ശബരിമല സന്നിധാനത്ത് സ്ത്രീയെ ആക്രമിച്ച കേസില്‍ ബിജെപി സംസ്ഥാന സെക്രട്ടറി കെ സുരേന്ദ്രന്റെ ജാമ്യാപേക്ഷ കോടതി ഇന്ന് പരിഗണിക്കും. പത്തനംതിട്ട ജില്ലാ സെഷന്‍സ് കോടതിയാണ് സുരേന്ദ്രന്റെ ജാമ്യാപേക്ഷ പരിഗണിക്കുന്നത്. നേരത്തെ സമര്‍പ്പിച്ച ജാമ്യാപേക്ഷ റാന്നി മജിസ്ട്രേറ്റ് കോടതി തള്ളിയിരുന്നു.

മകന്റെ കുട്ടിയുടെ ചോറൂണിന് എത്തിയ തൃശ്ശൂര്‍ സ്വദേശി ലളിതയെ വധിക്കാന്‍ ഗൂഢാലോചന നടത്തിയെന്ന കുറ്റമാണ് കെ സുരേന്ദ്രനെതിരെയുള്ളത്. ഈ കേസില്‍ 13 ആം പ്രതിയാണ് സുരേന്ദ്രന്‍. അതേസമയം ശബരിമല സന്നിധാനത്ത് ഭക്തയെ ആക്രമിച്ചതടക്കം വിവിധ കേസുകളില്‍ പ്രതിയായ ബി.ജെ.പി സംസ്ഥാന ജനറല്‍ സെക്രട്ടറി കെ. സുരേന്ദ്രനെ തിരുവനന്തപുരം സെന്‍ട്രല്‍ ജയിലിലേക്ക് മാറ്റും. സുരേന്ദ്രന്റെ അപേക്ഷ പരിഗണിച്ചാണ് നടപടി. ആരോഗ്യാവസ്ഥ പരിഗണിച്ച്‌ തന്നെ കണ്ണൂര്‍ സെന്‍ട്രല്‍ ജയിലില്‍ നിന്ന് തിരുവനന്തപുരം സെന്‍ട്രല്‍ ജയിലിലേക്ക് മാറ്റണമെന്ന സുരേന്ദ്രന്റെ അപേക്ഷ റാന്നി കോടതി അംഗീകരിച്ചു.

ഇന്നലെ കൊട്ടാരക്കര സബ് ജയിലില്‍ നിന്ന് കണ്ണൂരിലേക്ക് സുരേന്ദ്രനെയും കൊണ്ട് പോലീസ് സംഘം തിരിച്ചുവെങ്കിലും സമയം വൈകിയതിനാല്‍ കോഴിക്കോട് സബ് ജയിലിലാണ് പാര്‍പ്പിച്ചത്. ഫസല്‍ വധക്കേസില്‍ ആര്‍.എസ്.എസ് പ്രവര്‍ത്തകനെ ചോദ്യം ചെയ്ത പോലീസുദ്യോഗസ്ഥനെ ഭീഷണിപ്പെടുത്തിയ കേസില്‍ ഇന്നലെ രാവിലെ കണ്ണൂര്‍ കോടതിയില്‍ ഹാരാക്കിയ ശേഷം സുരേന്ദ്രനെ കെട്ടാരക്കര സബ് ജയിലേക്ക് കൊണ്ടുപോന്നു. റാന്നി കോടതിയുടെ ഉത്തരവ് കൊട്ടാരക്കര ജയിലില്‍ ലഭിച്ച ശേഷം സുരേന്ദ്രനെ തിരുവനന്തപുരം സെന്‍ട്രല്‍ ജയിലിലേക്ക് മാറ്റും. ആര്‍.എസ്.എസ് പ്രവര്‍ത്തകനെ ചോദ്യം ചെയ്ത ഉദ്യോഗസ്ഥനെ ഭീഷണിപ്പെടുത്തിയ കേസില്‍ സുരേന്ദ്രന്‍ കോടതിയില്‍ ഹാജരാകാതെ നടക്കുകയായിരുന്നു. ഇതോടെ ഈ കേസില്‍ അറസ്റ്റ് വാറണ്ടായി. ഈ കേസില്‍ കണ്ണൂര്‍ ജുഡീഷ്യല്‍ ഒന്നാം €ാസ് മജിസ്‌ട്രേറ്റ് കോടതി ജാമ്യം അനുവദിച്ചു.