എല്ലാം കോടതി കാണുന്നുണ്ട്... ശബരിമലയില് ജഡ്ജിയെയും തടഞ്ഞെന്ന് ചെന്നൈ സ്വദേശി
ഇന്ന് ഹൈക്കോടതി വിധി വരാനിരിക്കെ ശക്തമായ തെളിവോടെ ഹര്ജിക്കാര് ഹൈക്കോടതിയില്. നിരോധനാജ്ഞയുടെ പേരില് കേന്ദ്രമന്ത്രിയെയും ഹൈക്കോടതി ജഡ്ജിയെയും വരെ തടയുന്ന സാഹചര്യമാണ് ശബരിമലയിലെന്ന് ഹര്ജിക്കാര് പറയുന്നു. സന്നിധാനത്തെത്തുന്ന ഭക്തരെ പോലീസിനെ ഉപയോഗിച്ച് പീഡിപ്പിക്കരുതെന്നും ശരണം വിളിക്കുന്നതു പോലും തടയുന്ന പോലീസ് ഇടപെടല് ഭക്തിയുടെ അന്തരീക്ഷം തകര്ക്കുമെന്നും ശബരിമലയിലെ നിയന്ത്രണങ്ങള്ക്കെതിരെ ഹര്ജി സമര്പ്പിച്ചവര് ചൂണ്ടിക്കാട്ടി. സര്ക്കാറിന്റെ മറുപടി വാദത്തിന് ഹര്ജികള് ചൊവ്വാഴ്ചത്തേക്ക് മാറ്റി.
ചെന്നൈ സ്വദേശി ടിആര് രമേഷ് ഉള്പ്പെടെ ഒരു കൂട്ടം ആളുകളാണ് ഹര്ജി നല്കിയത്. ശബരിമല സ്പെഷന് കമ്മീഷണറുടെ റിപ്പോര്ട്ടിന്റെ അടിസ്ഥാനത്തില് ഹൈക്കോടതി സ്വമേധയ രജിസ്റ്റര് ചെയ്ത ഹര്ജിയും ഇതോടൊപ്പം പരിഗണിക്കുന്നുണ്ട്. ഭക്തരെ പോലീസ് ഭയപ്പെടുത്തുകയാണെന്ന് ഹര്ജിക്കാര് ചൂണ്ടിക്കാട്ടി. നിരോധനാജ്ഞ ഭക്തര്ക്ക് ബാധകമല്ലെന്നാണ് സര്ക്കാര് പറയുന്നത്.
ഇത് അപ്രായോഗികമാണ്. ഭക്തരെയും പ്രതിഷേധക്കാരെയും തിരിച്ചറിയാനാവില്ല. കൊലയാളിക്കു പോലും പ്രാര്ത്ഥിക്കാന് അവകാശമുമ്ടെന്നിരിക്കെ അറസ്റ്റ് ചെയ്തവര്ക്കെതിരെ കേസ് നിലവിലുണ്ടെന്ന സര്ക്കാര് വാദത്തില് അടിസ്ഥാനമില്ല. ഒന്നുകില് എല്ലാവര്ക്കും നിരോധനാജ്ഞ ബാധകമാക്കണം. അല്ലാത്ത പക്ഷം ആര്ക്കും ബാധകമാക്കരുത്.
കേന്ദ്ര മന്ത്രിയെ തടഞ്ഞു നിര്ക്കിയ പോലീസ് ഉദ്യോഗസ്ഥന് സര്ക്കാരിന്റെ നയ തീരുമാനം മന്ത്രിയോട് പരസ്യമായി ചര്ച്ച ചെയ്ത നടപടി പെരുമാറ്റ ദൂഷ്യമാണ്. ഭക്തരെ ആരാധന നടത്തുന്നതില് നിന്ന് തടയുന്ന നടപടിയാണ് ഉദ്യോഗസ്ഥരുടെ ഭാഗത്തു നിന്നുണ്ടാകുന്നതെന്നും ഹര്ജിക്കാര് പറഞ്ഞു
https://www.facebook.com/Malayalivartha
