ശബരിമലയില് പത്തിനും അന്പതിനും ഇടയില് പ്രായമുള്ള സ്ത്രീകളെ പ്രവേശിപ്പിക്കണമെന്ന് ആവശ്യപ്പെട്ട് സുപ്രീംകോടതി ഉത്തരവിട്ട വിധി നടപ്പാക്കാന് സംഘപരിവാര് ഉള്പ്പെടെയുള്ള വലതുപക്ഷ സംഘടനകള് തടസം നില്ക്കുന്നെന്ന് കാണിച്ച് സര്ക്കാര് സുപ്രീംകോടതിയിലേക്ക്
ശബരിമലയില് പത്തിനും അന്പതിനും ഇടയില് പ്രായമുള്ള സ്ത്രീകളെ പ്രവേശിപ്പിക്കണമെന്ന് ആവശ്യപ്പെട്ട് സുപ്രീംകോടതി ഉത്തരവിട്ട വിധി നടപ്പാക്കാന് സംഘപരിവാര് ഉള്പ്പെടെയുള്ള വലതുപക്ഷ സംഘടനകള് തടസം നില്ക്കുന്നെന്ന് കാണിച്ച് സര്ക്കാര് സുപ്രീംകോടതിയില് അപേക്ഷ നല്കും. ചീഫ് സെക്രട്ടറി ടോംജോസായിരിക്കും അപേക്ഷ നല്കുക. വിധി നടപ്പാക്കാന് സാവകാശം വേണമെന്ന് ആവശ്യപ്പെട്ട് തിരുവിതാംകൂര് ദേവസ്വം ബോര്ഡ് കോടതിയെ സമീപിച്ചതിന് പിന്നാലെയാണ് സര്ക്കാര് കോടതിയില് അപേക്ഷ നല്കുന്നത്. ഇത് സംബന്ധിച്ച് സംസ്ഥാന സര്ക്കാരിന്റെ സ്റ്റാന്ഡിംഗ് കൗണ്സില് മുതിര്ന്ന അഭിഭാഷകരുമായി ഡല്ഹിയില് ചര്ച്ച നടത്തി.
വിധിക്കെതിരെ സംഘപരിവാര് സംഘടനകളും കോണ്ഗ്രസും മറ്റ് സമുദായ സംഘടനകളും നടത്തുന്ന സമരത്തിന്റെ വിശദാംസങ്ങളും സര്ക്കാര് കോടതിയെ അറിയിക്കും. വിധി നടപ്പാക്കാന് പൊലീസ് ഉദ്യോഗസ്ഥര് അനുഭവിക്കുന്ന ബുദ്ധിമുട്ടും വിശദമായ അപേക്ഷയില് അറിയിക്കും. ശബരിമലയില് ജോലി ചെയ്യുന്ന പൊലീസ് ഉദ്യോഗസ്ഥരെ ജാതിയുടെയും മതത്തിന്റെയും പേരില് അപമാനിക്കുന്ന നിലപാടിലും ഹൈക്കോടതി ദേവസ്വം ബെഞ്ച്് പൊലീസ് ഉദ്യോഗസ്ഥര്ക്കെതിരെ വ്യക്തിപരമായി പരാമര്ശം നടത്തിയതിലും പ്രതിഷേധിച്ച് ഐ.പി.എസ് അസോസിയേഷന് സുപ്രീംകോടതിയെ സമീപിക്കാന് ആലോചിച്ചിരുന്നെങ്കിലും അത് ഉപേക്ഷിക്കുകയായിരുന്നു.
ശബരിമലയില് ഡ്യൂട്ടിയിലുള്ള പൊലീസ് ഉദ്യോഗസ്ഥര്ക്ക് സര്ക്കാര് എല്ലാ പിന്തുണയും നല്കിയതോടെയാണ് ഐ.പി.എസ് അസോസിയേഷന് കോടതിയില് പോകേണ്ടെന്ന് തീരുമാനിച്ചത്. തുലാമാസ പൂജകള്ക്ക് ഐ.ജി മനോജ് എബ്രഹാമിനെ ശബരിമല ഡ്യൂട്ടിക്ക് നിയോഗിച്ചതിനെതിരെ ബി.ജെ.പി നേതാവ് ബി.ഗോപാലകൃഷ്ണന് രംഗത്തെത്തിയിരുന്നു. തുടര്ന്ന് അദ്ദേഹത്തെ മാറ്റി. ഐ.ജി ശ്രീജിത്ത് രഹ്നാഫാത്തിമയെ സന്നിധാനത്ത് എത്തിക്കാന് നടത്തിയ ശ്രമത്തിനെതിരെയും വിമര്ശനം ഉയര്ന്നു.
ക്രമസമാധാന ചുമതല നിര്വഹിക്കുന്നതിനിടെ കേന്ദ്രമന്ത്രിയോട് പരിഹാസമായി സംസാരിച്ച എസ്.പി യതീഷ് ചന്ദ്ര, കേന്ദ്രമന്ത്രിയോട് തര്ക്കിച്ച എസ്.പി ഹരിശങ്കര്, സന്നിധാനത്തെ ചുമതലയുള്ള ഐ.ജി വിജയ് സാഖറെ എന്നിവര്ക്കെതിരെയും വിമര്ശനങ്ങളുയര്ന്നിരുന്നു. യതീഷ് ചന്ദ്രയ്ക്കെതിരെ ബി.ജെ.പി സംസ്ഥാന അധ്യക്ഷന് ശ്രീധരന്പിള്ള കേന്ദ്രആഭ്യന്തരമന്ത്രാലയത്തിന് പരാതി നല്കിയിരിക്കുകയാണ്.
https://www.facebook.com/Malayalivartha
