ദമ്പതികള് സഞ്ചരിച്ച സ്കൂട്ടറില് സ്വകാര്യ ബസിടിച്ച് ഭാര്യ മരിച്ചു, ഇടിയുടെ ആഘാതത്തില് സ്കൂട്ടര് പൂര്ണമായും തകര്ന്നു
കൂത്തുപറമ്പില് ദമ്പതികള് സഞ്ചരിച്ച സ്കൂട്ടറില് സ്വകാര്യ ബസിടിച്ച് ഭാര്യ മരിച്ചു. മാലൂര് ഓലക്കലിലെ സദാനന്ദന്റെ ഭാര്യ ഷൈനി (40) ആണ് മരിച്ചത്. രാവിലെ 8.30 ഓടെ നിര്മലഗിരി കോളജിന് സമീപം നീറോളിചാലിലായിരുന്നു അപകടം. നിര്മാണ തൊഴിലാളികളായ ദമ്പതികള് മാലൂരില് നിന്നും കൂത്തുപറമ്പിലേക്ക് ജോലിക്കായി സ്കൂട്ടറില് വരുന്നതിനിടെയാണ് അപകടമുണ്ടായത്.
ഇരിട്ടിയില് നിന്നും തലശേരിയിലേക്കു പോകുകയായിരുന്ന സ്വകാര്യ ബസ് ദമ്പതികള് സഞ്ചരിച്ച സ്കൂട്ടറിന്റെ പിറകില് ഇടിക്കുകയായിരുന്നു. ഇടിയുടെ ആഘാതത്തില് സ്കൂട്ടര് പൂര്ണമായും തകര്ന്നു. പരിക്കേറ്റ സദാനന്ദനെ കൂത്തുപറമ്പ് താലൂക്കാശുപത്രിയില് പ്രവേശിപ്പിച്ചു. സദാനന്ദന്റെ പരിക്ക് സാരമുള്ളതല്ല. ഷൈനിയുടെ മൃതദേഹം പോസ്റ്റ്മോര്ട്ടത്തിനായി കൂത്തുപറമ്പ് താലൂക്കാശുപത്രിയിലേക്ക് മാറ്റി. മക്കള്: അക്ഷയ ( ബിരുദ വിദ്യാര്ഥിനി ) അന്വയ (പത്താം ക്ലാസ് വിദ്യാര്ഥിനി)
"
https://www.facebook.com/Malayalivartha
