ഒരടി പിന്നോട്ട് രണ്ടടി മുന്നോട്ട്. സമരം കലിപ്പിക്കാന്‍ ബി ജെ പി. ഇന്നലെ ശബരിമലയില്‍ യു ഡി എഫ് സ്‌കോര്‍ ചെയ്തത് ബി ജെ പി യെ ഞെട്ടിച്ചു.കൊച്ചിയില്‍ നടന്ന നേതൃ യോഗം സമരം ശക്തമാക്കാന്‍ തീരുമാനമെടുത്തു. അറസ്റ്റിലായ ഭക്തര്‍ക്ക് വേണ്ടി പാര്‍ട്ടി എന്ത് ചെയ്യുന്നു എന്ന വ്യാപക വിമര്‍ശനത്തിനിടയിലായിരുന്നു ഇന്നലത്തെ അടിയന്തിര യോഗം.

നിലയ്ക്കലില്‍ ബി.ജെ.പി സമരം വീണ്ടും ശക്തമാക്കുമെന്ന് സംസ്ഥാന പ്രസിഡന്റ് അഡ്വ. പി.എസ്. ശ്രീധരന്‍പിള്ള യോഗശേഷം വാര്‍ത്താസമ്മേളനത്തില്‍ പറഞ്ഞു. വിശ്വാസികളും ശബരിമല കര്‍മ്മസമിതിയും സംഘടിപ്പിക്കുന്ന എല്ലാ സമരങ്ങള്‍ക്കും ബി.ജെ.പി പിന്തുണ നല്‍കും. ശബരിമലയില്‍ നിരോധനാജ്ഞ പിന്‍വലിക്കുക, പൊലീസ് രാജ് അവസാനിപ്പിക്കുക, ആരാധനാ സ്വാതന്ത്ര്യം പുനഃസ്ഥാപിക്കുക തുടങ്ങിയ ആവശ്യങ്ങള്‍ ഉന്നയിച്ച് ശക്തമായ പ്രക്ഷോഭം സംഘടിപ്പിക്കും.

25 മുതല്‍ 30 വരെ എന്‍.ഡി.എയുടെ നേതൃത്വത്തില്‍ ഗൃഹസന്ദര്‍ശനം സംഘടിപ്പിച്ച് ശബരിമലയിലെ സര്‍ക്കാര്‍ നടപടിക്കെതിരെ ഒരു കോടി ഒപ്പു ശേഖരിച്ച് ഗവര്‍ണര്‍ക്ക് കൈമാറും. ഡിസംബര്‍ അഞ്ചു മുതല്‍ പത്തുവരെ കേരളമൊട്ടാകെ ശബരിമല സംരക്ഷണ സദസുകള്‍ സംഘടിപ്പിക്കും.സംസ്ഥാനത്തൊട്ടാകെ നാമജപയാത്രകള്‍ വീണ്ടും സജീവമാക്കും.

 

"