണെന്ന് ബി.ജെ.പി എം.പി സുരേഷ് ഗോപി. കൊളത്തൂര്‍ അദ്വൈതാശ്രമത്തിന്റെ കീഴിലുള്ള ശ്രീശങ്കര വൃദ്ധസേവാ കേന്ദ്രം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

അയ്യപ്പ ക്ഷേത്രം നിർമ്മിക്കാനായി റാന്നിയിലോ പരിസരത്തോ സ്ഥലം ലഭ്യമാക്കാൻ കേന്ദ്ര, സംസ്ഥാന സർക്കാരുകളോട് അഭ്യർഥിക്കുമെന്നും ഇല്ലെങ്കിൽ വിഷയത്തിൽ സമാനമനസ്കരായ ആളുകളുടെ സഹകരണത്തോടെ സ്ഥലം ലഭ്യമാക്കുമെന്നും സുരേഷ് ഗോപി പറഞ്ഞു.

സുപ്രീംകോടതി വിധിക്ക് പിന്നാലെയുണ്ടായ ശബരിമലയിലെ യുവതി പ്രവേശനത്തില്‍ തന്റെ നിലപാട് വ്യക്തമാക്കാന്‍ സുരേഷ് ഗോപതയ്യാറായില്ലെങ്കിലും ഇപ്പോള്‍ പത്തനംതിട്ടയില്‍ തന്നെ ശബരിമലയ്ക്കടുത്തായി യുവതികള്‍ക്കായുള്ള അയ്യപ്പ ക്ഷേത്രം നിര്‍മ്മിക്കാനുള്ള തയ്യാറെടുപ്പുകള്‍ താന്‍ തുടങ്ങി കഴിഞ്ഞു എന്നാണ് അദ്ദേഹം വ്യക്തമാക്കുന്നത്.