ജനങ്ങളുടെ ആരോഗ്യസുരക്ഷ ഉറപ്പാക്കുന്നതിന് സര്ക്കാര്, സ്വകാര്യ ആശുപത്രികളില് ഉപയോഗിക്കുന്ന ശസ്ത്രക്രിയാ ഉപകരണങ്ങളുടെ ഗുണനിലവാരം കൃത്യമായി പരിശോധിക്കണമെന്ന് മനുഷ്യാവകാശ കമ്മിഷന് അദ്ധ്യക്ഷന്
ജനങ്ങളുടെ ആരോഗ്യസുരക്ഷ ഉറപ്പാക്കുന്നതിന് സര്ക്കാര്, സ്വകാര്യ ആശുപത്രികളില് ഉപയോഗിക്കുന്ന ശസ്ത്രക്രിയാ ഉപകരണങ്ങളുടെ ഗുണനിലവാരം കൃത്യമായി പരിശോധിക്കണമെന്ന് മനുഷ്യാവകാശ കമ്മിഷന് അദ്ധ്യക്ഷന് ജസ്റ്റിസ് ആന്റണി ഡൊമിനിക് ഉത്തരവിട്ടു. സര്ജിക്കല് ഉപകരണങ്ങള് ഒരു മാനദണ്ഡവുമില്ലാതെ ആര്ക്കും വിറ്റഴിക്കാവുന്ന സാഹചര്യമാണുള്ളതെന്ന് ചൂണ്ടിക്കാട്ടി മനുഷ്യാവകാശ പ്രവര്ത്തകനായ പി.കെ. രാജു സമര്പ്പിച്ച പരാതിയിലാണ് ഈ ഉത്തരവ്. ശരീരത്തില് നിക്ഷേപിക്കുന്ന ശസ്ത്രക്രിയ ഉപകരണങ്ങള്ക്ക് എല്ല് രോഗവിഭാഗത്തിന്റെയും ഹൃദ്രോഗവിഭാഗത്തിന്റെയും ലൈസന്സ് നിര്ബന്ധമാക്കിയിട്ടുണ്ടെന്ന് ആരോഗ്യസെക്രട്ടറി കമ്മിഷനെ അറിയിച്ചിരുന്നു.
ഹൃദയശസ്ത്രക്രിയയ്ക്കുള്ള ഉപകരണങ്ങള് ബി.ഐ.എസ് നിബന്ധനപ്രകാരം വിപണിയിലിറക്കുന്നതാണ്. ശരീരത്തില് നിഷേപിക്കുന്ന ഇത്തരം ഉപകരണങ്ങളെ കേന്ദ്രസര്ക്കാര് ഉത്തരവ് പ്രകാരം മരുന്നായാണ് കണക്കാക്കുന്നത്. ഡ്രഗ് ലൈസന്സ് ഇല്ലാത്തവര്ക്ക് ഇത്തരം ഉപകരണങ്ങള് നിര്മ്മിക്കാനാവില്ലെന്നും ആരോഗ്യസെക്രട്ടറിയുടെ റിപ്പോര്ട്ടിലുണ്ട്. ശസ്ത്രക്രിയാ ഉപകരണങ്ങളുടെ ഗുണനിലവാരം ഉറപ്പാക്കേണ്ടത് സര്ക്കാരിന്റെ നിയമപരമായ ബാദ്ധ്യതയാണെന്ന് ജസ്റ്റിസ് ആന്റണി ഡൊമിനിക് ഉത്തരവില് ചൂണ്ടിക്കാട്ടി.
നിയമം ലംഘിക്കുന്നവര്ക്കെതിരെ കര്ശന നടപടിയെടുക്കണമെന്ന് ഡ്രഗ്സ് കണ്ട്രോളര്ക്കും പൊലീസ് മേധാവിക്കും കമ്മിഷന് ഉത്തരവ് നല്കി
"
https://www.facebook.com/Malayalivartha
