ദക്ഷിണമേഖലാ എഡിജിപി കെ.പദ്മകുമാറിനെതിരെ സരിത എസ് നായര്‍ ഡിജിപിക്കു പരാതി നല്‍കി. തന്റെ അശ്ലീല ചിത്രങ്ങള്‍ സോഷ്യല്‍ മീഡിയയിലൂടെ പ്രചരിപ്പിച്ചതിനു പിന്നില്‍ പദ്മകുമാറും മറ്റു ചില രാഷ്ട്രീയ നേതാക്കളുമാണെന്നു സരിത പരാതിയില്‍ പറയുന്നു. അന്വേഷിച്ചു അവര്‍ക്കെതിരെ നടപടിയെടുക്കണമെന്നും പരാതിയില്‍ പറയുന്നു.
പദ്മകുമാര്‍ ഐജി ആയിരിക്കുമ്പോഴാണു തന്നെ അറസ്റ്റു ചെയ്തത്. തന്റെ തിരുവനന്തപുരത്തെ വീട്ടില്‍ നിന്നു ആറു മൊബൈല്‍ ഫോണും രണ്ടു ലാപ്‌ടോപ്പും അന്നു പൊലീസ് പിടിച്ചെടുത്തിരുന്നു. എന്നാല്‍ കോടതിയില്‍ രണ്ടു ഫോണും ഒരു ലാപ് ടോപ്പും ഹാജരാക്കിയില്ല. അതിലാണു തന്റെ അശ്ലീല വിഡിയോയും ചിത്രങ്ങളും ഉണ്ടായിരുന്നത്. 
ഇതു പ്രചരിപ്പിച്ചതിനു പിന്നില്‍ രാഷ്ട്രീയമുണ്ട്. താനും മുഖ്യമന്ത്രിയുമായി ഒരു വേദിയില്‍ നില്‍ക്കുന്ന ഫോട്ടോയും ഇതിലുണ്ടായിരുന്നു. അതു തന്റെ ജീവനക്കാരന്‍ എടുത്ത ചിത്രമായിരുന്നു. അതും പുറത്തു വിട്ടത് അന്വേഷിക്കണമെന്നു പരാതിയില്‍ ആവശ്യപ്പെട്ടതായി സരിത മാധ്യമങ്ങളോടു പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha