ദേവസ്വം ബോര്ഡ് പ്രസിഡന്റ് സ്ഥാനം പത്തനംതിട്ട ജില്ലാ സെക്രട്ടറിയേറ്റ് അംഗത്വം എല്ലാം പെട്ടെന്നെറിയാന് എ.പത്മകുമാര് തയ്യാറല്ല, അങ്ങനെ ശബരിമല യുവതീപ്രവേശനത്തിനൊപ്പം നില്ക്കാനും പിടിവാശി ഉപേക്ഷിക്കാനും അദ്ദേഹം തീരുമാനിച്ചു
ശബരിമല വിഷയത്തില് പാര്ട്ടിക്കും സര്ക്കാരിനും എതിരെ നിന്ന ദേവസ്വംബോര്ഡ് പ്രസിഡന്റ് എ.പത്മകുമാര് പിണറായിയുടെ കാല്ക്കല് സാഷ്ടാംഗം പ്രണമിച്ച് മലക്കംമറിഞ്ഞു. ശബരിമലയില് യുവതീപ്രവേശനം ആകാമെന്ന നിലപാടിലാണ് പത്മകുമാറിപ്പോള്. അങ്ങനെ ദേവസ്വംബോര്ഡ പ്രസിഡന്റ് സ്ഥാനവും പത്തനംതിട്ട ജില്ലാ സെക്രട്ടറി സ്ഥാനവും സേഫാക്കി. ഭക്തര്ക്കൊപ്പം നിന്നാല് തന്റെ കസേര തെറിക്കുമെന്ന് പത്മകുമാറിന് മനസിലായി.
പത്തനംതിട്ടയിലെ സി.പി.എം നേതാക്കള് പത്മകുമാറിനെതിരെ തിരിയുകയും ചെയ്തിരുന്നു. ആറന്മുള വിമാനത്താവളം അടക്കമുള്ള വിഷയങ്ങളില് പത്മകുമാറിനെതിരെ നിരവധി ആരോപണങ്ങള് ഉയര്ന്നിരുന്നു. വി.എസിനൊപ്പം നിന്നവരുടെ ശക്തമായ താവളമായ ജില്ലയില് പിണറായി ഗ്രൂപ്പുകാരനായ തനിക്ക് പിടിച്ച് നില്ക്കണമെങ്കില് കളംമാറ്റുകയേ രക്ഷയുള്ളൂ എന്ന് പത്മകുമാര് തിരിച്ചറിഞ്ഞു.
സുപ്രീംകോടതി വിധി നടപ്പാക്കുന്ന കാര്യത്തില് സര്ക്കാരിന് അനുകൂലമായ പരാമര്ശങ്ങള് ഹൈക്കോടതിയില് നിന്നുണ്ടാവുകയും ശബരിമലയില് നടന്നത് കോടതിവിധിക്കെതിരായ സമരമാണെന്നും പറഞ്ഞതോടെ ഭക്തര്ക്കൊപ്പം നില്ക്കുന്നത് നിയമപരമായും ധാര്മികമായും ശരയല്ലെന്നും പത്മകുമാറിന് മനസിലായി. എന്നാല് മനസുകൊണ്ട് താനിപ്പോഴും ഭക്തര്ക്കൊപ്പമാണെന്ന അദ്ദേഹം വേണ്ടപ്പെട്ടവരെ അറിയിച്ചിട്ടുണ്ട്. പത്മകുമാറിനെ തങ്ങളുടെ പാളയത്തിലെത്തിക്കുമെന്ന് ബി.ജെ.പിയും വ്യാപക പ്രചരണം നടത്തിയിരുന്നു. കാരണം ശബരിമല വിഷയത്തില് അവര് സ്വീകരിച്ച ലൈന് തന്നെയായിരുന്നു പത്മകുമാറും എടുത്തിരുന്നത്. പകല് സി.പി.എമ്മും രാത്രി ആര്.എസ്.എസുമാണ് പത്മകുമാറെന്ന് പണ്ട് മുതലേ ആറന്മുളയില് വ്യാപക ആക്ഷേപമുണ്ട്. വരുന്ന ലോക്സഭാ തെരഞ്ഞെടുപ്പില് പത്തനംതിട്ട മണ്ഡലത്തില് നിന്ന് ബി.ജെ.പി പത്മകുമാറിനെ മത്സരിപ്പിക്കുമെന്ന് ഡെക്കണ് ഹെറാള്ഡ് പത്രം റിപ്പോര്ട്ട് ചെയ്തിരുന്നു. ഇതെല്ലാം തനിക്ക് വിനയാകുമെന്ന് പത്മകുമാറിന് മനസിലായി.
ദേവസ്വം ബോര്ഡ് പ്രസിഡന്റിനെ ആരൊക്കെയോ തെറ്റിദ്ധരിപ്പിച്ചിരിക്കുകയാണെന്ന് പത്തനംതിട്ടയില് പിണറായി പറഞ്ഞിരുന്നു. അതിന് ശേഷം ഇന്നലെയാണ് പത്മകുമാര് മുഖ്യമന്ത്രിയെ കാണുന്നത്. ക്ലിഫ് ഹൗസിലായിരുന്നു കൂടിക്കാഴ്ച. എ.കെ.ജി. സെന്ററിലെത്തി കോടിയേരിയേയും കണ്ടു. പത്മകുമാറിന്റെ നിലപാടില് അതൃപ്തനായ മുഖ്യമന്ത്രി ചിത്തിര ആട്ടവിശേഷ സമയത്ത് ശബരിമലയുടെ ചുമതല ബോര്ഡ് അംഗം കെ.പി ശങ്കര്ദാസിനാണ് നല്കിയത്. ശബരിമലയിലേക്ക് പോകെണ്ടെന്നും പാര്ട്ടി നിര്ദ്ദേശിച്ചു. ഇതോടെയാണ് സ്വയംകുഴിച്ച കുഴിയില് വീഴേണ്ടെന്നും ഇപ്പോഴത്തെ സ്ഥിതിവിശേഷം താമസിക്കാതെ മാറുമെന്നും പത്മകുമാര് മനസിലാക്കിയത്.
https://www.facebook.com/Malayalivartha
