ഇനി ഡ്രൈവിങ് ലൈസന്സ്, രജിസ്ട്രേഷന് സര്ട്ടിഫിക്കറ്റ് തുടങ്ങി ഗതാഗതവുമായി ബന്ധപ്പെട്ട രേഖകളുടെ അസ്സല് കൊണ്ടു നടക്കേണ്ട
ഡ്രൈവിങ് ലൈസന്സ്, രജിസ്ട്രേഷന് സര്ട്ടിഫിക്കറ്റ് തുടങ്ങി ഗതാഗതവുമായി ബന്ധപ്പെട്ട എല്ലാ രേഖകളുടെ അസ്സലുകള് ഇനി കൊണ്ടുനടക്കേണ്ട. പരിശോധകര് ആവശ്യപ്പെട്ടാല് മൊബൈല് ഫോണില് ഇത്തരം രേഖകളുടെ ഫോട്ടോ കാണിച്ചാല് മതിയെന്ന് കേന്ദ്ര ഉപരിതല ഗതാഗതഹൈവേ മന്ത്രാലയം സംസ്ഥാനങ്ങളിലെ ഡി.ജി.പി, പ്രിന്സിപ്പല് സെക്രട്ടറി, ട്രാന്സ്പോര്ട്ട് കമീഷണര് എന്നിവര്ക്ക് അയച്ച കത്തില് വ്യക്തമാക്കി. കേരളത്തില് ഇത് നടപ്പാക്കി തുടങ്ങിയതായി ട്രാന്സ്പോര്ട്ട് കമീഷണര് പറഞ്ഞു. 1989 ലെ കേന്ദ്ര മോട്ടോര് വാഹന നിയമത്തിന്റെ 139ാം ചട്ടം ഭേദഗതി ചെയ്തതിന്റെ അടിസ്ഥാനത്തിലാണ് ഈ പരിഷ്കാരം. ഭേദഗതി നിര്ദേശപ്രകാരം രജിസ്ട്രേഷന് സര്ട്ടിഫിക്കറ്റ് (ആര്.സി), ഇന്ഷുറന്സ്, ഫിറ്റ്നെസ്, പെര്മിറ്റ്, െ്രെഡവിങ് ലൈസന്സ്, പുക പരിശോധന സര്ട്ടിഫിക്കറ്റ് തുടങ്ങിയവ മൊബൈല് ഫോണ് പോലുള്ള ഏതെങ്കിലും ഇലക്ട്രോണിക് ഉപകരണത്തില് പകര്ത്തി കാണിച്ചാല് മതി.
യൂണിഫോമിലുള്ള പൊലീസോ സംസ്ഥാന സര്ക്കാറുകള് നിയോഗിക്കുന്ന മറ്റ് ഉദ്യോഗസ്ഥരോ ഇലക്ട്രോണിക് സംവിധാനത്തിലുള്ള രേഖകള് പരിശോധിക്കാന് തയാറാവണം. ബന്ധപ്പെട്ട ഉദ്യോഗസ്ഥര്ക്ക് ഇതു സംബന്ധിച്ച് നിര്ദേശം നല്കണമെന്നും ഇതിന്റെ പേരില് പൗരന്മാര് അവഹേളിക്കപ്പെടുകയോ പ്രയാസപ്പെടുകയോ ചെയ്യുന്ന അവസ്ഥ ഉണ്ടാകരുതെന്നും ഈമാസം 19ന് അയച്ച കത്തില് നിര്ദേശിച്ചിട്ടുണ്ട്. സംശയം തോന്നുന്ന കാര്യങ്ങളില് മാത്രം അസ്സല് രേഖകള് ഓഫിസില് ഹാജരാക്കാന് ആവശ്യപ്പെടുമെന്നും ട്രാന്സ്പോര്ട്ട് കമീഷണര് പറഞ്ഞു
https://www.facebook.com/Malayalivartha
