വനിതാമതിലിന്റെ ആലപ്പുഴ ജില്ലയിലെ സംഘാടക സമിതിയുടെ മുഖ്യരക്ഷാധികാരി സ്ഥാനത്തു നിന്ന് പ്രതിപക്ഷനേതാവ് രമേശ് ചെന്നിത്തലയെ മാറ്റി. തന്റെ അനുമതി കൂടാതെ പ്രധാന ചുമതല നല്‍കിയതിനെതിരെ ചെന്നിത്തല രംഗത്തെത്തിയിരുന്നു. ര​ക്ഷാ​ധി​കാ​രി​യാ​യി ത​ന്‍റെ പേ​രു വ​ച്ച​തു സാ​മാ​ന്യ മ​ര്യാ​ദ​യു​ടെ ലം​ഘ​ന​മാ​ണെ​ന്നു ചൂ​ണ്ടി​ക്കാ​ട്ടി ചെ​ന്നി​ത്ത​ല പ്ര​തി​ഷേ​ധി​ച്ച​തി​നെ തു​ട​ര്‍​ന്നാ​ണ് ആ​ല​പ്പു​ഴ ജി​ല്ലാ ക​ള​ക്ട​ര്‍ എ​സ് സു​ഹാ​സ് പേ​രു നീ​ക്കി​യ​ത്.

ബു​ധ​നാ​ഴ്ച വൈ​കു​ന്നേ​രം ആ​ല​പ്പു​ഴ ക​ള​ക്ട​റേ​റ്റി​ല്‍ ന​ട​ന്ന പ്ര​ത്യേ​ക​യോ​ഗ​ത്തി​ലാ​ണു ജി​ല്ല​യി​ല്‍​നി​ന്നു​ള്ള ജ​ന​പ്ര​തി​നി​ധി​യെ​ന്ന നി​ല​യി​ല്‍ ചെ​ന്നി​ത്ത​ല​യെ സം​ഘാ​ട​ക സ​മി​തി​യു​ടെ മു​ഖ്യ​ര​ക്ഷാ​ധി​കാ​രി​യാ​ക്കി​യ​ത്. എ​ന്നാ​ല്‍ ത​ന്നോ​ട് ഒ​രു വാ​ക്കു​പോ​ലും ചോ​ദി​ക്കാ​തെ ര​ക്ഷാ​ധി​കാ​രി​യാ​ക്കി പേ​രു​വ​ച്ച​തി​ല്‍ ക​ള​ക്ട​റെ ചെ​ന്നി​ത്ത​ല പ്ര​തി​ഷേ​ധ​മ​റി​യി​ച്ചു. ര​ണ്ടു ത​വ​ണ​യാ​ണ് പി​ആ​ര്‍​ഡി പ​ത്ര​ക്കു​റി​പ്പി​റ​ക്കി​യ​ത്. ആ​ദ്യ പ​ത്ര​ക്കു​റി​പ്പി​ല്‍ ചെ​ന്നി​ത്ത​ല​യു​ടെ പേ​രി​ല്ലാ​യി​രു​ന്നു. ര​ണ്ടാ​മ​ത്തേ​തി​ല്‍ പേ​രു​വ​ച്ച്‌ ഇ​റ​ക്കു​ക​യാ​യി​രു​ന്നു.

അതേസമയം,നിയമസഭയില്‍ വനിതാ മതിലിനെ ചൊല്ലി ഭരണ-പ്രതിപക്ഷാംഗങ്ങള്‍ തമ്മില്‍ വാക്കേറ്റമുണ്ടായതിനെ തുടര്‍ന്ന് നിയമസഭ പിരിഞ്ഞിരുന്നു. പ്രസംഗത്തിനിടെ വര്‍ഗീയ മതില്‍ ജനം പൊളിക്കുമെന്ന എം.കെ.മുനീറിന്റെ പ്രസ്ഥാവനയെ വിമര്‍ശിച്ച്‌ ഭരണപക്ഷ അംഗങ്ങള്‍ സഭയുടെ നടുത്തളത്തിലിറങ്ങിയിരുന്നു. മുനീര്‍ പ്രസ്താവന പിന്‍വലിക്കണമെന്ന ആവശ്യമുന്നയിച്ചാണ് ഭരണപക്ഷം രംഗത്തെത്തിയത്. എന്നാല്‍ പരാമര്‍ശത്തില്‍ ഉറച്ചു നില്‍ക്കുന്നതായി എം.കെ.മുനീര്‍ വ്യക്തമാക്കി. തുടര്‍ന്നാണ് നിയമസഭ നിര്‍ത്തി വെച്ചത്.

യുഡിഎഫ് എംഎല്‍എമാരുടെ സത്യാഗ്രഹ സമരം വിജയമാണെന്ന് ചെന്നിത്തല വ്യക്തമാക്കി. എംഎല്‍എമാരെ ചര്‍ച്ചയ്ക്ക് വിളിക്കാത്തത് ജനാധിപത്യ വിരുദ്ധമാണെന്നും അദ്ദേഹം പറഞ്ഞു.