ഇടത് എം.എല്.എമാരായ കാരാട്ട് റസാഖും പി ടി എ റഹിമും ദേശവിരുദ്ധരാണെന്നും രാജ്യസുരക്ഷയ്ക്ക് ഭീഷണിയായ നടപടികള് ഇവരുടെ ഭാഗത്ത് നിന്ന് ഉണ്ടായെന്നും പ്രതിപക്ഷനേതാവ് രമേശ് ചെന്നിത്തല ആരോപിച്ചു
രണ്ട് ഇടത് എം.എല്.എമാര് ദേശവിരുദ്ധരാണെന്നും രാജ്യസുരക്ഷയ്ക്ക് ഭീഷണിയായ നടപടികള് ഇവരുടെ ഭാഗത്ത് നിന്ന് ഉണ്ടായെന്നും പ്രതിപക്ഷനേതാവ് രമേശ് ചെന്നിത്തല ആരോപിച്ചു. കള്ളക്കടത്ത് നിരോധന കേസിലെ പ്രതിയെ വീട്ടുതടങ്കലിലാക്കരുതെന്ന് കാണിച്ച് എംഎല് എ മാരായ കാരാട്ട് റസാഖും പി ടി എ റഹിമും ആഭ്യന്തര വകുപ്പിന് നല്കിയ കത്ത് ഇവര്ക്ക് കള്ളക്കടത്ത് മാഫിയയുമായുള്ള ബന്ധം വ്യക്തമാക്കുന്നതാണെന്ന് പ്രതിപക്ഷ നേതാവ് പറഞ്ഞു.
പ്രമാദമായ കരിപ്പൂര് സ്വര്ണ്ണക്കള്ളക്കടത്ത് കേസിലെ പ്രതിയായ അബുലൈസിനെ കരുതല് തടങ്കിലാക്കരുതെന്ന് ആവശ്യപ്പെട്ട് മുഖ്യമന്ത്രിയോടും, സി പി എമ്മിനോടും വളരെയേറെ അടുപ്പമുള്ള രണ്ട് ഇടതു എം എല് എ മാര് ആഭ്യന്തര വകുപ്പിന് നല്കിയ കത്ത് രാജ്യ സുരക്ഷയെ തന്നെ ചോദ്യം ചെയ്യുന്നതും, ദേശീയ താല്പര്യത്തിന് വിരുദ്ധവുമാണെന്നും അദ്ദേഹം ആരോപിച്ചു.
മുമ്പ് സി പി എം സംസ്ഥാന സെക്രട്ടറി കോടിയേരി ബാലകൃഷ്ന്റെ കേരള യാത്രക്കിടെ, കള്ളക്കടത്ത് കേസിലെ പ്രതിയുടെ വാഹനത്തില് സഞ്ചരിച്ചത് വിവാദമായിരുന്നു. ഇത്തരം മാഫിയ സംഘങ്ങളുമായുള്ള കേരളത്തിലെ സി പി എം നേതാക്കളുടെയും, ഭരണകക്ഷി എം എല് എമാരുടെയും ബന്ധത്തെക്കുറിച്ച് ദേശീയ സുരക്ഷ ഏജന്സികള് അന്വേഷിക്കണമെന്നും രമേശ് ചെന്നിത്തല ആവശ്യപ്പെട്ടു. സി പി എമ്മുമായി അടുത്ത ബന്ധമുള്ള ഈ എം എല് എ മാരില് ഒരാളുടെ മകനെയും, മരുമകനെയും ഹവാല ഇടപാടുമായി ബന്ധപ്പെട്ട് സൗദിയില് തടങ്കലില് വച്ചിരിക്കുകയാണ്.
കേരളത്തിലെ ഭരണകക്ഷി എം എല് എ മാര്ക്കും അവരുടെ കുടംബാംഗങ്ങള്ക്കും രാജ്യാന്തര കള്ളക്കടത്ത് മാഫിയയുമായി ബന്ധമുണ്ടെന്ന വാര്ത്തകള് പുറത്ത് വരുന്നത് ആശങ്കാജനകമാണ്. കേരളത്തിലെ ഭരണത്തിന്റെ തണലില് രാജ്യന്തര മാഫിയകള്ക്ക് അഴിഞ്ഞാടാനുള്ള അവസരമാണ് സി പി എം ഉണ്ടാക്കുന്നത്. ഭരണത്തിന്റെ ഉന്നത തലങ്ങളില് പോലും ഇത്തരം മാഫിയകള്ക്ക് സ്വാധീമുണ്ടെന്നത് ആശങ്കാജനകമാണെന്നും രമേശ് ചെന്നിത്തല പറഞ്ഞു.
https://www.facebook.com/Malayalivartha
