ഇതൊക്കെ ആരു കാണാനാ... ശബരിമലയിലെ അസൗകര്യം പോലീസുകാരില് ആരോഗ്യ മാനസിക പ്രശ്നമുണ്ടാക്കുന്നതായി മനുഷ്യാവകാശ കമ്മീഷന്
ഒരു വശത്ത് അസൗകര്യങ്ങള് മറുവശത്ത് വല്ലാത്തൊരന്തരീക്ഷത്തില് ജോലി. അങ്ങനെ വല്ലാത്തൊരന്തരീക്ഷത്തിലാണ് പോലീസ് ഡ്യൂട്ടി ചെയ്യുന്നത്. ഇതിനിടെയാണ് മനുഷ്യാവകാശ കമ്മീഷന്റെ റിപ്പോര്ട്ട് വന്നത്.
ശബരിമലയിലെ അസൗകര്യം പോലീസുകാരില് ആരോഗ്യ മാനസിക പ്രശ്നമുണ്ടാക്കുന്നതായി മനുഷ്യാവകാശ കമ്മീഷന് പറഞ്ഞു. മണ്ഡല കാലത്ത് ശബരിമലയില് പോലീസുദ്യോഗസ്ഥരുടെ ഭക്ഷണ വിശ്രമ സൗകര്യം വര്ദ്ധിപ്പിക്കാത്തത് അവരില് ആരോഗ്യ മാനസിക പരിശീലനം സൃഷ്ടിക്കപ്പെടുന്നുണ്ടെന്ന് മനുഷ്യാവകാശ കമ്മീഷന്. പ്രതികൂല സാഹചര്യം നേരിടുന്ന പോലീസുകാരുടെ ആവശ്യം മാനുഷിക പരിഗണനയോടെ പരിഹരിക്കണമെന്നും കമ്മീഷന് അംഗം കെ മോഹന്കുമാര് ആവശ്യപ്പെട്ടു. പരിഹാര നടപടി പോലീസ് മേധാവി രണ്ടാഴ്ചയ്ത്തകം രേഖാ മൂലം സമര്പ്പിക്കണമെന്നും കമ്മീഷന് ആവശ്യപ്പെട്ടു.
സ്വമേധയാ രജിസ്റ്റര് ചെയ്ത കേസിലാണ് നടപടി. പോലീസുകാരുടെ ഡ്യൂട്ടി ടേണിലും യൂണി ഫോമിലും വരുത്തിയ മാറ്റം പുന പരിശോധിക്കണമെന്ന ആവശ്യം ശബരിമല സന്ദര്ശിച്ച കമ്മീഷന് മുമ്പാകെ പോലീസുമാര് ഉന്നയിച്ചിട്ടുണ്ടെന്ന് ഉത്തരവില് പറയുന്നു. വനിതകള് ഉള്പ്പെടെയുള്ളവര്ക്ക് നിലയ്ക്കലിലും പമ്പയിലും വിശ്രമ സൗകര്യം അപര്യാപ്തമാണെന്ന് കമ്മീഷന് നിരീക്ഷിച്ചു.
ശുചി മുറികളില് വെള്ളമില്ലാത്തത് പ്രശ്നം രൂക്ഷമാക്കുന്നു. ഒരാഴ്ച ഡ്യൂട്ടി ചെയ്യുന്ന വനിത കോണ്സ്റ്റബിള്മാര്ക്ക് കുടുംബവുമായി ഒത്തു ചേരാന് ഒന്നോ രണ്ടോ ദിവസം ഇടവേള അനുവദിക്കണം. മെസ് പരിസരത്ത് ഡ്രൈനേജ് പൊട്ടിയൊലിക്കുന്നത് പകര്ച്ചവ്യാധികള്ക്ക് ഇടയാക്കുന്നെന്നും കമ്മീഷന് അംഗം കെ മോഹന്കുമാര് ഉത്തരവില് പറഞ്ഞു.
https://www.facebook.com/Malayalivartha
